tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 67. Edizioa 2019  > Filmen izen-ematea > Araudia > Koprodukzioaren Garapenaren Eurimages Saria
Koprodukzioaren Garapenaren Eurimages Saria
 

Eurimages Europako Kontseiluak zinemako eta ikus-entzunezko lanen koprodukzioa eta banaketa laguntzeko duen funts bat da. Haren jarduera nagusia nazioarteko koprodukzio bezala egituratuta dauden fikziozko film eta dokumental luzeen produkzioa laguntzea da.

Eurimagesek Koprodukzioak Garatzeko Eurimages saria ematea erabaki du, Europako hainbat koprodukzio-merkaturekin elkarlanean: CineMart (Rotterdam), Berlinale Co-Production Market (Berlin), CPH:FORUM (Kopenhage), Cartoon Movie (Bordele) Transilvania Pitch Stop (Cluj), Cinelink (Sarajevo), Cinekid (Amsterdam), MIA | Cinema Co-Production Market (Erroma) eta Baltic Event (Tallinn).

Saria 20.000 eurokoa da (15.000 eurokoa, CPH:DOXeko dokumentalen kasuan), eta haren bidez Funtsaren egiteko bat indartu nahi da, proiektuen hasierako faseetatik nazioarteko koprodukzioak sustatzea, hain zuzen.

Kontuan izanik Europa-Latinoamerika Koprodukzio Foroaren helburu direla ikus-entzuneko proiektuak sustatzea, profesionalen arteko lankidetza indartzea eta Europatik haratago dauden nazioarteko merkatuetarako leiho bat irekitzea, Eurimagesen administrazio-kontseiluak erabaki zuen Koprodukzioak Garatzeko Eurimages saria ekitaldi horren esparruan ezartzea.

Ondorioz, Koprodukzioak Garatzeko Eurimages saria VIII. Europa-Latinoamerika Koprodukzio Foroan emango da. Ekitaldi hori 2019ko irailaren 22tik 25era bitartean egingo da, Donostiako Zinemaldiaren 67. edizioaren barruan.

Koprodukzioak Garatzeko Eurimages saria Eurimagesen ordezkari batek edo gehiagok osatutako nazioarteko epaimahai batek emango dio VIII. Europa-Latinoamerika Koprodukzio Foroan hautatutako proiektuetako bati.

Koprodukzioak Garatzeko Eurimages saria jarraian azaltzen diren baldintzen arabera arautuko da:

1. ARTIKULUA - Hautagarritasun-irizpideak

Europa-Latinoamerika Koprodukzio Foroan parte hartzen duten proiektuen artean, Koprodukzioak Garatzeko Eurimages saria jasotzeko hautagaiek baldintza hauek bete beharko dituzte:

  • proiektuen helburua zineman estreinatzea izango da;
  • proiektuak koprodukzioak izateko asmoa eduki behar dute garapenaren hasierako fasetik kofinantzaketa hutsetik haratago doazen arrazoiengatik;
  • proiektuak koprodukzio-merkatura eramaten dituen ekoizleak Eurimagesen kide den estatu batean izan beharko du egoitza;
  • proiektuetan Eurimagesen kide diren bi estatuk hartu behar dute gutxienez. Hirugarren estatuek ere parte har dezakete proiektuan.

2. ARTIKULUA - Hautapen-irizpideak

Epaimahaiak hautapen-irizpide hauen arabera emango du Koprodukzioak Garatzeko Eurimages saria:

  • proiektuaren kalitate artistikoa (sinopsia eta gidoiaren tratamendua, eskuragarri badago);
  • proiektuak gutxienez Eurimagesen kide diren bi estaturen arteko koprodukzio izateko eta izaten jarraitzeko duen probabilitatea.

3. ARTIKULUA - Saria eta ordaintzeko irizpideak

Garapenean laguntzeko hitzarmen bat sinatu beharko dute Eurimagesek eta sariaren onuradunak. Ordainketa bi zatitan egingo da:

  • % 50 garapenean laguntzeko hitzarmena sinatzean;
  • % 50 garapeneko gastuen egiaztagiria jasotzean. Egiaztagiri hori auditore independente batek egin beharko du, eta bertan ziurtatu beharko da gastuak egoitza Eurimagesen kide den estatu batean duen ekoizle batek ordaindu dituela.

Bigarren ordainketarako epea akordioaren sinaduratik aurrera hiru urtetara mugatzen da. Horrela ez bada, Eurimages bigarren ordainketa ezeztatzeko eskubidea gordetzen du.

Koprodukzioak Garatzeko Eurimages saria diru-laguntza ez-itzulgarri bat izango da, eta koprodukzio-proiektuaren garapen-gastuak ordaintzeko baino ezingo da erabili.

Onuradunak saria itzuli beharko dio Eurimagesi dirua proiektuaren garapeneko gastuak ordaintzera bideratu beharrean beste edozertarako erabili duela jakiten bada. Dirua itzuli beharko du, halaber, agerikoa bada informazio faltsua edo datu engainagarriak eman zizkiela Koprodukzio Foroari eta/edo Eurimagesi, eta informazio horregatik izango ez balitz saria jasotzerik izango ez balu.

4. ARTIKULUA - Eurimagesen koprodukziorako laguntza

Koprodukzioak Garatzeko Eurimages saria emateak ez dio inolako obligaziorik sortuko Eurimagesi aurrerago proiektuari laguntza emateko, Eurimagesen koprodukziorako laguntza-planaren esparruan.

 

FAQ - Filmen izen-ematea

Orokorra

Zinemaldiaren datak

Donostia Zinemaldiaren 67. edizioa 2019ko irailaren 20tik 28ra bitartean izango da.


Izena emateko datak
  • Orokorra 2019/01/18 – 2019/06/24
  • Culinary Zinema 2019/01/18 – 2019/06/14
  • Nest Film Students 2019/06/01 – 2019/07/01
  • Zinema eraikitzen 2019/04/30 – 2019/06/30
  • Glocal in Progress 2019/04/30 – 2019/06/30
  • Europa-Latinoamerika I. Koprodukzio Foroa 2019/04/15 – 2019/06/15
  • Ikusmira Berriak: 2019/07/01 - 2019/08/30 (ikusmiraberriak.eu)

Dokumental bat inskriba dezaket?
Zinemaldiak ez du bereizketarik egiten fikzioaren eta ez-fikzioaren artean; bi aukera horietako lanak aurkez daitezke sail guztietan.

Film labur edo ertain bat inskriba dezaket?

Zabaltegi – Tabakalera sailean bakarrik inskriba daitezke.

  • Film luzeak 60’-tik aurrera
  • Film ertainak 30’ eta 59’ bitartean
  • Film laburrak 30’-ra arte

Horrez gain, zure eskolan egindako film labur bat baduzu, Nest. Film Students-en parte har dezakezu.


Garapen fasean dagoen proiektu bat inskribatu dezaket?
Garapen fasean dagoen proiektu bat baduzu Europa-Latinoamerika Koprodukzio Foroan edo Ikusmira Berriak programan inskribatu dezakezu, araudia bete izanez gero.

Film bat edo film labur bat inskriba dezaket sail batean baino gehiagotan?
Goian azaldutako sail zehatz batzuez, film laburrez eta ertainez gain, gainerako filmak Zinemaldiko edozein sailetan inskribatzen dira, eta gero zuzendaritza-batzordeak erabakiko du zein sailetan aurkeztuko diren.

Aurretiko hautaketa

Zer formatu onartzen dituzue lehen hautaketan?
  • Link/Screener, pasahitzarekin
  • DVD
  • BluRay
  • DCP

Azpitituluekin aurkeztu behar dira?
Jatorrizko bertsioan gaztelaniaz, euskaraz, ingelesez edo frantsesez dauden filmek ez dute azpititulurik behar. Gainerakoek bai.

Work in progress bat bidal dezaket?
Bai.

Trailer bat bidal dezaket?
Ez. Ez dugu trailerrik onartzen lehen hautaketarako.

Zeintzuk dira estreinaldi motak?
  • Munduko estreinaldia
    Filma ez da jendaurrean erakutsi inoiz.
  • Nazioarteko estreinaldia
    Filma zinema-aretoetan estreinatu da edo zinema-jaialdi batean aurkeztu da jatorrizko herrialdean, baina ez beste inon.
  • Europako estreinaldia
    Filma Europatik kanpoko zinema-aretoetan erakutsi edo estreinatu da, baina ez da inoiz aurkeztu Europako herrialde batean.
  • Espainiako estreinaldia
    Filma ez da jendaurrean erakutsi Espainian.
  • Jada estreinatuta
    Filma zinema-aretoetan aurkeztu eta/edo erakutsi da, Espainian barne. Kasu horretan, Made in Spain edo Zinemira Panorama sailetan baino ezin izango da sartu.

Parte har al dezaket nire filmarekin DVDn edo BluRayn estreinatu bada?
Made in Spain eta Zinemira Panorama sailetan bakarrik (eta azken horretan euskal produkzio bat bada bakarrik).

Parte har al dezaket nire filmarekin VOD formatuan estreinatu bada?
Filmak Zinemaldiko Sailetan parte hartu ahal izango du, horietako bakoitzak estreinaldiaren alorrean dituen irizpideen arabera.

Izen-emate kuota

Zein da izena ematearen kostua?

Film, film labur eta film ertainen izen-ematearen kostua 70 eurokoa da.

Zinema eraikitzen sailerako, Nest. Film Students eta Glocal in Progresserako inskripcioak doainik dira.

Europa-Latinoamerika Koprodukzio Foroan edo Ikusmira Berriak programarako proiektuen inskripzioak doainik dira.


Dirua itzuliko didazue nire filma hautatzen ez baduzue?
Ez.

Egin daiteke ordainketa paypal bidez?
Bai.

Nola ordain dezaket kreditu-txartelik ez badut?

Kreditu-txartelik ez baduzu bankuko transferentzia bidez ordain dezakezu. Horrela bada, jar zaitez harremanetan gurekin films@sansebastianfestival.com helbidera idatzita ordainketa koordinatzeko.


Ikaslea naiz, deskonturen bat al dut?

Ez, ez dago deskonturik izena emateko kuotan ikaslea izateagatik. Alabaina, zure eskolan egindako film labur bat baduzu, doan inskriba dezakezu Nest. Film Students-en.


Komunikazioa

Nola jakinarazten da filma hautatua izan dela?
Filmen inguruko informazioa lehen hautaketaren prozesu guztian zehar ematen da. Hautatu ez diren filmen arduradunei 2-3 asteko epean jakinaraziko zaie erabakia posta elektronikoz, filma jaso denetik zenbatzen hasita.

Feedbacka jaso dezaket?
Ez. Zinemaldiak 2.500 film baino gehiago jasotzen ditu urtean eta ez ditu erabakiak hartzeko arrazoiak azaltzen.

Hautaketa

Noiz jakinaraziko da publikoki filma hautatua izan dela?
Filmen berri emateko egutegia komunikazio-sailak ezartzen du, eta izen-ematea egin duen pertsonari jakinaraziko dio aldez aurretik.

Zein da DCPa bidaltzeko azken eguna?

Behin betiko DCPa jasotzeko azken eguna 2019ko irailaren 1a da.


Formularioan hasiera batean eman nuen informazioa zuzendu nahi dut, nola egin dezaket?

Daturen bat zuzendu nahi izanez gero, jarri harremanetan gurekin films@sansebastianfestival.com helbidera idatzita, aldatu nahi duzuna zer den adieraziz.



© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea