Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Donostia Zinemaldiak antolatzen du Europa-Latinoamerika Koprodukzio Foroa.
Donostia Zinemaldiaren egoitza nagusia honako helbide honetan dago:
DONOSTIA ZINEMALDIA
TABAKALERA - Nazioarteko Kultura Garaikidearen Zentroa
Emakume Zigarrogileen Plaza, 1, 2. solairua
20012 Donostia
Tel.: +34 943 481212
ssiff@sansebastianfestival.com
Zinemaldiaren Webgune ofizialak: www.sansebastianfestival.com, informazio xehatua eskaintzen du, eta Zinemaldiarekin eta bertako sailekin harremanetan jartzeko datuak ere biltzen ditu.
DONOSTIAKO NAZIOARTEKO ZINEMALDIA Sozietate Anonimoa Donostiako Udalak, Eusko Jaurlaritzak, Gipuzkoako Foru Aldundiak eta Espainiako Gobernuaren Kultura Ministerioak osatzen dute zati berdinetan, eta Donostiako alkatea du presidentea. Donostia Zinemaldiko antolakuntzaren burua jaialdiaren zuzendaria José Luis Rebordinos da.
Donostia Zinemaldia Film Ekoizleen Elkarteen Nazioarteko Federazioan (FIAPF) onartuta dago, «Lehiatzeko zinema-jaialdiak» kategorian.
1. ARTIKULUA
Donostia Zinemaldiak ekarpen positiboa egin nahi dio kulturari eta zinema-industriari.
2. ARTIKULUA
Donostia Zinemaldiaren 74. edizioa Donostian egingo da, 2026ko irailaren 18tik 26ra bitartean. Europa-Latinoamerika Koprodukzio Foroa, berriz, irailaren 21etik 23ra artean bilduko da
3. ARTIKULUA
Europa-Latinoamerika Koprodukzio Foroaren gaur egungo ediziora aurkezten diren proiektu guztiak Foroko hautaketa-batzordeak aukeratuko ditu, Zinemaldiko zuzendaritza buru dutela, nazioarteko hiru adituk egindako txostenetan oinarrituta.
4. ARTIKULUA
Europa-Latinoamerika Koprodukzio Foroaren diru-saria 10.000 euro gordinekoa izango da proiektu irabazlearen ekoizle nagusiarentzat, banku transferenzia bitartez.
5. ARTIKULUA
Europa-Latinoamerika Koprodukzio Foroko Proiektu Onenaren sariak honako xede hau du: Europako eta Latinoamerikako kulturaren eta zinema-industriaren garapenari ekarpena egitea.
6. ARTIKULUA
Europa-Latinoamerika Koprodukzio Fororako aukeratzen diren proiektu guztiek izango dute Proiektu Onenaren Saria irabazteko aukera, berariazko akordioen esparruan aurkeztu diren proiektuak izan ezik.
7. ARTIKULUA
Europa-Latinoamerika Koprodukzio Foroko Proiektu Onenaren Saria Donostia Zinemaldiak hori erabakitzeko berariaz osatu eta aukeratutako epaimahai batek erabakiko du.
8. ARTIKULUA
Europa-Latinoamerika Koprodukzio Foroko Proiektu Onenaren Saria ezingo da eman gabe utzi, ez eta proiektu bati baino gehiagori eman ere.
9. ARTIKULUA
Europa-Latinoamerika Koprodukzio Foroko Proiektu Onenaren Saria Industria Sarien iragarpenean jakinaraziko da.
10. ARTIKULUA
Proiektuak ekoizten amaitutakoan, horien arduradunek Europa-Latinoamerika Koprodukzio Foroko Proiektu Onenaren Saria-ren logoa agerrarazi beharko dute behin betiko kopiako kredituetan. Logotipoa hainbat hizkuntzatan egongo da eskuragarri Zinemaldiaren webgune ofizialean.
11. ARTIKULUA
Araudi honen interpretazioan sor daitekeen edozer zalantza Donostia Zinemaldiaren zuzendaritzak ebatziko du.
12. ARTIKULUA
Araudi honen interpretazioari buruzko desadostasunik balego, gaztelaniazko testua aplikatuko da.
FAQ - Filmen izen-ematea
Orokorra
Aurretiko hautaketa
Izen-emate kuota
Komunikazioa
Hautaketa
Astelehenetik ostegunera: 09:00etatik 15:30era
Ostiraletan, 10:00etatik 14:00etara