Javier Bardemek Donostia Sari bat jasoko du Donostia Zinemaldiaren 71. Edizioan. Aktore espainiarra bi aldiz izango da protagonista Zinemaldian: batetik, Zinemaldiko ohorezko sari garrantzitsuena –1986. urtetik aurrera zinemaren munduko pertsona handien ibilbidea eta ekarpena aitortzeko ematen dena– jasoko du; bestetik, hurrengo edizioko kartel ofizialaren irudia izango da.

Sari emate ekitaldia 71. edizioaren inaugurazio galan egingo da, irailaren 22an (ostirala), Kursaal Auditorioan, Bardem Zinemaldira lehendabizikoz etorri zenetik hogeita hamar urte igaro ondoren; 1993. urtean Bigas Luna zuzendariaren Huevos de oro filma Sail Ofizialean eman zenean izan zen Donostian.

Javier Bardem (Las Palmas Kanaria Handikoa, 1969) gaur egun nazioarteko aintzatespenik handiena duen aktore espainiarra da; ehun saritik gora eskuratu ditu, besteak beste, honako hauek: Oscar, Urrezko Globo eta BAFTA bana No Country for Old Men filmarengatik (2007); Goya bana Días Contados (1994), Boca a boca (1995), Los lunes al sol (2002), Mar adentro (2004), Biutiful (2010) eta El buen patrón (2021) filmengatik; eta dokumental onenaren Goya saria  Hijos de las nubes, la última colonia (2012) filma ekoizteagatik. Halaber, Europako Zinema Akademiaren saria, Platino saria eta zinema-jaialdi nagusien aintzatespenak ere jaso ditu: aktore onenaren saria Cannesen (Biutiful, 2010), Volpi Kopa Venezian (Before Night Falls, 2000; eta Mar adentro, 2004) eta Zilarrezko Maskorra 1994. urtean (Días Contados eta El detective y la muerte).

Donostiak aktorearen ibilbidearen bilakaerari jarraitu dio azken hiru hamarkadetan, gure jaialdira egin dituen hogei bisiten bitartez: lehenengoa Huevos de oro izan zen (Bigas Luna, Sail Ofiziala, 1993); azkenekoa, El buen patrón (Fernando León de Aranoa, Sail ofiziala, 2021); 1994an aktore onenaren Zilarrezko Maskorra ere jaso zuen Imanol Uriberen Días contados eta Gonzalo Suárezen El detective y la muerte filmengatik; Álex de la Iglesia eta Pedro Almodóvar zuzendariekin lankidetzan egindako lanengatik ere izan da Donostian 1997an eta 1998an (Perdita Durango –Belodromoa– eta Carne trémula –Made in Spain–, hurrenez hurren); azkenik, John Malkovich estatubatuarrari Donostia Saria ematera ere etorri zen 1998an. Zinemaldia Bardemen nazioarteko ibilbidearen hasieraren lekuko izan da, Before Night Falls (Julian Schnabel) Zabaltegi-Perlak sailean eman baitzen; halaber, 2000. urtean Robert de Nirori Donostia Saria eman zion, eta bi urte geroago, gainera, John Malkovichen The Dancer Upstairs lana Zabaltegi-Perlak sailean aurkeztu zuen. Orobat, Bardemen ibilbidea sendotzeko prozesuaren lekuko ere izan da Zinemaldia Los lunes al sol (Fernando León de Aranoa, Sail Ofiziala, 2002) eta Vicky Cristina Barcelona (Woody Allen, Zabaltegi-Perlak, 2008) filmekin; 2008an Zinematografiako Sari Nazionala bereganatu zuen Bardemek, Julia Robertsi Donostia Saria emateaz eta Eat Pray Love (Ryan Murphy, Sail Ofiziala lehiaketaz kanpo, 2010) aurkezteaz gain. Eta Bardemek ekoitzi dituen lanak ere izan dira Zinemaldian: Hijos de las nubes, la última colonia (Made in Spain, 2012), Bigas x Bigas (Sail Ofizialeko emanaldi berezia, 2016), Loving Pablo (Perlak, 2017) eta Sanctuary (2019).

Javier Bardem Zinemaldiko ohorezko saririk garrantzitsuena jaso duen seigarren interprete espainiarra da, Fernando Fernán Gómez (1999), Paco Rabal (2001), Antonio Banderas (2008), Carmen Maura (2013) eta Penélope Cruzen (2019) ondoren.

Zinemaldiak kartel-linea berria ezarri zuen 2018an, zinematografia garaikidearen figura bat buru zuela. Isabelle Huppert, Penelope Cruz, Willem Dafoe, Sigourney Weaver eta Juliette Binoche izan dira, Bardemen aurretik, Zinemaldiaren irudi ofizial, eta aurten Dimensión publizitate-agentziak sortu du irudi ofiziala, Nico Bustos argazkilariak egindako bi argazkitan funtsatuta. Irudi-gainezarpenak, orri akastunen baliabidearen bidez, Javier Bardemen aldakortasun-talentua eta gorpuzten dituen pertsonaietan eraldatzeko duen ahalmena omentzen ditu.

Dimensión agentziak gainerako sailetarako kartelak ere egin ditu. José Luis López de Zubiria argazkilariarekin batera, erretorika bisuala erabili dute zenbait objekturen eta sail bakoitzaren ezaugarri espezifikoen artean loturak –hain agerikoak ez direnak– sortzeko: ausardia New Directorsen kasuan, energia Horizontes Latinos sailean, aurreikusi ezin dena Zabaltegi-Tabakaleraren kasuan, apartekotasuna Perlaken, ausardia Nest sailean, ondarea Culinary Zineman eta nortasuna Zinemiran.

Galetako sarreren aurresalmenta

71. edizioko inaugurazio-galarako eta amaierako galarako sarrerak irailaren hasieran jarriko dira salgai.

BABESLEAK ETA LAGUNTZAILEAK

Zinemaldia egitea posible da pertsona eta enpresa askoren lankidetzari eta grinari esker. Besteak beste, hauek:

• RTVE, Zinemaldiaren babesle ofiziala.
• MOVISTAR PLUS+, Zinemaldiaren Media Partner-a.
• AUDI, kolaboratzaile ofiziala eta ibilgailu ofiziala.
• KUTXABANK, kolaboratzaile ofiziala eta Kutxabank-New Directors sariaren babeslea.
• AECID-LANKIDETZARAKO ESPAINIAKO AGENTZIA, Espainiako Lankidetza sariaren babeslea.
• ANTIGUO BERRI, Film sorpresaren babeslea.
• ARMANI BEAUTY, Beauty Sponsor eta Perlak sailaren babeslea.
• BASQUE CULINARY CENTER, Culinary Zinemaren antolatzaile-laguntzailea.
• DAMA, Zinemaldiaren babeslea.
• DONOSTIA INTERNATIONAL PHYSICS CENTER (DIPC), Ikastetxeak Belodromoan eta, Zinema eta Zientzia ekimenaren antolatzaile-laguntzailea.
• DONOSTIA SAN SEBASTIÁN TURISMOA.
• DONOSTIAKO UDALA, Publikoaren Sariaren babeslea.
• DOPPLER, Zinemaldiaren laguntzailea.
• EGEDA, WIP Latam-i ematen dion babesagatik.
• EITB, Zinemaldiaren laguntzailea eta Euskal Zinemaren galako antolatzaile-laguntzailea.
• EL DIARIO VASCO, Zinemaldiaren babeslea.
• ELAMEDIA EUSKADI, Ikusmira Berriak sailaren laguntzailea.
• ELÍAS QUEREJETA ZINE ESKOLA, Ikusmira Berriak, Artxiboa proiektua, José Ángel Herrero-Velarde Bekak eta Zinemagileen arteko Elkarrizketak ekimenen antolatzaile-laguntzailea.
• EUROPAR BATASUNAREN EUROPA CREATIVA MEDIA PROGRAMA, Industria departamentuari ematen dion babesagatik.
• EUSKADIKO FILMATEGIA, atzerabegirakoaren antolatzaile-laguntzailea, Ikusmira Berriak eta Artxiboa proiektuaren babeslea eta Zinema eta Zientzia ekimenaren antolatzailea.
• EUSKO JAURLARITZAKO GIZARTE TRANTSIZIOKO ETA AGENDA 2030eko IDAZKARITZA NAGUSIA.
• EUSKO JAURLARITZAREN EKONOMIAREN GARAPEN, JASANGARRITASUN ETA INGURUMEN SAILA, Industria departamentuari ematen dion babesagatik, eta, Europa-Latinoamerika Koprodukzio Foroaren eta Zinemaldia Startup Challengeren sustatzailea.
• EUSKO JAURLARITZAREN NEKAZARITZA, ARRANTZA ETA ELIKAGAIEN POLITIKA SAILA.
• EUSKO JAURLARITZAREN TURISMO, MERKATARITZA ETA KONTSUMO SAILA.
• FILMOTECA DE CATALUNYA, Klasikoak sailaren laguntzailea.
• GIPUZKOAKO FORU ALDUNDIKO INGURUMEN ETA OBRA HIDRAULIKOEN DEPARTAMENTUA, jasangarritasun proiektuaren laguntzailea.
• GIPUZKOAKO FORU ALDUNDIKO EKONOMIA SUSTAPENA, TURISMO ETA LANDA INGURUNEA.
• HISPANITAS, Zinemaldiaren babeslea.
• ¡HOLA!, Zinemaldiaren laguntzailea.
• IBERMEDIA PROGRAMA, WIP Latam-i ematen dion babesagatik.
• INSTITUT LUMIÈRE, Klasikoak sailaren laguntzailek.
• IRIZAR, Euskal Zinemaren Irizar Sariaren babeslea.
• JAMONES IBÉRICOS DE ESPAÑA, koktel ofizialen babeslea.
• KELER, Zinemaldiaren laguntzailea.
• KUTXA FUNDAZIOA, Artxiboa proiektuaren laguntzailea.
• LA PERLA, Zinemaldiaren laguntzailea.
• MAR DE FRADES, Zinemaldiaren babeslea.
• PERRIER JOUËT, Zinemaldiaren xanpain ofiziala.
• SADE, Zinemaldiaren laguntzailea.
• SAN TELMO MUSEOA, Zinemaldiaren laguntzailea.
• SGAE FUNDAZIOA, Zinemaldiaren laguntzailea.
• TABAKALERA-KULTURA GARAIKIDEAREN NAZIOARTEKO GUNEA, Nest Ikusmira Berriak eta Zabaltegi-Tabakalera sailen antolatzaile-laguntzailea, Artxiboa proiektuaren laguntzailea eta 2deo serieak eta Noka programen antolatzailea.
• TCM, Gazteriaren sariaren babeslea.
• TIKTOK, bazkide nabarmena.
• VICHY CATALAN, ur ofiziala.
• ZINEUSKADI, Haurrentzako Zinema eta Ikastetxeak Belodromoan sailetako kolaboratzailea.

Zinemaldiak eskerrak eman nahi dizkio Málagako zinema-jaialdiari, Kultura eta Kirol Ministerioari ICAAren bidez eta Ekonomia Gaietarako eta Eraldaketa Digitalerako Ministerioari ICEX-en bidez, Spanish Screenings: Financing & Tech ekimenean parte hartzeagatik. Ekimen hau Zinemaldiak antolatzen du Berreskuratze, Eraldaketa eta Erresilientzia Planaren barruan.

Eskerrak, halaber, Donostiako Nazioarteko Zinemaldia Sozietate Anonimoaren Administrazio kontseiluko kideei: Espainiako Gobernuko Kultura Ministerioa, Eusko Jaurlaritzako Kultura Saila, Gipuzkoako Foru Aldundia eta Donostiako Udala.