"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
El repartidor está en camino (Banatzailea bidean da) filma deliveryko aplikazioen banatzaileei buruzko filma da. Narrazioa orokortasunetik zehaztasunera doa. Lehenik eta behin, hiria hutsik ikusten dugu banatzaileek, gehienak venezuelarrak, hartutako berrogeialdian. Orduan banatzaile jakin batengan ipiniko dugu arreta, Joelengan, hain zuzen, eta etorkin gisa hiri handian Joelek duen bizitza irudikatuko dugu. Bigarren zatian, Joelen kontaktuen bidez (familia eta lagunak) Venezuelara joango gara, Hego Amerikako beste muturrean banatzaileen mundua nolakoa den erakusteko. Venezuela, Buenos Airesen lan egiten duten banatzaile gehienen jatorri gisa.