Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Argentinako, Erresuma Batuko, Espainiako eta Txileko bost proiektu aukeratu dira, jasotako 185 proposamenen artean (iaz baino %6 gehiago eta lehen edizioan baino %478 gehiago), Ikusmira Berriak egonaldi-programan eta ikus-entzunezko proiektuen garapeneko programan. Ikusmira Berriak Donostia Zinemaldiak, Tabakalera Kultura Garaikidearen Nazioarteko Zentroak eta Elías Querejeta Zine Eskolak (EQZE) antolatzen dute.
Tabakalerako kultura garaikidearen nazioarteko zentroko, Donostia Zinemaldiko eta Elías Querejeta Zine Eskolako ordezkariek osatutako hautaketa batzordeak Gabriel Azorínen (EQZE kategoria berrian), Jaione Cambordaren (Euskal Autonomia Erkidegoko lanen artean), Diego Céspedesen (Nest Film Studenten azken bost edizioetako partaideen artean), Elena Martín Gimenoren (Espainia) eta Jessica Sarah Rinlanden (Nazioartekoa) proiektuak hautatu ditu.
Gabriel Azorínek, "lacasinegra" kolektiboko kide den Elías Querejeta Zine Eskolako lehen belaunaldiko kideak, bere film laburrak eta film ertainak aurkeztu ditu Belfort, Sevilla eta Donostiako zinema-jaialdietan, adibidez. Diego Céspedes saritu dute Locarnon, Cannesen eta Donostian, eta Ikusmira Berriak ekimenean bere lehen film luzearen proiektua gauzatuko du. Bere bigarren film luzearen gidoian arituko den Elena Martín Gimeno zinemagile eta aktoreari dagokionez, Júlia Ist (Made in Spain 2018) filma, Vida perfecta serieko bi kapitulu(Belodromoa 2019) eta Suc de Síndria film laburra zuzendu ditu; gainera, Las Amigas de Agata-ren protagonista izan da. Jaione Cambordak bere bigarren filmaren proiektuari ere aurre egingo dio Arima filmaren ondoren, zeinak Sevillan eta Gijonen saria izan zuen Jessica Sarah Rinland-en antzera; azken horrek, halaber, Locarnoko Moving Ahead sailean aipamen berezia lortu zuen, Those That, at a Distance, Resemble Another filmari esker.
Lehenengo aldiz, egonaldiaren luzera zortzi astekoa izango da, iazko edizioan baino bi aste gehiagokoa. Bost zinemagileak martxoaren 2an iritsiko dira Tabakalerara, eta apirilaren 12ra arte izango dute proiektua garatzeko epea.
Irailean, jaialdia ospatzearekin batera, zinemagileak Donostiara itzuliko dira egonaldiaren azken bi asteak osatzeko, eta, ordurako, proiektua garatuagoa izango dute, zine-industriarekin partekatzeko prest. Fase honetan pitching saiorako prestatuko dira (proiektuaren aurkezpena) jaialdian dauden industriako profesionalekin bilerak egiteko (azken edizioan 1.700 baino gehiago).
Proiektu bakoitzak 5.000 euroko garapenerako laguntza izango du, eta maiatzean entregatuko da, egonaldiaren bi aldien erdian, zinegileek esperientziari etekin handiagoa ateratzeko.
Ikusmira Berriak ekimenaren aurreko edizioak
Ikusmira Berriak-en bosgarren edizioko proiektuen artean, eta egonaldia egin ondoren, Sem dor/Painless (Minik ez) (Michael Wahrmann) filmak postprodukzioaren REC Grabaketa Estudioa saria irabazi zuen. Horrek berak, TorinoFilmLab-en parte hartu zuen; Un personaje volador (Martina Juncadella) Frantziako Lizières egoitzan eta Rotterdamgo Hubert Blas Fund-en, Bacifi garapen eta koprodukzio plataformaren ArteKino Nazioarteko Saria irabazi ondoren; eta All Dirt Roads Taste of Salt (Raven Jackson), New Yorkeko IFP Week-en Proiektuen Foroan. Aurreko urteetako tituluei dagokienez, nazioarteko jaialdietako laborategietan sariak eta hautapenak ere irabazi dituzte El agua, Elena López Rieraren eskutik; Pornomelancolía (lehen Oasia), Manuel Abramovichena, eta Dormen os peixes de olhos abertos (Arrainek begiak zabalik dituztela lo egiten dute?), Nele Wohlatzena.
Arantza Santestebanek 918 gau (918 noches) filmaren % 80 osatu du eta muntaketaren lehen fasean dago; Chupacabra (Grigory Kolomitsev) postprodukzio aldian dago; Eles transportan a morte (Samuel M. Delgado eta Helena Girón), muntaketa fasean dago; azken hori, Fantasia (Aitor Merino) filmak jada amaitu duen fasea da, eta bi horiek 2020an kaleratzeko perspektibarekin daude. Azken urte erdian, Maider Oleagaren Muga deitzen da pausoa (Zinemira 2019), Gijoneko zinema-jaialdian estreinatu zen; Trote (Xacio Baño), Locarnon aurkeztu eta Zabaltegi-Tabakaleran aukeratu zuten eta Las letras de Jordi (Maider Fernández Iriarte) Donostiako Zinemaldiko New Directorsen estreinatu zen.
Ikusmira Berriak Tabakalerak, Zinemaldiak eta Elías Querejeta Zine Eskolak antolatutako ikus-entzunezko proiektuetarako laguntza programa da. REC Grabaketa Estudioa eta Euskadiko Filmategiaren lankidetza du, eta Donostia/San Sebastián 2016 Europako kultura-hiriburuaren ondarearen parte da.
Arousa uhartea, 1971ko abuztua. Uhartearen itxurazko normaltasunean, biztanleen sekretuak susmatu daitezke, agerian utzi ezin diren egia xuxurlatuak. María 40 urte inguruko emakume handia da eta emakumeei erditzen laguntzen die, beren izerdiaz eta gorputzaz laguntzen diela uzkurdura, ahalegin eta erditze bakoitzean. Batzuetan, gaueko isiltasunean, abortu klandestinoak egiten ditu. Goiz batean, Mariari neska gazte baten heriotza leporatuko diote eta uhartetik ihes egin beharko du. Horrela, Maríak lehorretik ihes egingo du, Galizia eta Portugal lotzen dituen kontrabando-ibilbideetako batetik muga zeharkatzeko asmoz.
Pragako Zinema Eskolan (FAMU) eta Municheko Zinema Eskolan (HFF) bere zine ikasketak amaitu ondoren, Galiziara joan zen eta Esnatu Zinema produkzio-etxea sortu zuen. Horretan, ongi aitortutako lana zuzendu zuen lan labur esperimentalez egindako material filmikoarekin errodatutako piezen zuzendari gisa, Probabilitatea Axilidade, Nimbos, Lilit edo Rapa das bestas filmetan adibidez. Bere ohiko gaiak, normalean, ikuspuntu etnografiko batetik gizakiak animaliarekin, indarkeriarekin eta atabikoarekin duen harremanari buruz gogoeta egiten dutenak dira. Arima (zuzendari onenaren saria Sevillako Europako Zinemaren jaialdiko Las Nuevas Olas sailean) film luzea zuzentzen ari da, eta beste film askotan gidoilari eta arte-zuzendari gisa ere kolaboratzen du.
“Film honek ez du dokumentu historikoa izateko asmorik. Horren ordez, iraganera joan naiz orainari aurre egiteko gako batzuk aurkitzen lagunduko digun orainarekiko oihartzuna bilatzeko. Oso film fisikoa da, debeku eta sekretu testuinguru batean amatasuna eta mugak, eta beste gai asko aztertuko dituena”.
1984. Lidia, 12 urteko gazte ausarta da eta meatzaritza-herri isolatu batean bizi da; herri horretan gizon asko hil dira gaixotasun batek jota, eta esaten dutenez, gizon bat beste batekin maitemintzen denean transmititzen da gaixotasun hori, begiradaren bidez. Alexo, Lidiaren anaia maitea, gizon gizen homosexuala da, eta gaixotasunaren errua leporatzen diotenez, herriko jendeak lotzea eta jagotea erabakiko du. Lidia mito baten ezjakintasunari aurre egitera eta bere familiarekin zuen harremana probatzera bultzatuko du horrek.
Zinema- eta telebista-ikasketak egin zituen Txileko Unibertsitatean. Argazki-zuzendari eta muntatzaile-lanak egin ditu hainbat film laburretan. Besteak beste, Non Castus azpimarra daiteke, aipamen berezia eskuratu baitzuen Locarnoko Zinemaldian. 2018an idatzi eta zuzendu zuen bere lehen film laburra: El verano del león eléctrico. Lan horrek garaipena lortu zuen Cannesko zinema-jaialdiko Cinéfondationen eta NEST Panavision saria Donostiakoan; horrez gain, hainbat zinemalditan egon zen hautatuen zerrendan, Sundance eta Palm Spring-en, adibidez. Gaur egun, bere lehen film luzea lantzen ari da: Flamenkoaren begirada misteriotsua.
“Filmak Lidiaren eta Alexoren arteko harremana utzi nahi du agerian; izan ere, neba-arrebak izan arren, ama-alaba balira bezala jarduten dute. Eguneroko bizitzako xehetasun txikietatik, zurrumurru amaigabeetatik eta nerabe-ikuspegitik abiatuta, esplorazio-bidaia batean murgilduko gara. Bertan, Lidiak hurbiletik begiratuko dio GIB-ihesaren errealitatea eta harreman homosexualak mito barregarri baten atzean ezkutatu nahi dituen herriaren ezjakintasunari”.
Portugalgo mutil batzuek Portugal eta Espainia arteko muga igaroko dute antzinako terma erromatar batzuetan bainatzeko. Bertan, arratsaldea pasatzera joan diren hainbat talderekin egingo dute topo. Batzuk atseden hartzera joan dira; beste batzuk aldiz, ondo pasatzera; bakoitzak bere moduan gozatzen du urez. Iluntzean, mutiko portugesetako batek aitortu egingo dio adiskide bati aspalditik zerbait duela buruan. Joatean, lurruna eta zeru izartsua baino ez dira gertuko. Baina bada beste gazte talde bat zeru horri begira. Terma horiek eraiki zituzten soldadu erromatarrak dira, eta ikusiko dute haien adina eta kezkak eta Portugalgo mutikoenak ez direla hain ezberdinak.
Zuzendaritzako diplomatura eskuratu zuen ECAMen. EQZEren lehen promozioko kide da. Los galgos eta Mañana vendrá la bala laburmetraiak eta Los mutantes film ertaina zuzendu ditu. Haren lanak hainbat jaialditan egon dira ikusgai: Belforteko Entrevues Zinemaldia, Donostiako Zinemaldia, Sevillako Europako Zinemaren Festibala, Ficunam, Zinebi, Márgenesen eta Porto/Post/Doc. Azorín "lacasinegra" kolektiboko kide da, eta hainbat proiektu egin dituzte, zinema eta ikus-entzunezkoen produkzio- eta zabalkuntza-bide garaikideak uztartzen dituztenak. "lacasinegra", aldiz, hainbat kultur zentrorekin aritu da elkarlanean, besteak beste, Tabakalerarekin, IVAMekin eta CCCBrekin.
“Anoche conquisté Tebas lanarekin suspentsio-egoera bat sortu nahi dut, zeinetan garai guztiek toki bakarrean bat egiten dutela sentituko dugun. Modu horretan irudikatuko dugu hasieran agertzen diren Portugalgo mutikoak eta amaierako soldadu erromatarrak lotuko dituen ildoa. Izan ere, adina eta kezkak partekatuko dituzte bi taldeek. Filmak neguko larunbat bateko ordu batzuk hizpide dituen arren, guk 2000 urte egingo dugu atzera denboran”.
Mil·lak (4) hondartzan igaro ohi ditu udak. Aitak, gustukoen duen pertsonak, mundua samurtasunez erakusten dio, eta amak, berriz, bigarren maila diskretu eta etsia hartzen du. Neska txikiaren sexutik sortzen den energiak ingurunearekin, gorputzarekin eta itsasoarekin duen lotura eraldatzen du. Baina helduak deseroso sentitzen dira beren askatasuna ikusirik. Mil·la (15) lotsati eta herabeak sedukzioa deskubritzen du, besteak menderatzeko arma gisa. Mugak bilatzen ari dela, zerbait apurtzen da bere aitarekin duen harremanean. Mil·la (30) errespetatu eta maskulinoak krisi pertsonal sakona bizi du. Bere leinuarekin adiskidetuta baino ez du lortuko bere gorputzarekin berriz topo egin eta itsasora itzultzea.
Zineman, antzerkigintzan, aktore-lanetan eta zuzendaritzan dabil. Júlia Ist izan zen zuzendu zuen lehen lana (Zilarrezko bi Biznaga jaso zituen: bata, Zuzendaririk Onenari eta bestea, Film Onenari. Horrez gain, Movistar + Film Onena saria jaso zuen Malagako zinemaldian). Elenak Leticia Doleraren Vida perfecta telesaileko bi kapitulu zuzendu zituen (Antzezpenik Onenari saria. Telesailik onenari saria Cannes Series festibalean). Aktore ere aritu da hainbat filmetan: Suc de Síndria (Film laburrik onenera izendatuta egon zen EFAn), Con el viento eta Las amigas de Ágata. Arte eszenikoei dagokienez, Elena Elsmalscuts sorkuntza-laborategiaren eta VVAA kolektiboaren sortzaileetako bat da. Gaur egun, Los Javis-en Veneno telesaila idazten ari da Atresmediarentzat, eta This Is Real Love (Teatre Lliure) antzezlana estreinatuko du aurki.
“Errepresio sexual normalizatuaren ondorioez hitz egin nahi dut, batez ere emakumeek bizi dituztenei buruz. Horregatik, tabuz betetako mundu batean sartu nahi izan dut, zehazki, neskatoen sexualitatean, hori baita errepresio inkontziente horren sorburu. Nire abiapuntua orainaldian errefusatua izateari dion beldurra izango da, eta hortik haren minik funtsezkoenarekin, nazkarekin eta lotsarekin konektatzera eraman nahi dut hogeita hamar urteko emakumea, ondoren hori guztia gainditu eta berriz ere desira aurki dezan. Zehazki, sexuaren eta arriskuaren arteko harremana aztertu eta apurtu nahi dut, horretarako hezkuntza kristauan babes-neurri gisa erabiltzen den errepresioaren gainean zalantzak planteatuz”.
Hiriko zoologikoan lanean urte asko daramaten arren, zaintzaile batek eta eraikuntzako langile batek bistaz baino ez dute ezagutzen elkar. Lagun izaten hasiko dira Gabon Zaharreko suaren inguruan kasualitatez topo egin ondoren. Bakarrizketa kolektiboak zoologikoan lanean erakutsiko ditu biak solasaldi luzeak izaten, elkarri istorioak kontatzen eta arkitekturari, animaliei, zooaren etorkizunari, familiari eta historiari buruz dakitena elkarri kontatzen. Adiskidetasun eta ekintza bihurtuko dira hasierako entzute aktiboa eta elkarrizketa luzeak.
Jessica Sarah Rinland artista britainiar-argentinarraren lanak nazioarteko topaguneetan egon dira ikusgai, besteak beste, Toronto Film Festival, New York Film Festival, BFI London Film Festival, Rotterdam, Oberhausen eta Edinburgh International Film Festival zinemaldietan eta Bloomberg New Contemporaries eta Somerset House erakustokietan. Hainbat sari irabazi ditu, adibidez: aipamen berezia Locarnoko Zinemaldian, bere lehen film luzeagatik; lehen saria Bienal de Imagen en Movimiento biurtekoan; Arts + Science saria Ann Arbor zinemaldian; ICAren Film Esperimental Onenari saria LSFFn eta MITen Schnitzer saria arteetan erakutsitako bikaintasunagatik. 2017/18an Harvardeko unibertsitateko Zinema Ikasketen Zentroko kidea izan zen eta gaur egun Somerset House Studiosen egiten du lan artista elkartu gisa.
“1936an, Jean Piaget psikologoak “bakarrizketa kolektibo” terminoa sortu zuen; hau da, haurren bizitzako egozentrismo-garaia, zeinetan entzulearen lana ezdeustzat jotzen duten. Garai horretan, haurrek uste dute natura beraientzat sortua izan dela, eta kontrolatu egin dezaketela”.
Astelehenetik ostegunera: 09:00 - 15:00.
Ostiraletan: 10:00 - 14:00