tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Berriak > ''Phantom Thread'', 2018ko film onenaren FIPRESCI Sari Nagusiaren irabazle
''Phantom Thread'', 2018ko film onenaren FIPRESCI Sari Nagusiaren irabazle
Paul Thomas Andersonek hirugarrenez jasoko du sari hori Donostian
Ostirala, 2018(e)ko abuztuaren 24

Zinema Kritikarien Nazioarteko Federazioak (FIPRESCI) Phantom Thread aukeratu du 2018ko film onenaren irabazle. Mundu osoko 473 kritikarik parte hartu dute botazioan, eta 2017ko uztailaren 1az geroztik estreinatutako film guztien artean aukeratu dute ekoizpen hau. Hauek izan dira beste finalistak: Martin McDonaghen Three Billboards Outside Ebbing, Missouri (Donostia Hiria Publikoaren Saria 2017); Pawel Pawlikowskiren Zimna wojna / Cold War, Cannesen zuzendari onenaren saria irabazi duen filma, aurtengo Perlak sailean programatua; eta Lucrecia Martelen Zama.

Paul Thomasek hirugarrenez jasoko du sari hori Donostian, 2008. eta 2000. urteetan ere bera izan baitzen sariduna, There Will Be Blood eta Magnolia filmekin, hurrenez hurren. Estatubatuar zinemagileak Berlinen Urrezko Hartzaren irabazle izan zen Magnolia, Cannesen zuzendari onenaren saria eraman zuen Punch-Drunk Love (2002) filmarekin, eta There Will Be Blood-i esker zuzendari onenaren Zilarrezko Hartza eta bi Oscar sari irabazi zituen.

Fipresci Sari Nagusia 1999an sortu zen, eta ordutik Pedro Almodóvar, Michael Haneke, Cristian Mungiu, Jean-Luc Godard, Richard Linklater, Roman Polanski, George Miller, Maren Ade eta Aki Kaurismäkiren mailako zinemagileak saritu ditu.

Phantom Thread Universal Pictures Spain-en eskutik estrenaitu zen Espainian.

 

PHANTOM THREAD
Paul Thomas Anderson  (AEB - Erresuma Batua)

Reynolds Woodcock moda-sortzaile famatua Britainia Handiko modaren munduko begirada guztien jomugan dago. Bere bizitzatik orotariko emakumeak pasatzen dira, eta inspirazioa eman eta konpainia egiten diote, Alma gaztearekin gurutzatzen den arte; izan ere, laster haren musa eta maitale bihurtuko da, eta maitasunak hankaz gora jarriko du bere bizitza, ordura arte bere jostura-patroi guztiak bezala kontrolatua eta planifikatua. Bere azken filmean, sormen-bidaia betean den artista baten eta haren mundua birarazten duten emakumeen erretratu bikaina egin du Paul Thomas Andersonek.

Bereizmen handiko irudiak

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea