Donostia Zinemaldiaren Europa-Latinoamerika Koprodukzio Foroak —aurten hamabosgarren edizioa izango duenak— Ignacio Acconcia, Selma Cervantes, Nelson Carlo de los Santos Arias, Rachel Daisy Ellis, Giorgio Giampà, Tana Gilbert, Santiago Loza, Matías Mariani, Ernesto Martínez Bucio, Celina Murga, Christopher Murray, Ingrid Pokropek, Mariana Rondón, Felipe Solari Yrigoyen eta Azul Vanni Núñez zuzendarien proiektu berriak aurkeztuko dituzte, bederatzi herrialdetatik datozenak.

Ekitaldia irailaren 21etik 23ra egingo da, eta proiektuen ordezkariek aurkeztuko dizkiete balizko bazkideei, finantzaketa osatzeko eta nazioarteko merkatuetarako sarbidea hobetzeko. Foroaren 15. urteurrena dela-eta, proiektu onenaren sariak 30.000 eurora gora egin du.

Proposamenetako zortzi zuzendarien lehen edo bigarrena lanak izango dira: Cara sucia / Dirty Face, Ignacio Acconciarena; El último sonidero / Mourning Sound, Selma Cervantesena; El último crucero / The Last Cruise, Rachel Daisy Ellisena; Isabel Hernández, Giorgio Giampàrena; Este es el recuerdo que me gustaría tener de mamá / This Is the Memory I Would Like To Have of Mom, Ernesto Martínez Buciorena —Elías Querejeta Zine Eskolako ikasle ohia eta film onenaren sariaren irabazlea Berlinaleko Perspective atalean (2025) El diablo fuma (y guarda las cabezas de los cerillos quemados en la misma caja) / The Devil Smokes (and Saves the Burnt Matches in the Same Box) obrarekin—; Las ilusiones /The illusions, Ingride Pokropekena; Los inexpertos / The Amateurs, Felipe Solari Yrigoyenena; eta La revolución de las sirenas modernas / Modern Mermaids Revolution, Azul Vanni Núñezena.

Halaber, Foroak Zinemaldiaren beste edizio batzuetan parte hartu izan duten zinemagileen proiektu berriak ezagutzera emateko ere balioko du: Diario inconsciente, Santiago Lozarena, azkenekoz Amigas en un camino de campo / Friends on a Country Road (Zabaltegi-Tabakalera, 2022) filmarekin hartu zuen parte; Piedras gigantes / Giant Stones, Christopher Murrayrena, El Cristo ciego / The Blind Christ lanaren (Horizontes Latinos, 2016) zuzendaria; Los ensayos / The Rehearsals, Celina Murgarena, El aroma del pasto recién cortado / The Freshly Cut Grass filmaren (Horizontes Latinos, 2024) errealizadorea; Te vienen a quitar tus congos / They're taking your congos away, Nelson Carlo de los Santos Ariasena —zuzendari onenaren Zilarrezko Hartza Berlinen Pepe (Zabaltegi-Tabakalera, 2024) lanagatik—; eta Buscando a Sam / Looking for Sam, Mariana Rondónena (2013an Urrezko Maskorra irabazi zuen Rondónek Pelo malo / Bad Hair filmarekin).

Hautaketa osatzeko, Zinemaldian lehendabizikoz parte hartuko duten zuzendarien proposamen berriak izango ditugu: Mamá ceniza / Ash Mother, Tana Gilbertena —Malqueridas (2023) filmarekin Settimana Internazionale della Critica atalean Sari Nagusiaren irabazlea —; eta O estranho menino / Nature Boy, Matias Marianirena (2020an Berlinale Panoraman hautatua izan zen Marianiren Cidade Pássaro / Shine Your Eyes).

Sortu zenez geroztik (2012an), Foroak 230 proiektu hautatu ditu, eta horietako 125 zinema-jaialdi garrantzitsuetan osatu eta komertzialki estreinatu dira, hala nola Cannesen, Berlinen, Venezian, Sundancen, Locarnon eta Donostian. Hala, Marcelo Martinessiren Narcisok Berlinale Panorama 2026ko FIPRESCI saria irabazi zuen eta Horizontes Latinosen hautatua izan da; Bruno Santamaríaren Seis meses en el edificio rosa con azul / Six Months in a Blue & Pink Building ere Horizontes Latinosen izango da aurten Cannesko Semaine de la Critique atalean izan ondoren; Iván Funden El mensaje / The Message filmak Urrezko Hartza Epaimahaiaren Saria eraman zuen 2025eko Berlinalen. Halaber, 2025ean Sail Ofizialean (Emanaldi Bereziak) parte hartu zuen Asier Altunaren Karmele filmak; Horizontes Latinosen, berriz, Nayra Ilic Garcíaren Cuerpo Celeste, Daniel Hendlerrek Un cabo suelto / A Loose End; eta Zabaltegi-Tabakaleran, azkenik, György Pálfiren Kota / Hen.

Ekimen honetako parte-hartzaileen arrakasta-kasuei buruzko informazio gehiago irakurtzeko, kontsultatu esteka honetan.

Sariak

Proiektu Onenaren Saria, 30.000 euro gordinetan datzana proiektu irabazlearen ekoiztetxe nagusiarentzat.

DALE! Saria (Europa-Latinoamerika Garapena), EFAD Europako Zinema Agentzien Elkarteak eta CAACI Iberoamerikako Ikus-entzunezko eta Zinematografiako Agintarien Konferentziak emana, 10.000 eurotan datzana proiektu irabazlearen ekoiztetxe nagusiarentzat.

ArteKino International Award saria, ARTEk emana, 6.000 euro gordinetan datzana proiektu irabazlearen ekoiztetxe nagusiarentzat.

Casa Wabi-Escine Saria, Casa Wabin (Puerto Escondido, Mexiko) bost asteko egonaldi artistikoan datzana, Ikusmira Berriak programan edota Foroan hautatutako zuzendari batentzat, bere lehen edo bigarren filma gara dezan.

Tanta Saria, 5.000 euro gordinetan datzana Ikusmira Berriak programan edota Foroan hautatutako proiektu irabazlearen ekoiztetxe nagusiarentzat. Errealismo ekologikoa, irudimena eta sormena etorkizun jasangarriak irudikatzeko baliatzen dituzten narratibetako proiektuak izango dira hautagai.

Harremanetarako

industria@sansebastianfestival.com
Tel.: +34 943 481217
www.sansebastianfestival.com