Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 70. Edizioa 2022  > Zinemaldiaren Egunkaria > Brexitaren ondorioak
Zinemaldiaren Egunkaria » Sail Ofiziala
Brexitaren ondorioak
GREAT YARMOUTH - PROVISIONAL FIGURE
Osteguna, 2022(e)ko irailak 22

2019ko urria, Great Yarmouth (Norfolk, Erresuma Batua). Hiru hilabete geratzen dira Brexiterako. Ehunka etorkin iristen dira Portugaldik hirira indioilar-haragiaren prozesamendurako lantegietan jardutera. Tânia da
pertsonarik aproposena migratzaile portugaldar horiei lan bat eskuratzen laguntzeko, eta badaki non sartzen dituen langileak: duintasunaren galbidean jarriko dituen fabrikan, lan baldintza ezin kaskarragoen lantegi eta ostatuetan.

Erresuma Batuan bizi diren migrante portugaldarren inguruko filma da, eta hori lantzeko Great Yarmouth hirian bizi diren portugaldarrengana gerturatu zen zuzendaria. 10.000 portugaldar inguru bizi dira hiri horretan, politika neoliberalak medio Europan metatu diren krisiengandik ihesi joandakoak. Ingelesek hartzen ez dituzten lanetan ari dira, esaterako, indioilarren hiltegian. Goiz esnatu eta berandu etxeratzen dira, hirian bizitzarik egin gabe, mamuen gisara. Amesgaizto bat bizi dute eta amesgaiztoa da pelikula bera.

Hala, Marco Martinsek ezagutu zituen egunean 16 ordu lan egiten zuten pertsonak, edo inolako babesik gabe produktu toxikoekin lan egiten duten garbitzaileak. Ezagutu zituen langileetako asko eta Great Yarmouth-eko biztanle batzuk, gainera, pelikulako aktore bilakatu ziren, kontakizuna errealitatera hurbilduz. Eta aktore guztiek indioilar haragia prozesatzeko fabrika bat ezagutu zuten aldi batez, inguru horietan usaindu eta sentitu daitekeen garraztasuna lehen pertsonan bizitzeko.

Azpimarratu, filmaren argazkilaritza zoragarria dela bere zikintasunean eta Beatriz Batarda aktore protagonistaren antzezpena txapela burutik kentzeko modukoa.


Sergio Basurko

 
Marco Martins zuzendaria, erdian, bere aktoreekin aldarte onean
Marco Martins zuzendaria, erdian, bere aktoreekin aldarte onean

© Donostia Zinemaldia | Desarrollado por: Yo Miento Producciones