Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Besteen begian habea: kritikaren matxinada Cabezas Cortadasen estreinaldiaren aurrean
1970eko uztailaren 7an, Donostiako Zinemaldian Glauber Rocharen Cabezas cortadas estreinaldiak Espainiako zinema-kritikaren historiako pasarte nahasi eta argigarrienetako bat eragin zuen. «La Vanguardia» filmean egindako aipamen oldarkor batek erantzun publiko berri bat sortu zuen, Miguel Marías, Fernando Méndez-Leite, Gonzalo Suárez edo Emilio Martínez Lázaro bezalako kultura zinematografikoko gazteek sinatua. Berrogeita hamasei urte geroago, begirada kritikoaren bilakaerari buruzko hausnarketa proposatzen du jardunaldi honek, eta, horrekin batera, FlixOlék eta Video Mercury Films-ek berriki egindako zaharberritze-lanaren 4K-ko trailerraren aurkezpena, protesta hartako protagonisten lekukotasun esklusiboen proiekzioa eta Javier Mosqueda (zaharberritzailea), Carlos Heredero (Caimán-eko zuzendaria, Cuadernos de Cine) eta Miguel Lópezekin (Video Mercury Films/FlixOlé) izandako solasaldia.
Miguel López Kazetaritzan graduatua da Santiago de Compostelako Unibertsitatean. Zinema eta Telesailen Gidoi Zinematografikoan Masterra du Rey Juan Carlos Unibertsitatean. ECAMen Ekoizpen Exekutiboko Masterra eta Kontserbazio eta Zaharberritze Filmikoko Masterra ere baditu. 2018az geroztik, FlixOlé eta Video Mercury Films enpresekin du lotura, eta, gaur egun, Programazio eta Marketin arduraduna da.
Javier Mosqueda Orellana Ikus-entzunezko Komunikazioan lizentziatua da eta master ikasketak ditu Ondare Filmikoaren Gestioan, Madrilgo Complutense Unibertsitatean. Argazkilari gisa hasi zuen bere ibilbide profesionala eta bere prestakuntza teknikoarekin jarraitu zuen, kolorista gisa, film zinematografiko askoren etalonajea eginez.
Zaharberritzean eta film-laborategietan espezializatuta dago, eta nazioarteko hainbat filmoteka eta ikus-entzunezko artxiboak babesteko hainbat proiektutan hartu du parte.
Gaur egun, ECAMeko Artxibo Saila koordinatzen du eta Zaharberritze eta Zaintza Filmikoa masterreko zuzendari akademikoa da.
Astelehenetik ostiralera, 09:00etatik 14:00etara
eta 16:00etatik 19:00etara