Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Josu Ozaitak zuzendutako Esperantza filmak eta Mikel Urretabizkaiaren Eskuak irabazi dituzte, hurrenez hurren, Eusko Label mikrofilm laburren laugarren lehiaketako lehen eta bigarren sariak. Donostia Zinemaldiak eta Eusko Jaurlaritzak antolatzen dute ekimen hori, HAZIren bidez (Eusko Jaurlaritzako Elikadura, Landa Garapen, Nekazaritza eta Arrantza Saileko enpresa publikoa), eta helburua da Euskal Autonomia Erkidegoko hurbileko produktua zabaltzea eta babestea zinemaren bitartez, bai eta gure nekazaritza-, abeltzaintza- eta arrantza-munduan jasangarritasunari buruzko guztia sustatzea eta ezagutaraztea ere.
Sailkatutako gainerako film laburrak hauek izan dira: Mendialdeko ogia, Unai Ruiz; Txalupa Mutila, Josu Ozaita; Hats /Hálito_Soplo / Hats /Breath_Blowing, Izaskun Álvarez Gainz; Si alguien quiere ligar conmigo, que me invite a comer bien, Marta Hernáez Susperregui; Del huerto al plato, Veniamin Garshin; eta Talok, Maddi Arzallus.
Esperantza filmak lortu du lehen Eusko Label saria, 6.000 eurokoa; lan horrek antropologa bat Getariko bizitzan nola murgiltzen den erakusten digu, arraina jateko munduko lekurik onena zergatik den deskubritzeko. Eskuak lanak, berriz, bigarren saria irabazi du, 4.000 eurokoa, eta esku batzuen bidez Idiazabal gazta bezalako kalitate bikaineko produktuen elaborazio prozesua irudikatzen du.
Raimundo Ruíz Eskudero HAZIko zuzendari nagusia izan da epaimahaiburua. María Alcantara Garlaneko lekale eta kalitate arduradunak eta Andoni Luis Aduriz sukaldariak osatu dute epaimahaia. Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuordeak eta Maialen Beloki Zinemaldiko zuzendariordeak ere parte hartu dute ekitaldian.
Sari-banaketa Donostiako Aquariumean izan da gaur arratsaldean, eta baita lan irabazleen eta finalisten lanen proiekzioa ere. Eusko Label Saria Jatorria: Euskadi sailean kokatzen da, Donostia Zinemaldiak eta Eusko Jaurlaritzak antolatuta HAZIren bitartez, eta bi jarduera ditu. Batetik, Eusko Label Saria, eta bestetik, Ondarea. Euskal Sukaldaritza Berriak, 50 urte / Ondarea. 50 Years of New Basque Cuisine filmaren proiekzioa Victoria Eugenia Antzokian.
Lehen Saria
Zergatik da Getaria munduan arraina jateko tokirik onena? Galdera soil horrek bultzatuta iritsiko da antropologo bat kostaldeko herriraino. Egunero hurbilduko da moilara bertako bizitza jasotzeko, nahiz eta horretarako goizeko 3:30ean jaiki beharko duen. Telefono mugikorra eskuan, aurkitutako sekretu bakoitza filmatuko du, baina denboraren joanean, behatzaile huts izateari utzi eta komunitate berezi horren parte bilakatuko da.
Bigarren Saria
Eskuak funtsezkoak dira kalitate bikaineko produktuak egiteko; adibidez, Idiazabal gazta. Helduen eskuek egiten dute gaur, orain eskutxoak, haur-eskuak direnek bihar egingo duten lana. Esku horiek zaintzen dituzte ardiak, jezten dute esnea, prestatzen dute gatzagia, moldatzen dute azken produktua eta zaintzen dute hura leku egokian. Gazta jada egina, helduen eskuetatik haurren eskuetara pasatzen da, argi utziz lan hori lehendik datorrela eta bihar ere jarraituko duela.
Ordutegi jarraitua Donostia Zinemaldian zehar: Astelehenetik igandera, 09:00etatik 14:00etara
eta 16:00etatik 20:00etara