"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Remo Erdosainek asmatzailearen itxura du, eta erresumin handia gauza asko ezin izan dituelako egin. Lanean dirua lapurtzen harrapatuko dute. Lapurtutakoa itzultzen ez badu espetxera joan daitekeenez, Remok Albertorengana joatea erabakiko du, jendeari laguntzen dion astrologo misteriotsu batengana. Elkarrizketa baten ondoren, behar duen dirua lortuko duela adieraziko dio Remori Albertok. Trukean, bere erakundean sartu beharko da Remo. Hasieran, gaizkileen arteko bilera bat dirudi erakunde horrek, baina boterea hartzearekin lotutako planak dituzten konbentzituen talde bat dela ikusiko du. Orduan, bizitzan lehen aldiz sinesteko zerbait aurkituko du Remok eta itzulerarik gabeko bide bati ekingo dio.