Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 70. Edizioa 2022  > Berriak > Zinemaldia Startup Challenge lehiaketaren laugarren deialdiak Espainiako beste lehiaketa bat biltzen du, Espainiako ekintzaile eta startupentzat
Zinemaldia Startup Challenge lehiaketaren laugarren deialdiak Espainiako beste lehiaketa bat biltzen du, Espainiako ekintzaile eta startupentzat
'Spanish Screenings: Financing & Tech' delakoaren parte da lehiaketa berri hori, eta Europako esparruari zuzendutakoarekin batera egingo da.

Izena emateko epea ekainaren 3an amaituko da
Asteartea, 2022(e)ko apirilak 26

Donostia Zinemaldiak gaur abiaraziko du Zinemaldia Startup Challenge lehiaketaren laugarren deialdia; Zinemaldia Startup Challenge Espainiako eta Europako ekintzaileei eta sortu berri diren startupei zuzendutako lehiaketa da, baldin eta horien proiektuek ikus-entzunezkoei aplikatutako teknologia berriak txertatzen badituzte. Ekimena Zinemaldia & Technology ekimenaren barruan kokatzen da. Zinemaldiaren apustu estrategikoa da, ikus-entzunezkoen teknologiari eta industriari buruz hausnartzeko, bi sektoreen arteko harremanak estutzeko eta sorkuntzaren eta negozioaren alorrean sortzen dituzten aukerak ezagutarazteko erreferentziazko gune gisa kokatzeko. Aurten, lehen aldiz, Espainiako ekintzaile eta startupentzako lehiaketa espezifiko bat sortu da, eta Europakoei zuzendutakoen aldi berean egingo da ekimen berria. Izena emateko epea ekainaren 3an amaituko da.

Espainiako ekintzaile eta startupentzako lehiaketa ‘Spanish Screenings: Financing & Tech’ delakoaren jardueretako bat da; hori da, izan ere, Spanish Screenings XXL merkatuaren –Espainiako ikus-entzunezko ekoizpenerako nazioarteko merkatuaren– bigarren edizioa. Proiektua Berreskuratze, Eraldaketa eta Erresilientzia Planaren (PRTR) barruan dago. Proiektuak Espainiak Europako ikus-entzunezkoen hub gisa duen rola indartzeko, eta Kultura eta Kirol Ministerioak sustatzen du ICAA institutuaren eta Ekonomia Gaietarako eta Eraldaketa Digitalerako Ministerioaren bidez, ICEX dela medio. Espainiako startupetarako lehiaketa horrez gain, ‘Spanish Screenings: Financing & Tech’ lehiaketak jardunaldi bat ere jasoko du, non nazioarteko inbertitzaile eta talentu-ordezkari garrantzitsuak bilduko baitira.

Lehiaketa horietara aurkezteko, proiektuek hainbat baldintza bete behar dituzte: ekintzaile batetik edo duela gutxi sortutako –hots, 2016ko abenduaren 31ren ondoren eratutako– startup batetik abiatzea, zer garapen-fasetan dagoen alde batera utzita; ikus-entzunezkoen arloan teknologia berriak aplikatzean oinarrituta egotea; egoitza fiskala Espainian edo Europako beste herrialderen batean izatea eta enpresa-proiektua Euskal Autonomia Erkidegoan abian jartzeko aukera kontuan hartzea. 

Hautatutako proiektuak Zinemaldia & Technology jardunaldian aurkeztuko dira. Irailaren 22an, ostegunean, izango da, Donostia Zinemaldian eta eskola magistral bat ere izango du.

BIC-Euskadiko Enpresa eta Berrikuntza Zentroetako, Tecnaliako eta Vicomtecheko profesionalek osatuko adituen batzorde batek hamar proiektu finalista aukeratuko ditu, horietako bost Espainiakoak eta beste bost Europako gainerako lurraldeetakoak, eta urtebetez Euskadiko Parke Teknologikoen Sareko BIC edo business innovation centerretako batean inkubaziogune bat doan eskuratzeko aukera izango dute. Epaimahai independente batek aukeratuko ditu proiektu irabazleak –bat Espainiakoa eta bestea Europako beste lurralderen batekoa–, eta bakoitzak 10 000 euro jasoko ditu. Halaber, deialdi honek arreta berezia jarriko du ekintzaileengan, eta 3.000 euro gehiago bideratuko ditu pertsona edo talde ekintzaile batek aurkeztutako proiektu onena saritzeko. Irabazleek eta finalistek, gainera, 500 000 eurorainoko finantzaketa eskuratu ahalko dute euren proiektua Euskadin garatzeko.

Eusko Jaurlaritzak, Ekonomiaren Garapen, Jasangarritasun eta Ingurumen Sailaren eta SPRIren bitartez sustatzen du Zinemaldia Startup Challenge, Zinemaldia & Technology jardunaldiaren ekimen nagusia; Donostia Zinemaldiak hauekin lankidetzan antolatzen du Zinemaldia & Technology: Tabakalera, 2deo ikus-entzunezkoen laborategiaren medioz; TECNALIA; ALÍA (Ikus-entzunezkoen Industria Aliantza); eta Vicomtech.


Arautegia irakurtzeko eta proiektu bat inskribatzeko, klikatu hemen.

IZENA EMATEKO EPEMUGA: EKAINA 3

HARREMANETARAKO

startupchallenge@sansebastianfestival.com
Tel.: +34 943 481 217
www.sansebastianfestival.com



ZINEMALDIA STARTUP CHALLENGE SUSTATZAILEA


ZINEMALDIA & TECHNOLOGY



Industria Saila ondorengoen babesarekin

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea