"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
WIP Latam irailaren 22, 23 eta 24an izango da; WIP Europa egun horietan egingo dira.
Zinema Eraikitzen 2002an sortu zuten Donostia Zinemaldiak eta Cinélatino, Rencontres de Toulousek. Industriako jarduera aitzindaria izan zen, eta horretan oinarritutako antzeko formatuak sortu dira nazioarteko merkatu eta zinema-jaialdi askotan. Latinoamerikako zinema-ekoizpena babesteko asmoz sortu zen, postprodukzio-fasean zeuden filmak bukatzen laguntzeko.
Ikus-entzunezkoen merkatuaren produkzio- eta banaketa-testuinguru aldakorra dela kontuan hartuta, aurten hasita, Donostia Zinemaldiak eta Cinélatino, Rencontres de Toulousek ez dute gehiago batera antolatuko Zinema Eraikitzen saila.
Datorren edizioan, Donostia Zinemaldiak work in progress berri bat bultzatuko dut, WIP Latam, postprodukzio-fasean dauden Latinoamerikako produkzioei zuzendua, Zinemaldian 18 urteko ibilbidea egin duen Zinema Eraikitzen sailaren ordez. WIP Latamek, WIP Europak (Glocal in Progress berritua) eta Europa-Latinoamerika Koprodukzio Foroak are gehiago sendotuko dute Zinemaldia, bi zinemagintza horien topaleku izateari dagokionez.
WIP Latam egitasmoan sei film aurkeztuko dira, eta WIP Latam Industriaren Saria emango da aurrerantzean ere, Ad Hoc Studios, Deluxe, Dolby, Laserfilm Cine y Vídeo, Nephilim Producciones, No Problem Sonido eta Sherlock Films enpresen eskutik: aurkeztutako filmetako baten postprodukzioa da saria, baita ingelesezko azpitituluak dituen DCP batera arte, eta Espainian barrena banatzea.
Gainera, WIP Latam onenaren EGEDA Platino Industria Saria irabazteko aukera ere izango dute, eta 30.000 euro gordin emango dizkiote film irabazlearen ekoizle nagusiari, EGEDA Ikus-entzunezko Produktoreentzako Zerbitzuen Sozietatearen babesarekin.
Donostia - Zinema Eraikitzen egitasmoak Ibermedia programaren laguntza izan du sortu zenetik, baita Industriaren sarian parte hartu duten enpresena ere.
Argibide gehiago: