Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 69. Edizioa 2021  > Berriak > European Film Forum | Europako ikus-entzunezkoen ekosistemaren eraldaketa: industria jasangarriago eta digitalago baterantz
European Film Forum | Europako ikus-entzunezkoen ekosistemaren eraldaketa: industria jasangarriago eta digitalago baterantz
Donostia Zinemaldiaren European Film Forum foroaren hurrengo edizioa San Telmo Museoko Ekitaldi Aretoan izango da, irailaren 20an (astelehena), 16:30etan, eta Zinemaldiaren webgunearen bidez jarraitzeko aukera ere egongo da.
Osteguna, 2021(e)ko irailak 16

Europako ikus-entzunezkoen industria berritu eta eraldatzeko eta haren erresilientzia indartzeko, Europako Batzordeak Creative Europe 2021-2027 plan berria garatu du bere aurrekontua nabarmenki handituz. Hura aplikatzen ari da jada, komunikabideen eta ikus-entzunezkoen sektorearen ekintza-planarekin batera (abenduan ezarri zen, RRF berreskuratze-mekanismoaren ondorioz). Europarako aurrekaririk gabeko plana da eta 723.800 milioi euroko aurrekontua du guztira. Plan horren helburua ikus-entzunezko industria europarrari laguntzea eta suspertzea da, orain eraldaketa sakon bati aurre egin behar baitio, batez ere digitalizazioak eta agenda ekologikoak eraginda, covid-19aren krisiak azkartu egin baitu prozesu hori.

Europa mailan garrantzi handia duten erakunde, elkarte, plataforma eta profesional independenteen ordezkarien begirada eta esperientziaren bidez, European Film Forumak bi ikuspuntutatik helduko die aurten alderdi hauei. Lehenengo panelean, ikus-entzunezko sektorea EBko agenda ekologikora egokitzeko beharrari buruz eztabaidatuko da: Green Deal: Europako ikus-entzunezko industriarentzako erronkak ala aukerak? Bigarren panelak, tresna hauek eraldaketa digitalerako bektore garrantzitsu nola bihurtu diren aztertuko du: Digitalizazioa eta Big Data: zer bide hartu behar du Europak?

Ekitaldiaren osagarri gisa, Zinemaldia & Technology jardunaldia egingo da (ostegunean, irailaren 23an, 11:00etan, Tabakalera-Kultura Garaikidearen Nazioarteko Zentroko Z aretoan), berrikuntza teknologikoari eta ikus-entzunezkoei eskainitako Zinemaldiaren gunea, Creative Europe MEDIAren laguntza duena. Programa honako hauez osatuta egongo da: batetik, Zinemaldia Startup Challenge lehiaketa europarrean hautatutako bost proiektuak aurkeztuko dira; eta bestetik, AC Coppensek moderatutako mahai-inguru bat egingo da: Ekoizpen birtuala: zinemaren etorkizunera bidaia.

 

EGITARAUA

ONGIETORRIA

  • José Luis Rebordinos, Donostiako Zinemaldiko zuzendaria

MODERATZAILEAK 

  • Elena NeiraLa otra pantallaren fundatzailea eta CEOa, Espainia

 

SARRERA – CREATIVE EUROPE 2021-2027, EUROPAKO IKUS-ENTZUNEZKOEN INDUSTRIARAKO AUKERA BERRIAK
  • Lucía Recalde, Ikus-entzunezko Industriaren eta Hedabideen Sustapenerako Programaren Unitateko arduraduna,  Europako Batzordea
1. PANELA: GREEN DEAL-A: EUROPAKO IKUS-ENTZUNEZKO INDUSTRIARENTZAKO ERRONKAK ALA AUKERAK?

Azken urteotan, ikus-entzunezko industriak ahalegin handia egin du Europako Green Deal industriarekin bat egiteko eta eredu ekonomiko jasangarri berri bat eraikitzeko. Zer erronka berri gainditu behar dira trantsizio berde honetan? Zein dira industriaren lorpenak orain arte?

Hizlariak:

  • Luz MolinaGreen Screen (Interreg Europe) proiektu europarraren arduraduna Promálaga erakundean, Espainia
  • Álvaro Longoria, European Producers Club taldearen presidenteordea. Morena Films ekoiztetxeko ekoizle eta bazkidea, Espainia 
  • Paloma Andrés Urrutia, Fiction Changing the World eta Mrs.Greenfilm erakundeen fundatzaileetako bat, Espainia
  • Zsofia Szemeredy, Iraunkortasuneko aholkularia eta garapeneko exekutiboa. Green Eyes Production konpainiaren fundatzaileetako bat, Hungaria

+ Q&A

2. PANELA: DIGITALIZAZIOA ETA BIG DATA: ZER BIDE HARTU BEHAR DU EUROPAK?

Datuen bidez onura handiak atera ditzakete Europako ikus-entzunezkoen industriaren balio-katearen segmentu guztiek. Nola alda ditzakete Big Datak eta tresna teknologiko berriek negozio-ereduak eta hobetu sorkuntza-, ekoizpen- eta banaketa-estrategiak?

Hizlariak:

  • Niels Alberg, Publikum sozietatearen fundatzaileetako bat eta CEOa, Danimarka
  • Emilio Sánchez Zaballos, Atresmedia taldearen bideo eta onlineko plataformen kudeatzailea, Espainia 
  • Oliver Fegan, Usheru konpainiaren fundatzaileetako bat eta CEOa, Irlanda

+ Q&A

ONDORIOAK

 



Ondorengoen babesarekin

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea