tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko


Zer da?
Zer da?
Araudia
Araudia
Sariak
Sariak
Eskertzak
Eskertzak
OHARRA: COVID-19a dela eta, Europa-Latinoamerika Koprodukzio Foroaren hurrengo edizioa online ospatuko da.

Donostia Zinemaldiak Europa-Latinoamerika I. Koprodukzio Foroa jarri zuen abian 2012an. Honako hauek ditu helburu nagusi Foroak: ikus-entzunezko proiektuen garapena bultzatzea, profesionalen arteko lankidetza sustatzea eta nazioarteko merkatu berrietan sarrera bultzatzea.

Koprodukzio Foroa garatzen ari diren fikziozko eta ez fikziozko proiektuei zuzenduta dago, eta han Europako zein Latinoamerikako zinema-proiektuek har dezakete parte.

Proiektuen arduradunek, pitching saioetan, zinemagintzako kideei aurkez diezazkiekete beren egitasmoak; horretarako, agenda pertsonalizatua izango dute, profesionalekin hitzorduak zehaztearren.

Foroan bertan, zenbait ekimen izango dira; alde batetik, parte-hartzaileen artean topaketa informalak sustatzeko, eta, bestetik, ikus-entzunezko industriaren gaur egungo eta etorkizuneko funtsezko alderdien inguruko esperientziak eta ezagutza trukatzeko hitzaldiak eta mahai-inguruak.

Koprodukzio Foroa San Telmo Museoan egiten da, Príncipe zinematik gertu. Han, Zinema Eraikitzen eta Glocal in Progress ekimenetako filmak proiektatzen dira. Donostian biltzen diren industriako profesional guztien arteko topaleku bat ere bada Foroa.

Koprodukzio Foroan sari garrantzitsuak banatzen dira. Besteak beste, Foroko Proiektu Onenaren Saria; DALE! Saria (Europa-Latinoamerika Garapena); Koprodukzioaren Garapenaren Eurimages Saria eta ArteKino International Prize saria.

Donostiako foroari jarraipena emanez eta Canneseko Zinema-jaialdiko Marché du Film ekimenarekin eta Argentinako Zinemaren eta Ikus-entzunezko Erakundearekin (INCAA) sinatutako  lankidetza-hitzarmena dela-eta, proiektu hauetako batzuek nazioarteko ibilbidean aurrera egin ahal izango dute; dela Ventana Sur (Buenos Aires), dela Cannesko Producers Network sarearen hurrengo edizioan. Ibilbide horrek nabarmen lagunduko die filmoi nazioartean sustatzen.

2018an, Donostia Zinemaldiak Latinoamerikako zinema-merkatu handiena den Ventana Surrekin zuen elkarlana zabaldu zuen –Canneseko zinema-jaialdiko Marché du Filmek eta INCAA-Argentinako Zinemaren eta Ikus-entzunezko Arteen Institutu Nazionalak antolatua– eta Proyecta abiatu zen. Jarduera berri honek Latinoamerikarekiko koprodukzioak sustatzen ditu eta Europa-Latinoamerika Koprodukzio Foroan aukeratutako Europako nazioarteko ibilbidea bultzatzen du.

Datuak | Koprodukzio Foroa (2012-2019):

  • 130 proiektu aurkeztuta
  • 64 film amaituta / 6 postprodukzioan
  • 39 filmek nazioarteko zinema-jaialdietan parte hartu dute, adibidez, Berlin, Cannes, Locarno, Donostia, Sundance, Venezian...
  • 10 filmek sariak jaso dituzte

Kasu arrakastatsuak | Koprodukzio Foroa (2017-2020):

  • LAS MIL Y UNA / ONE IN A THOUSAND, Clarisa Navas (lehen filma) | Panorama filmaren inaugurazioa – Berlinale, 2020.
  • CHICO VENTANA TAMBIÉN QUISIERA TENER UN SUBMARINO / WINDOW BOY WOULD ALSO LIKE TO HAVE A SUBMARINE, Alex Piperno (lehen filma) | Forum – Berlinale, 2020.
  • EL AGENTE TOPO / THE MOLE AGENT, Maite Alberdi | World Cinema dokumental-lehiaketa – Sundance nazioarteko zinema-jaialdia, 2020.
  • ENTRE PERRO Y LOBO, Irene Gutiérrez | Forum – Berlinale, 2020.
  • BLANCO EN BLANCO / WHITE ON WHITE, Théo Court | FIPRESCI saria, film onena Orizzonti sailean eta antzekoetan - Orizzonti – Veneziako zinema-jaialdia, 2019.
  • VENDRÁ LA MUERTE Y TENDRÁ TUS OJOS / DEATH WILL COME AND SHALL HAVE YOUR EYES, José Luis Torres Leiva | Sail Ofiziala – Donostia Zinemaldia.
  • LA LLORONA, Jayro Bustamante | "Venice Days"- GdA zuzendariaren saria, 2019.
  • TANTAS ALMAS / VALLEY OF SOULS, Nicolás Rincón | Sari Onena – Marrakexeko nazioarteko zinema-jaialdia, 2019.
  • A MEDIA VOZ / IN A WHISPER, Heidi Hassan eta Patricia Pérez Hernández | Dokumental Onenaren Saria – Amsterdameko Nazioarteko Zinema Dokumentaleko Jaialdia.
  • LA MAMI, Laura Herrero | Lehiaketako dokumentala - Amsterdameko Nazioarteko Zinema Dokumentaleko Jaialdia, 2019.
  • LOS MIEMBROS DE LA FAMILIA / FAMILY MEMBERS, Mateo Bendesky | Panorama – Berlinale, 2019.
  • BREVE HISTORIA DEL PLANETA VERDE / BRIEF STORY FROM THE GREEN PLANET, Santiago Loza | Panorama – Berlinale, 2019.
  • EL MOTOARREBATADOR / THE SNATCH THIEF, Agustín Toscano | Zuzendarien Hamabostaldia - Canneseko zinema-jaialdia, 2018.
  • LA NOCHE DE LOS 12 AÑOS / A TWELVE YEARS NIGHT, Álvaro Brechner | Orizzonti - Veneziako zinema-jaialdia, 2018 | Soinu Onenaren Saria – Europako Zinemaren Sariak, 2018.
  • HOGAR / MATERNAL, Maura Delpero | Epaimahaiaren Aipamen Berezia, Epaimahai Gaztearen Sarien Bigarren Saria, Europa Cinemas Label Saria; Epaimahaiaren Sari Ekumenikoa - Locarnoko nazioarteko zinema-jaialdia, 2019.
  • LA OMISIÓN / THE OMISSION, Sebastián Schjaer (lehen filma) | Panorama – Berlinale, 2018.
  • LA IDEA DE UN LAGO / THE IDEA OF A LAKE, Milagros Mumenthaler | Nazioarteko Lehiaketa - Locarnoko nazioarteko zinema-jaialdia, 2017. RIFLE, Davi Pretto| Forum - Berlinale, 2017.

Harremanetarako:

 

Industria Saila ondorengoen babesarekin:
Media Partner:
Aurreko edizioak
Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea