Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 69. Edizioa 2021  > Berriak > Chloé Zhaoren 'Nomadland' filmak, 2021eko Film Onenaren FIPRESCI Sari Nagusia jasoko du
Chloé Zhaoren 'Nomadland' filmak, 2021eko Film Onenaren FIPRESCI Sari Nagusia jasoko du
Asteazkena, 2021(e)ko abuztuak 18

Chloé Zhaok zuzendutako Nomadland filmak, 2021eko FIPRESCI Sari Nagusia lortu du, FIPRESCI Zinema Kritikarien Nazioarteko Federazioko kideek 2021eko film onena dela erabaki ostean. Bozketan mundu osoko 633 kritikarik hartu dute parte, eta azkenik, ekoizpen estatubatuarra hautatu dute 2020ko uztailaren 1etik aurrera estreinatutako film guztien artetik.

Beste lau finalistak hauek izan dira: lehenik, Thomas Vinterbergen Druk / Another Round, sari ugari irabazi zituena, besteak beste, Europako film onenaren saria eta Gizonezko Aktore Onenaren Zilarrezko Maskorra lau protagonistentzat Donostian, eta Nazioarteko Film Onenaren Oscar saria; bigarrenik, Jasmila Zbanicen Quo Vadis, Aida?, Veneziako zinema-jaialdiaren aurreko edizioan parte hartu eta Oscarrerako izendatu zena; hirugarrenik, Alexandre Koberidzeren Ras vkhedavt rodesac cas vukurebt? / What Do We See When We Look at the Sky?, aurreko Berlinalean lehiatu eta FIPRESCI Saria eskuratu zuena; eta laugarrenik, Radu Juderen Babardeală cu bucluc sau porno balamuc / Bad Luck Banging or Loony Porn, Urrezko Hartza Berlingo 2021eko zinema-jaialdian.

Chloé Zhaok bere hirugarren film luzearekin irabazi du FIPRESCI Sari Nagusia, Songs My Brother Taught Me (2015) eta The Rider (2017) zuzendu ondoren. FIPRESCI Sari Nagusia Nomadland (Perlak, 2020) filmari egiten zaion azken aintzatespena da; izan ere, Venezian 2020an Urrezko Lehoia irabazi ostean, hainbat golardo bereganatu ditu filmak, besteak beste, film dramatiko onenaren, argazki zuzendaritza onenaren eta zuzendari onenaren Golden Globe sariak, film, zuzendari eta emakumezko aktore protagonista onenen BAFTA sariak eta film onenaren, zuzendari onenaren eta emakumezko aktore protagonista onenaren Oscar sariak.

Sortu zenez gerotik (1999an), zinemagile paregabe ugarik eskuratu dute FIPRESCI Sari Nagusia, hala nola hauek: Pedro Almodóvar, Michael Haneke, Cristian Mungiu, Jean-Luc Godard, Richard Linklater, Roman Polanski, George Miller, Maren Ade, Aki Kaurismäki, Paul Thomas Anderson eta Alfonso Cuarón.

FIPRESCI Sari Nagusia 69. Donostia Zinemaldiaren inaugurazio-ekitaldian banatuko da. 2020an ez zen eman Covid-19agatiko krisiaren ondorioz jaialdiak eta estreinaldiak ezeztatzearen ondorioz.


 

Nomadland
Chloé Zhao (Txina)
Ekoizpeneko herrialdea(k): AEB
Antzezleak: Frances McDormand, David Strathairn, Linda May, Charlene Swankie

Nevadako landa-eremuko hiri batek pairatutako kolapso ekonomikoaren ondoren, Fernek bere kamioneta prestatu eta gizarte konbentzionaletik kanpo nomada moderno gisa bizitzeari ekingo dio. Filmean Linda May, Swankie eta Bob Wells benetako nomadak ageri dira, zeinak Fernen aholkulari eta adiskideak izango diren Mendebaldeko Estatu Batuetako paisaia zabalean zeharreko esplorazio horretan.


Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea