Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Cecilia Barriga - El género de la democracia
Cecilia Barrigak zuzendutako dokumentala da, 2025 eta 2026an filmatua, "Comisionado para la Celebración de los 50 años de España en Libertad" eta "Instituto de la Juventud"-ekin batera. Bertan, Espainia osoko 80 gaztek baino gehiagok generoaren krisiari eta bizi dituzten kontraesanei buruz hausnartzeko elkartuko dira: gazte izatearen esanahiari, egungo harremanei, identitateari, sexualitateari, indarkeriari eta festari buruzko gogoeta kolektibo bat. Demokrazia ariketa bat -ezezagunen arteko elkarrizketa moduan-, pentsamendua eta etorkizunaren aurreko beldurra eta poza azaltzen eta ospatzen dituena.
Soziologiako irakaslea UCMn, kultur sortzaile eta kudeatzaile independentea. "El género de la democracia" dokumentalaren edukien zuzendarikidea.
Txilen jaio zen eta 1977an iritsi zen Madrilera, kolpe militarraren ostean. Ordutik, Madril izan du bizileku, nahiz eta bere lana herrialde eta testuinguru desberdinen artean garatu den. Berrogeita hamar urte baino gehiagoz, identitate indibidual eta kolektiboen eraikuntza arakatu du, intimoa dena politikoarekin elkarrizketan jarriz. Feminismoek, memoriak, borroka sozialek, indarkeriek eta LGTBIQ+ identitateek bideosorkuntza, ez-fikziozko zinema, dokumental esperimentala, performancea eta pieza hibridoak uztartzen dituen lana zeharkatzen dute.
Zuzenbide eta Nazioarteko Ikasketen Gradu Bikoitzeko ikaslea da eta dokumentalean parte hartzen duen gazteetako bat.
Generoan espezializatutako psikologo soziala da. "El género de la democracia" ekimenean parte hartzen du, emakumeen egoerari eta genero-gaiek gure gizartean izan duten bilakaerari buruzko esperientziak eta gogoetak partekatzen.
Astelehenetik ostiralera, 09:00etatik 14:00etara
eta 16:00etatik 19:00etara