Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Donostia Zinemaldiaren egoitza nagusia honako helbide honetan dago:
DONOSTIA ZINEMALDIA
TABAKALERA - Nazioarteko Kultura Garaikidearen Zentroa
Andre Zigarrogileen plaza 1 - 2. solairua
20012 Donostia
Tel.: +34 943 481212
ssiff@sansebastianfestival.com
Webgune ofizialean (www.sansebastianfestival.com), informazio xehatua ageri da eta, horrez gain, Donostia Zinemaldiarekin eta bertako sailekin harremanetan jartzeko datuak daude.
FESTIVAL INTERNACIONAL DE CINE DE DONOSTIA SAN SEBASTIAN SA Donostiako Udalak, Eusko Jaurlaritzak, Gipuzkoako Foru Aldundiak eta Espainiako Gobernuko Kultura Ministerioak osatzen dute zati berdinetan.
Donostia Zinemaldia FIAPFk onartuta dago, lehiazko zinema-jaialdien kategoriaren barruan.
1. ARTIKULUA
Donostia Zinemaldiak ekarpen positiboa egin nahi die kulturari eta zinema-industriari.
2. ARTIKULUA
Donostia Zinemaldiaren 74. edizioa Donostian egingo da, 2026ko irailaren 18tik 26ra bitartean.
Tanta saria Europa-Latinoamerika Koprodukzio Foroaren eta Ikusmira Berriaken barnean emango da, irailaren 21etik 23ra bitartean.
3. ARTIKULUA
Tanta saria industriak ematen duen saria da, eta hautagai dira Europa-Latinoamerika Koprodukzio Foroan eta Ikusmira Berriaken hautatutako proiektu guztiak.
4. ARTIKULUA
Tanta sariaren xedea da klima-larrialdiarekin sentiberak diren ikus-entzunezko obrak bultzatzea eta ikus-entzunezko sektorearen barnean narratiba berriak sustatzea.
5. ARTIKULUA
Sariarekin, 5.000 euro gordin jasoko ditu proiektu irabazlearen enpresa ekoizle gehiengodunak.
6. ARTIKULUA
Proiektu hautagarriek honelakoak izan beharko dute: errealismo ekologiko, irudimen eta sormenezko elementuak izan beharko dituzte, etorkizun jasangarriak irudikatzeko.
7. ARTIKULUA
Saria emateko propio eratutako epaimahaiak hautatuko du irabazlea, eta hauek osatuko dute: European Climate Foundationen ordezkari bat, Espainiako Greenpeaceren ordezkari bat eta Climate Spring-en ordezkari bat.
8. ARTIKULUA
Saria ezingo da eman gabe utzi, ezta proiektu bati baino gehiagori eman ere.
9. ARTIKULUA
Industriaren sariak iragartzeko ekitaldian jakinaraziko da saria.
10. ARTIKULUA
Proiektu onuradunak sariaren kreditua eta sariaren logotipoa sartu beharko ditu azken lanean, eta proiektuaren aurrerapenaren berri eman beharko du.
11. ARTIKULUA
Parte hartzeak berekin dakar erregelamendu hau guztiz onestea.
12. ARTIKULUA
Donostiako Zinemaldiak proiektuen materialak erabili ahal izango ditu komunikazioetarako.
13. ARTIKULUA
Donostiako Zinemaldiaren zuzendaritzak beretzat gordeko du erregelamendu honetan aurreikusi ez den alderdi oro ebazteko eskubidea.
14. ARTIKULUA
Gatazkarik bada, Donostiako Zinemaldiaren zuzendaritzaren interpretazioa gailenduko da, eta gaztelaniazko testua kontuan hartu.
Astelehenetik ostiralera, 09:00etatik 14:00etara
eta 16:00etatik 19:00etara