Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Zinemaldia & Technology irailaren 23an egingo da Tabakaleran eta bost finalisten aurkezpenak eta eskola magistral bat bilduko ditu
Danimarkatik, Espainiatik eta Frantziatik etorritako bost proiektu lehiatuko dira Zinemaldia Startup Challenge lehiaketaren hirugarren edizio honetan; ikus-entzunezko arloan teknologia berriak txertatzean oinarritutako enpresa-garapenak proposatzen dituzten Europako talde ekintzaileei eta startup sortu berriei zuzenduta dago Zinemaldia Startup Challenge. Hirugarren edizio honetan 8 herrialdetako 37 erregistro jaso dira.
Bost finalistak hauek dira: Kinetix, Frantziako proposamena, 3D animatzaileak eta estudioak adimen artifizialeko baliabidez hornitzeko jomuga duena, prozesuak sinplifikatu eta bizkortze aldera; Klipworks, Danimarkako proiektua, bideo-edukien sortzaileei beste lankide batzuek sortutako materiala eskuratu eta erabiltzeko aukera ematen diena, AWS web zerbitzuen teknologiaren bidez; eta OWO Entertainment, Espainiakoa, film bat ikusten ari den bitartean erabiltzaileari sentsazio fisikoak sentiaraziko dizkion jaka haptiko bat garatzen ari dena; Panoramic Plates espainiarra, zinemarako eta telebistarako 360º hondoak −mugimenduan daudenak− filmatzeko zerbitzua; eta, azkenik, Raccorder, scriptentzako aplikazio mugikorra, baliabide guztiak baliabide digital batean bildu eta filmaketei buruzko informazioa aurkitzea errazten duena.
Enpresa parte-hartzaileek Euskadiko Teknologia Parkeen Sareko BIC (Business Innovation Center) bateko inkubaziogune batean urtebetez aritzeko aukera izango dute, eta proiektua garatzeko 500.000 eurorainoko finantzaketa eskuratu ahalko dute. Halaber, proiektu irabazleak −epaimahaiak izendatuak− 10.000 euro jasoko ditu.
Eusko Jaurlaritzak, Ekonomiaren Garapen, Jasangarritasun eta Ingurumen Sailaren bitartez, Zinemaldia Startup Challenge sustatzen du, Donostia Zinemaldiak, TECNALIAk eta Tabakalerak antolatutako Zinemaldia & Technology jardunaldiaren ekimen nagusia, hain zuzen, Vicomtech ikerketa aplikatuko zentroaren laguntzarekin. Tabakalerako 2deo ikus-entzunezko laborategiarekin elkarlanean, jarduera horri loturiko jardunaldi gehiago egin nahi dira urtean zehar.
Jardunaldiak Europa Creativa MEDIAren babesa du, European Film Forum ekimenaren bidez. Europa Creativa MEDIAren helburua Europako ikus-entzunezkoen industria indartzea eta eraldatzea da. Zinemaldia & Technology Donostia Zinemaldiaren apustu estrategiko bat da, eta ikus-entzunezkoen sektorean teknologiak izandako berrikuntzari buruz hausnartzeko erreferentziazko gune bihurtu nahi du.
Proiektuaren deskribapena: Aukera ematen diegu sortzaileei 2Dko edozein bideo (Youtubetik edo kamera bakar batekin zuzenean harrapatua) 3Dko eduki animatuan eraldatzeko, sentsorerik erabili behar gabe eta soilik gure ikaskuntza sakoneko (deep learning) algoritmoak baliatuz. Gure teknologia nagusiaren inguruan, edizio- eta lankidetza-tresnak sortzen ari gara.
Proiektuaren deskribapena: Telefono baten kamera estandarraren gaitasuna erabiltzen dugu, edonork aukera baitu transmisio-kalitate osoarekin (are hobearekin) grabatzeko. Fitxategiak eraldatu eta konprimitu gabe hodeian oinarritutako gure plataforman (AWS) entregatzean, kalitate handiko irudi eta audioa eman diezaiekegu gure bezeroei.
Proiektuaren deskribapena: OWO jaka haptikoa da, pelikula, telesail edo dokumental bat ikusten den bitartean 30 sentsazio fisiko baino gehiago sentitzeko aukera ematen duena. Wireless sistema batek kontrolatzen du jaka, IOS, Android eta PCan deskargatu daitekeen aplikazio baten bidez.
Proiektuaren deskribapena: Filmaketan oinarrituta, ibilgailu elektriko bat aldatu dugu diseinu propioko rig batekin, zeinak distortsioak eta rolling shutterrak saihesten dituen damper mekaniko bat duen. Materiala postproduzitzean, zineman aitzindariak gara jatorriz VRrako sortutako softwareak erabiltzen.
Proiektuaren deskribapena: Raccorder startuparen jomuga filmaketan zehar sortzen diren txosten guztiak batu eta koordinatuko dituen plataforma anitzeko lehen aplikazioa izatea da. IoT bidez, horien arteko desadostasunak ezabatzeko eta akatsak azkar eta erraz saihesteko irtenbide bat planteatzen da.
startupchallenge@sansebastianfestival.com
Tel.: +34 943 481 217
www.sansebastianfestival.com
Antolatzaileak:
Laguntzaileak:
Zinemaldia Startup Challenge Sustatzailea:
Ondorengoen babesarekin
Astelehenetik ostegunera: 09:00 - 15:00.
Ostiraletan: 10:00 - 14:00