RTVEk zinemarekiko oso harreman estua izan du bere sorreratik. Zinema emateaz gain, RTVEk zinema babesten du filmak, dokumentalak eta tv movieak finantzatuz. Ametsen fabrika izenez ezagutzen denaren ekoizpenek beti izan dute leku bat pantaila txikian, anaia handiak film luzeen bizitza luzatzeko erabili izan baitu. Harreman berezi horrekin bat eginez, RTVEk Donostia Zinemaldian parte hartzen du. 2005. urteaz geroztik, herrialdean eta nazioartean ospe handia duen lehiaketa zinematografiko honen babesle ofiziala da eta estaldura handia eskaintzen dio. Inaugurazioko eta klausurako galak, Donostia sariak eta zinema-jaialdian gertatzen den guztia jasotzen du telebista- eta irrati-kanaletan eta espazio digitalean. Gainera, RTVEk ekoizpen propioko edo partaidetuko telesailak edo filmak ekartzen ditu Zinemaldira, eta gala berezi batean aurkezten ditu –horri jardunaldi oso bat eskaintzen dio–. Bestalde, RTVEk emakumeen munduarekin lotutako gaiei buruzko filmak sustatzeko sortu zuen Beste Begirada saria ematen du. RTVE eta zinema, BETI eskutik helduta.

Movistar+ Telefónica taldearen plataformarik arrakastatsuena da. Eskaintzen dituen edukien artean honako hauek daude: kiroletako eduki premium onenak, zinema, serieak, dokumentalak eta programak. Erabiltzaileak nahieran ikusi ditzake; berak nahi duen lekuan, orduan eta moduan.

2017ko irailaz geroztik, Movistar+ek serieak ekoizteko estrategia jarri du abian, hilero fikzio berri bat estreinatuz (‘Velvet Colección’, ‘Vergüenza’, ‘La Zona’, ‘La Peste’, ‘Mira lo que has hecho’, ‘Felix’, ‘Matar al padre’, ‘El día de mañana’, ‘Virtual Hero’, ‘SKAM España’, ‘Gigantes’,  ‘Arde Madrid’, ‘El Embarcadero’, ‘Justo antes de Cristo’, ‘Instinto’,  ‘Hierro’). Gainera, 2018an Movistar+ek Alejandro Amenabarrek zuzendutako ‘Mientras dure la guerra’ film luzearen ekoizpena jarri du martxan.

Movistar+ Donostiako Nazioarteko Zinema Jaialdiko Babesle Ofiziala da 2013az geroztik, zinemaren hitzordu nagusienetakoa denarekin elkarlan estua josiz eta bertan aurkeztu ditu ‘La Peste’, ‘Vergüenza’, ‘Gigantes’ , ‘Arde Madrid’, ‘Vida Perfecta’, ‘Antidisturbios’ eta ‘Dime quién soy’, baita ‘Mientras dure la guerra’ filma ere.

120 urtetik gorako esperientziari esker, Audi mundu-erreferente bihurtu da premium automobilen fabrikazioan. «Teknikaren abangoardian» leloarekin, lau uztaien markak aintzatespen handia du, teknologiagatik ez ezik, modeloak kalitate handikoak, eleganteak eta kiroltasunezkoak ere badirelako.a

DNA hori Audiren aro berriaren oinarria da orain: auto elektrikoak lantzen ari da gaur egun. Markak merkaturatuta ditu Espainian % 100 elektrikoak diren bi modelo («e-tron quattro» eta «e-tron Sportback»), eta hibrido entxufagarrien ofentsiba bat abiarazi berri du; «TFSIe» deritze hibrido horiei, eta Zero ingurumen-bereizgarria dute (A6, A7, A8, Q5 eta Q7). Eskaintza horrek aukera zabal bat biribiltzen du, edozein egoeratara egokitzen diren karrozeriak eta propultsioak izanik (gasolina-motorrak, diesel-motorrak eta gas natural konprimatuko motorrak).

Audik kalitate-konpromiso irmoa du hartuta bere bezeroekin, eta irmoa da, halaber, markak kulturarekin duen lotura. Horren adierazgarri da Donostia Zinemaldiarekin aspaldi abiarazitako elkarlana: Kolaboratzaile Ofizial eta Ibilgailu Ofizial da 2011 urtetik eta Audi Innovative Thinking gunea antolatzen du 2014 urtetik, Espainiako zinema-industriako pertsona ospetsuekin hausnarketa egiteko eta elkarrizketan aritzeko gunea.

Kutxabank euskal finantza-erakunde nagusia da, eta pertsonekin eta jarduera garatzen duen lurraldeetako garapen ekonomiko eta sozialarekin konprometituta dago.

2012an sortu zen, hiru euskal kutxak –Taldeko akziodun bakarrak– integratzeko prozesuaren ondorioz. Kutxabank erreferentziako erakundea da. Hain zuzen ere, Europako kaudimen handieneko bankuetako bat da.

Kultura- eta kirol-jarduera ugari babesten ditu, eta lotura handia du orain dela hamarkada batzuetatik hona Zinemaldiarekin.

Babes horri esker, abantaila ugari eskain diezazkieke bere bezeroei.

Amenabar familia-enpresa bat da, 37 urteko ibilbidea duena, eta, gaur egun, Espainiako higiezinen sustatzaile nagusietako bat da. Bada, 2019 urtetik Donostia Zinemaldiaren kolaboratzaile ofiziala da, eta, gainera, haur-zinemaren sailaren babeslea izango da, «Ongietorri familiara!» kanpainaren bitartez.

Donostiako garagardoa 1890az geroztik. Euskal gastronomiaren espiritua eta horrekiko maitasuna Kelerren trago bakoitzean suma daitezke.

Kelerren zaporea mundu osoan da ezaguna, eta nazioarteko garagardo-lehiaketa onenetan nabarmentzen da. Azken hamarkadan, 25 sari baino gehiago jaso ditu.

Nespresso enpresa aitzindari eta mundu-erreferente da kalitate altueneko kafe-kapsulen merkatuan. 13 herrialdetako 100.000 kafe-nekazarirekin baino gehiagorekin egiten du lan AAA Sustainable Quality™ izeneko bere programaren bitartez, plantazioetan eta horien inguruan jardunbide jasangarriak ezartze aldera. 2003an abiarazi zuen programa hori, Rainforest Alliance erakundearekin lankidetzan, uzten ekoizpena eta kalitatea hobetzeko. Ondorioz, kalitate altuko kafearen hornikuntza jasangarria bermatzen du, kafe-nekazarien eta horien komunitateen bizimodua hobetzen dituen bitartean.

Nespressoren eta Donostia Zinemaldiaren arteko lotura duela hamar urtetik gora hasi zen. Zinemaldiko Kafe Ofizial izateaz gain, 2015az geroztik, Culinary Zinema sailaren babeslea ere bada. Sail horrek zinema, gastronomia eta elikadurarekin loturiko jarduerak biltzen ditu, hezkuntzaren, zientziaren eta nekazaritzaren esparruetan. Bestalde, 2019 urtetik hona Kursaaleko VIP Nespresso gunearen babeslea da. Topagune hori Zinemaldiko gonbidatuentzat erreserbatuta dago, besteak beste, Sail Ofizialeko filmen protagonistentzat eta Donostia saridunentzat.

2020 urtean Nespresso “Kafea. Un Nespresso con…” babesten hasi zen, Zinemaldiko hainbat sailetako filmen taldeei elkarrizketak egiteko gunea.

La Maison CHANEL-ek akordio esklusiboa sinatu zuen 2019an Donostia Zinemaldiarekin Makillatzaile Ofizial gisa, eta, horrela, Zinemaldiaren babesle bihurtu zen. 

Aurten ere, Donostia Zinemaldian, CHANEL anfitrioia izango da María Cristina hotel ikonikoan kokatuta egongo den Glamroom-ean. Han, enpresa horretako zenbait makillatzailek aktoreak makillatuko dituzte argazki-saioak, alfonbra gorriak eta prentsaurrekoak egin baino lehen.

EL DIARIO VASCO Gipuzkoako egunkaririk zaharrena da, eta kazetaritza-eredu moderno eta errotu baten arabera jokatzen du.

Ekitaldientzako laguntza ematea da DVk gehien zaintzen duen kapituluetako bat, Gipuzkoako gizartearen interesekin lotura hertsia duen markaren irudia eraikitzeko helburuarekin.

Hori dela eta, lan egiten du ekitaldi ugari laguntzeko. Horien artean dago Donostia Zinemaldia, Gipuzkoako egutegi kulturaleko hitzordu oso ezaguna delako. Bi hamarkadatik gora ditu lankidetza horrek. 

Egoitza Hernanin (Gipuzkoa) duen Orona konpainia 1964an jaio zen, hogei bat lagunek Orona Koop. Elk. sortu zutenean. 55 urte hauetan, Orona talde bilakatu da, eta 5.300 langile ditu 11 herrialdetan. Hernaniko eta Gasteizko fabriketatik 100 herrialdetara baino gehiagotara esportatzen dute.  741 M €-ko fakturazioa du (822 M $). Sektore horretako munduko hamar enpresa nagusietako bat da, eta Europako bosgarrena.

ORONA funtsezko baliotzat konpromisoa, konfiantza, fidagarritasuna eta azkartasuna dituen proiektu sozioenpresariala da. Balio horiek eta kooperatiben printzipioak gure inguruarekiko dugun harremanaren oinarria osatzen dute. Testuinguru horretan, Orona Fundazioak ezinbesteko zeregina dauka, horren bidez gizarteari eta gure proiektuaren parte diren pertsonei zerbitzu ematen diegulako. Orona Fundazioak prestakuntza- eta garapen-proiektuak eta hainbat ekimen kultural eta sozial babesten ditu, inguruari irekita egonik, hori baita Orona Ideoren ezaugarrietako bat. Espazio horretan, Donostia Zinemaldiarekin batera egin dugu 2014. urteaz geroztik gazteei zuzendutako ZINETEK proiektua. Oronak Zinema Ikasleen Nazioarteko Topaketako Nest Film Students saria babesten du, urtetik urtera mundu osoko herrialdetako zinemagileen harrobia handitzen duen topaketarena.

Donostia International Physics Center (DIPC) nazioarteko bokazioa duen ikerketa-zentro bat da. Haren xede nagusia fisikan eta lotutako diziplinetan abangoardiako ezagutza sortzea da. Eusko Jaurlaritzaren Bikaintasuneko Zentroa da. DIPCek konpromiso irmoa du ezagutza eta kultura zientifikoa ezagutaraztearekin. Horretarako, komunikazio zientifikoko programa sendoak gauzatzen ditu, sarritan beste eragile kultural batzuekin elkarlanean. Donostia Zinemaldiaren kolaboratzaile da 2019 urtetik.  (tartean, Zinemaldia).

TCM ordaindutako telebista-kanala da, eta garai guztietako film onenetako batzuk ematen ditu. Ordaindutako telebista-plataforma nagusietan dago ikusgai. TCMk, gainera, zinematografiari buruzko dokumentalak ekoizten ditu, eta askok nazioarteko sariak jaso dituzte, besteak beste, Nostromo: el sueño imposible de David Lean eta El último adiós de Bette Davis dokumentalek.Donostia Zinemaldiari duela bi hamarkadatik baino gehiagotik lotutako TCM publikoaren sariaren eta Zinemaldiko Topaketen babeslea izan da. 2019 urtetik Gazteriaren TCM saria babesten du.

TCM WarnerMedia taldearen marka da.

Irizar enpresa-taldea nazioartean aritzen da, eta sektore hauetan garatzen du jarduera: bidaiarien garraioa, elektromugikortasuna, elektronika, motorrak eta sorgailu elektrikoak, konektagarritasuna eta energia.

Zazpi markak osatzen dute, eta horiek 13 ekoizpen-instalaziotan garatzen dute jarduera. I+G-ko zentro propioa du, eta markaren, teknologiaren eta jasangarritasunaren aldeko apustu irmoa egiten du.

 Zinemaldiarekin dugun konpromisoan, euskal zinemaren eskutik egin dugu bidea azken urteetan: munduari kontatzeko modukoak diren istorioak imajinatu eta ekoitzi ditugu. Konpromiso horren isla, Euskal Zinemaren Irizar saria bultzatzen du Irizarrek 2013az geroztik; hots, Zinemaldiko euskal film onenarentzako saria.

Ham Passion Tour Donostia Zinemaldiaren babeslea da, Jamones Ibéricos de Españaren eskutik.

Txerri Iberikoaren Lanbide Arteko Elkartea (ASICI) Zinemaldiaren babeslea da 2015az geroztik, eta urdaiazpiko iberikoaren pasioa bultzatzen du, bai eta Europako pasio bilakatzen duten zaporea eta kalitatea erakutsi ere.

Izen ona, tradizioa eta mundu-proiekzioa; horiek dira Jamones Ibéricos de Españak eta Donostia Zinemaldiak partekatzen dituzten balioak.

Francisco Matak ile-apainketako Espainiako lehenengo akademietako bat sortu zuen 1970ean, eta ikuspegi hori jaso zuen Ramiro Matak ere. Gaur, ia 50 urte geroago, Ramiro Mata erreferente bat da ile-apainketaren munduko moda eta joeren alorrean. Lankidetzan aritzen da Donostia Zinemaldian (2013tik), Goya eta Feroz sarietan, moda-pasarelatan, telebistan edo zineman. Ramiro Matak merezitako ospea du nazioartean ile-apainketako prestakuntzaren arloan; talde artistikoak ikustaldiak, aurkezpenak eta master classak ematen ditu munduren luze-zabalean.

La Perla talasoterapia-zentroa da hirian Belle Époque donostiar hartatik geratzen den ikurretako bat. Duela mende bat baino gehiago, Maria Kristina erreginak oporleku gisa hautatu zuen hiria. Itsasoan bainatzeaz gozatu zuen hemen, ingurune apartan, Kontxa badian.

Gaur egun, Europako hiriko talasoterapia-zentro handienetako bat da, hiriaren erdigunean bertan kokatua, Kontxa badiaren muinean. Itsasoko ura baliatzen da bertan, erlaxatzera eta sasoian jartzera bideratutako terapiak eraginkorrak izateko. Ongizate integralerako zentroak denetariko programak eskaintzen ditu; kirolekoak eta fisikoak, terapeutikoak, erlaxatzekoak, ongizate eta edertasunekoak, guztiak ere efektu terapeutiko, lasaigarri eta ongarriekin.

La Perla esperientzia ezinbestekoa da Donostiaren errealitatea eta onurak ezagutu nahi dituen pertsona ororentzat. 

2020an, La Perla estreinakoz izango da Donostia Zinemaldiaren kolaboratzailea.