Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Ikus-entzunezko sortzaileen egile-eskubideak kudeatzen dituen DAMA erakundeak hirugarren urtez jarraian babestuko du Gazteriaren Saria Donostia Zinemaldiaren 74. edizioan, irailaren 18tik 26ra.
Saria nork eramango duen erabakitzea dagokion epaimahaia 18 eta 25 urte bitarteko 150 gaztez osatuta dago. Emanaldi bakoitzaren ondoren film horri puntuazio bat emateko ardura izango dute 150 epaimahaikide horiek. Kalifikazioak eta gustukoenen rankinga egunero gaurkotuko dira eta Zinemaldiko komunikabide ofizialetan egongo dira ikusgai.
Gazteen DAMA Saria irabazteko hautagaiak 21 film dira: New Directors sailean bildutako guztiak eta Horizontes Latinos sailekoen artean zinemagileen lehen edo bigarren film luze guztiak.
Sari-banaketan —irailaren 26an izango denean (larunbata)— DAMAren ordezkari bat, zinemaren munduko pertsona itzaltsu bat eta Gazteriaren Epaimahaiko bi kide egongo dira (Zinemaldian zehar iragarriko dira).
DAMAk, hirugarren urtez babestuko badu ere Gazteriaren Saria, aspalditik du lotura Donostia Zinemaldiarekin. Hala, azken urteotan, entitateak Pentsamendua eta Eztabaidarako mahai-inguru eta elkarrizketa batzuk bultzatu ditu, eta, aldi berean, Lola Salvador Gidoiko DAMA saria emateko baliatu du lehiaketa.
“DAMAn oso hunkituta gaude Donostia Zinemaldiko Gazteriaren DAMA Saria berriz babestuko dugulako. DAMA sariak gure konpromisoa islatzen du: belaunaldi berrien artean zinemarako zaletasuna sustatzea, hain zuzen. Gainera, bokazioak piztu eta finkatzeko ere lagungarria da. Ziur gaude epaimahaia osatuko duten 150 kideen artean badaudela zinemagile bihurtu eta urte batzuk barru euren lanak Zinemaldi honetan bertan aurkeztuko dituztenak”, adierazi du Virginia Yagüe DAMAko presidenteak.
DAMAri buruz
25 urtetik gorako esperientzia izanik, DAMA ikus-entzunezko obren eskubideen kudeaketa kolektiboan espezializatutako erakunde espainiar bakarra da, eta sektoreko erreferente bihurtu da diru-bilketan eta banaketan duen gardentasunari esker.
Halaber, ikus-entzunezko sorkuntza sustatzeko eta defendatzeko lan egiten du, laguntza- eta prestakuntza-programen bidez.
Virginia Yagüe zinema eta telebista gidoigilea buru dela, DAMAk 3.700 bazkide baino gehiago ditu, eta 40 herrialdetako ikus-entzunezko egileen —nola zuzendarien hala gidoilarien— ordainketa-eskubideak kudeatzen dihardu.
Ordutegi jarraitua Donostia Zinemaldian zehar: Astelehenetik igandera, 09:00etatik 14:00etara
eta 16:00etatik 20:00etara