Urtero, irailean, Donostia zinema-hiri bihurtzen da bederatzi egunez. Filmak, izar gonbidatuak eta topaketak izaten dira protagonista nagusiak. Alabaina, Zinemaldiko jazokizun ororen atzean babesle eta laguntzaileak daude, eta babesle horiei esker, hain justu, gure zinema-ospakizun handiena urtero antolatu ahal izan da azken 74 edizioetan.

Make & Mark, komunikazioaren, marketinaren eta esperientzia premiumen bidez marka eta erakundeentzat balioa sortzen espezializatutako enpresa-taldeak Zinemaldiarekin duen inplikazioa indartu du aurtengo edizioan, lehiaketaren babesle ofizial bihurtu baita. Edizio honetan, Transforma Make & Mark Saria bultzatuko du. Sari honek zinema gizarte-aldaketaren eragile gisa duen zeregina islatzen duten filmak aitortzen ditu. Gainera, bigarren urtez jarraian, Horizontes Make & Mark Saria ere babestuko du, Horizontes Latinos saileko film onena aukeratzeko.

Europcar Made in Spain sailaren babesle berria izango da Donostia Zinemaldiaren 74. edizioan. Auto- eta furgoneta-alokairuan lider den markak antolamenduaren mugikortasuna bultzatuko du Zinemaldian zehar eta, honenbestez, kultura, sorkuntza artistiko eta zinema espainiarrarekiko konpromisoa indartu egingo du konpainiak herrialdeko jaialdi garrantzitsuenetako batean. Zinemaldia dela-eta, Europcarrek % 10eko deskontua eskainiko die ibilgailuen alokairuan lehiaketara bertaratzen diren guztiei. Promozioa hemen egongo da eskuragarri.

Cines Callao izango da San Telmo Museoko inaugurazio-jaiaren babeslea. Madrilgo zinema-aretoek —eraikina zinemaren munduko ikono bihurtu duten jazoera gogoangarri zinematografikoz betetako mendeurrena betetzen dutenak— hasiera emango diote Zinemaldiari —bederatzi egunekoari— Kursaaleko Auditoriumeko inaugurazio-galaren ondoren.

Googlek bat egin du, babesle gisa, zinemagileei laguntzeko ildoaren barruan. Gainera, adimen artifizialari buruzko mentoretza- eta prestakuntza-jardunaldi bat eskainiko du, sortzaileei euren ideia anbiziotsuenak gauzatzen laguntzeko; Googleren aburuz, teknologiak eta berrikuntzak ezer gutxi balio dute profesionalek ez badakite ondo baliatzen.

ILBA Internationalek ere Zinemaldiaren 74. edizio honetan parte hartuko du premisa argi batekin: eraldatu gabe zaintzea eta artifiziorik gabe nabarmentzea. Hala, Donostian eta Bilbon zentroak dituen medikuntza estetikoko klinikak Kursaaleko Auditoriumeko VIP gunea babestuko du.

Cafés Dromedario Zinemaldiaren 74. edizioko kafe ofiziala izango da. Zinemaldiko bederatzi egunetan zehar, izan ere, filmetako lantaldeak, kazetariak eta industriako eta staffeko profesionalak energiaz mantentzeaz arduratuko da.

Babesle berri horiek hainbat ediziotako bidaiakideei gehitu behar zaizkie, jada Zinemaldiaren iruditeriaren eta publikoaren parte direnak, hala nola RTVE, EITB, Movistar Plus, Audi, Kutxabank, Armani Beauty, Codorníu, El Diario Vasco, Irizar, Keler, Loterías y Apuestas del Estado, Renfe, Repsol, Viña Pomal, Antiguo Berri, La Perla eta Vichy Catalan. Eskerrak eman nahi dizkiegu Zinemaldiak 74 urte ezin sasoi hobeagoz betetzea ahalbidetzen duten gainerako erakunde, enpresa eta entitateei.