tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea  > Sailak eta filmak > Zinema Eraikitzen > 15. Zinema Eraikitzen - TOULOUSE
15. Zinema Eraikitzen - TOULOUSE
 
Argentina, Txile, Mexiko, Peru eta Uruguaiko zortzi filmek hartuko dute parte Zinema Eraikitzen sailaren XV. edizioan

Argentina, Txile, Mexiko, Peru eta Uruguain beste herrialde batzuekin lankidetzan ekoitzitako zortzi filmek hartuko dute parte Zinema Eraikitzen sailaren hamabosgarren edizioan, Tolosan (Frantzia) martxoaren 26an eta 27an egingo diren Latinoamerikako Zinema Topaketetan. Topaketa horien antolakuntzan Donostia Zinemaldiak ere parte hartzen du. Topaketa horren osagarri izango dira Donostia Zinemaldiko 57. edizioan egingo diren Zinema Eraikitzen saileko saioak, irailaren 22 eta 23an.

Zinema Eraikitzen 15 sailerako hautaturiko filmak honako hauek dira:

  • 77 Doronship, Pablo Agüero zuzendariarena (Argentina)
  • Contracorriente, Javier Fuentes-León zuzendariarena (Peru-Kolonbia-Frantzia-Alemania)
  • El cuarto de Leo, Enrique Buchichio zuzendariarena (Uruguai)
  • La invención de la carne, Santiago Loza zuzendariarena (Argentina)
  • Jardines del Paraíso, Héctor Gálvez zuzendariarena (Peru)
  • Perpetuum Mobile, Nicolás Pereda zuzendariarena (Mexiko)
  • Te creís la más linda, Ché Sandoval zuzendariarena (Txile)
  • La vida útil, Federico Veiroj zuzendariarena (Uruguai)


Zinema Eraikitzen sailaren hamabosgarren ediziorako 73 film jaso dira eta haietan honako hemezortzi herrialde hauek parte hartu dute: Alemania, Ameriketako Estatu Batuak, Argentina, Bolivia, Brasil, Costa Rica, Espainia, Guatemala, Japonia, Kolonbia, Kuba, Mexiko, Panama, Paraguai, Peru, Txile, Uruguai eta Venezuela.


SARIAK

Zinema eraikitzen 15 sailean, Zinema eraikitzen Tolosa saria entregatuko dute Confédération Internationale des Cinémas d’Art & Essai (CICAE), Centre National de la Cinématographie (CNC), Europa Distribution, Mactari eta Titra Film erakundeek. Zinema eraikitzen Tolosa saria jasotzeak honako hau dakar berekin: postprodukzio zerbitzuak jasotzea enpresa kidetuen aldetik, baita film irabazlea sustatzeko zerbitzuak jasotzea eta ekimenak antolatzea ere.

  • CONFÉDÉRATION INTERNATIONALE DES CINÉMAS D’ ART ET ESSAI (CICAE) erakundearen helburua erakusle eta banatzaileak motibatzea da, baita pelikula hedatzen laguntzea ere. Horretarako, bere informazio aldizkaria eta bi mila zinema areto eskainiko ditu.
  • CENTRE NATIONAL DE LA CINÉMATOGRAPHIE (CNC) erakundeak 10.000 euroko laguntza emango du Frantzian egin beharreko postprodukzio lanen gastuak estaltzeko.
  • EUROPA DISTRIBUTION Erakunde honek koordinazio lanak egingo ditu Europa Distributioneko banatzaile kideen eta Zinema Eraikitzen sailaren artean. Filmeari buruzko informazioa duen agiri bat banatuko du Europa Distribution elkartea osatzen duten 63 kideen artean, Europako 19 herrialdetan, eta film irabazlearen proiekzio pribatua antolatuko du Europa Distributionek berak antolaturiko ekitaldi batean.
  • MACTARI etxeak muntaketa edo nahasketa lanak egiteko zerbitzua eskainiko du, 15.000 euroko balioa duena.
  • TITRA FILMek frantsesezko azpitituluak egingo ditu.

Horretaz gain, Cannesko zinema jaialdiko MARCHÉ DU FILM atalak merkaturako baimenak eskainiko dizkie hautaturiko filmen ekoizleei. Zinema Eraikitzen saileko filmek, gainera, nazioarteko hedapena izango dute INSTITUTO CERVANTESen sarearen bidez.


PROGRAMAZIOA

Zinema Eraikitzen saila profesionalei zuzenduta dago. Martxoaren 26an eta 27an izango da, Tolosan (Frantzia), Salle du Sénéchal aretoan. Ordutegia honako hau izango da:

Osteguna, hilak 26

  • 10:00 - Contracorriente
  • 12:30 - La invención de la carne
  • 15:30 - Te creís la más linda
  • 18:30 - La vida útil

Ostirala, hilak 27

  • 10:00 - Perpetuum mobile
  • 12:00 - Jardines del paraíso
  • 15:00 - 77 Doronship
  • 16:30 - El cuarto de Leo

HAUTATUTAKO FILMAK

77 DORONSHIP77 Doronship

Argentina.
Zuzendaria: Pablo Agüero.
Aktoreak: Francisco Morón, Anne Chrétien, Paula Giovanetti.

Anne haurdun dago, erditzeko zorian, Parisen. Haurraren aita den José argentinarraren zain dago. Gizona, baina, zigarroak erostera joan da, eta ez dauka itzultzeko asmorik. Une horretan bertan, Joséren aitona Buenos Airestik iritsi eta apartamentuan geratuko da, bere biloba etorri zain.

77 DORONSHIPContracorriente

Peru-Kolonbia.
Zuzendaria: Javier Fuentes-León.
Aktoreak: Cristian Mercado, Manolo Cardona, Tatiana Astengo.

Laster aita izango den Miguel arrantzale gaztearen istorioa kontatuko digu filmak. Ezkonduta dagoen arren, Miguelek harreman ezkutua dauka Santiago margolari homosexual eta bakartiarekin. Santiago, baina, ito egingo da. Miguelek, orduan, pentsamolde erlijioso kontserbadorean eta piztu berri zaion sexualitatean harrapatuta, bere egiazko nortasuna onartu beharko du Santiagori behar bezalako hileta antolatzeko, tradizioen araberakoa, hildakoaren arimari betiko atsedena opatzeko.

77 DORONSHIPEl cuarto de Leo

Uruguai.
Zuzendaria: Enrique Buchichio.
Aktoreak: Martín Rodriguez, Cecilia Cosero, Gerardo Bergerez.

Leo gaztea bere identitate sexualak eragindako krisian murgilduta dago. Eskolako laguna zuen Carorekin egingo du topo, garai hartan gustuko zuen neskarekin. Caro ere krisi latza ari da bizitzen. Ustekabeko topo egite horrek ondorioak izango ditu bien barne gatazketan, baina bietako inork ez du jakingo besteari benetan zer gertatzen zaion.

77 DORONSHIPLa invención de la carne

Argentina.
Zuzendaria: Santiago Loza.
Aktoreak: Umbra Colomo, Diego Benedetto, Gaby Lerner.

Filmak helmuga ezezaguna duen bidaia bat du ardatz. Maríaren eta Mateoren arteko ezinezko harremanaren deskribapen ia kirurgikoa egiten du filmak. María bere itomenaren mugara iritsi da, eta Mateo obsesionatuta dago izaki bizidunekin. Maríak, konponbidea bilatu nahian, bere burua eskainiko dio bere etsipen sakonetik atera ezin duen izaki horri, eta saiakera hori izango da bizirik jarraitzea ahalbidetuko diona. Ezusteko lotura sortuko da ezinezko topaketa horretatik.

77 DORONSHIPJardines del paraíso

Peru.
Zuzendaria: Héctor Gálvez.
Aktoreak:Joaquín Ventura, Yiliana Chong, José Luis García, Willian Gomez, Gabriela Tello.

Joaquín eta bere lau lagun gazteak Jardines del Paraíson bizi dira, Lima kanpoaldeko auzo pobre batean. Hantxe egoten dira denbora-pasan, bertan harrapatutako presoak balira bezala, aukerarik eta etorkizunik gabe, baina zerbait egin behar dutenaren ideia burutik kendu gabe…

77 DORONSHIPPerpetuum mobile

Mexiko.
Zuzendaria: Nicolás Pereda.
Aktoreak:Gabino Rodríguez, Teresa Sánchez.

Gabinok 24 urte ditu eta etxe-aldaketak egiten ditu Mexiko Hirian, kamioi batekin. Amarekin bizi da, eta hark gurtu egiten du Gabinoren anaia zaharrena, Miguel, nahiz eta inoiz ez dien bisitarik egiten. Gabinoren amona hil egingo da, bere etxeko bakardadean, eta bi aste igaro arte ez dira konturatuko...

77 DORONSHIPTe creís la más linda

Txile.
Zuzendaria: Ché Sandoval.
Aktoreak:Martín Castillo, Normando Letelier, Camila Le-bert, Andrea Riquelme.

Filmak 19 urteko Javier gaztearen istorioa kontatuko digu. Javierrek huts egin du ohean Valentinarekin, eta Santiagoko kaleetan barrena ibiliko da, sexu abenturen bila. Hainbat pertsonaiarekin egingo du topo, eta bere oinazearen berri emango die. Valentina bere lagun onenarekin oheratzen denaren susmoa du, baina hori egiaztatzeko hurrengo egunera arte itxaron beharko du...

77 DORONSHIPLa vida útil

Uruguai.
Zuzendaria: Federico Veiroj.
Aktoreak:Jorge Jellinek, Manuel Martínez Carril, Paola Venditto, Gonzalo Delgado.

Jorgek 45 urte ditu, gurasoekin bizi da eta bizimodu egonkor eta erosoa du. Teknikari lanak egiten ditu zinemateka batean, eta gauez bere benetako pasioa den zinemari buruzko irratsaioa aurkezten du. Zinematekaren egoera larria da, ordea, eta itxi egin beharko dute. Jorge lanik gabe geratuko da. Zineaz aparte, ez daki besterik egiten. Egoera horren aurrean, bizimodua aldatu beharko du...


Zinema Eraikitzen ekimenak Grupo Gruesa babesletza eta ondoken laguntza erabakigarria dauka: Casa de América, Estudios Exa, Interreg III-A Francia-España, Kodak (división de cine profesional), Mediapro, Molinare Madrid, No Problem Sonido, Programa Ibermedia, Technicolor Entertainment Services Spain, Titra Film eta TVE. Ateliers du Cinéma Européen (ACE), Centre National de la Cinématographie (CNC), Confédération Internationale des Cinémas d’Art et Essai (CICAE), Europa Distribution, FNAC, Fondation Groupama GAN pour le Cinéma, Instituto Cervantes, Mactari, Marché du Film, Signis, eta Unión Latina-ren laguntzarekin.


15. Zinema Eraikitzen sailean izena emateko epea, zabalik

Zinema Eraikitzen sailak hitzordu bikoitza izaten du urtero Donostia eta Tolosako (Frantzia) zinemaldietan; datorren urterako izena emateko epea zabalik dago. Zinema Eraikitzen sailaren hamabosgarren aldia izango da, eta Tolosan egingo dute 2009ko martxoaren 26an eta 27an. Donostia Zinemaldiaren eta Tolosako Latinoamerikako Zinema Topaketen ekimen honek produkzio ondorengo fasean dauden Latinoamerikako film luzeak amaitzen laguntzea du helburu.

Film luzeen proiektuen hedapena –Donostiako eta Tolosako jaialdietako film horien saioetara profesionalak baino ez dira joaten– eta Zinema Eraikitzen saria oso lagungarriak izan dira, azken urteotan, Latinoamerikako film luze esanguratsuenetako batzuk amaitzeko eta banatzeko.

Latinoamerikako herrialdeetan egindako film luzeak izan daitezke 15. Zinema Eraikitzen saria eskuratzeko hautagai, baldin eta filmatuta badaude, eta hala ere, produkzio ondorengo prozesuan zailtasunak badituzte.

Sari horretan parte hartzen duten enpresetako eta erakundeetako ordezkariek osatutako epaimahaiak emango du Zinema Eraikitzen saria:

  • Frantziako Zinematografia Gune Nazionalak (CNC) 10.000 euroko laguntza emango du, Frantziako produkzio ondorengo gastuei aurre egiteko.
  • Mac Guff erakundeak edizio, irudi-efektu eta kreditu zerbitzua emango du, baita trailerra egiteko zerbitzua ere.
  • Bmac etxeak etalonaje digitala egingo du.
  • Mactari enpresak 15.000 euroren balioa duen zerbitzua eskainiko du muntaketa edo soinu nahasketak egiteko.
  • Titra Film enpresak frantsesezko azpitituluak egingo ditu.
  • Metrobus/Médiavision-ek 20.000 euroko balioa duen publizitate kanpaina egingo dio saritutako filmari, baldin eta filma banatzen bada.
  • Arte eta Entsegu Zinemaren Nazioarteko Konfederazioak (CICAE) informazioa emango die haren bazkideei –2.000 zinema areto kudeatzaile–, filma hedatzeko eta banatzaileak sentsibilizatzeko.
  • Europa Distribution-ek filma sustatuko du Europako haren banatzaileen artean; 63 kide ditu 19 herrialdetan.

Aurrekoaz gain

  • Marché du Film-ek (Cannes-ko zinema jaialdia) merkatuko akreditazioak eskainiko dizkie Zinema Eraikitzen sailean (Donostian edo Tolosan) hautatutako ekoizleei.
  • Zinema Eraikitzen saileko filmak nazioartean hedatuko dira Instituto Cervantes institutuak mundu osoan duen sareari esker.
  • Fnac France-k sustatuko du Zinema Eraikitzen saileko filmen estreinaldia Frantzian.

PROIEKTUAK INSKRIBATZEKO AZKEN EGUNA: 2009KO URTARRILAREN 25A
(TOLOSAN JASOTZEKO DATA)

BIDALKETAK, HONAKO HELBIDERA:

  • Rencontres Cinémas Amérique Latine de Toulouse (arcalt)
    34 rue de la Fonderie
    31000 Toulouse - France

IZENA EMATEKO INPRIMAKIA eta Zinema Eraikitzen sailari dagozkion beste informazio batzuk honako web orrietan daude eskuragarri:
www.cinelatino.com.fr - www.sansebastianfestival.com

Harremanetarako:

Zinema Eraikitzen sailak Grupo Bruesa enpresaren babesa izan du. Honakoen funtsezko babesa izan du: Casa de América, Estudios Exa, Interreg III-A Francia-España, Kodak (zinema profesional saila), Mediapro, Molinare Madrid, No Problem Sonido, Programa Ibermedia, Technicolor Entertainment Services Spain, Titra Film eta TVE. Laguntzaileak: Europako Zinema Tailerrak (ACE), B-MAC, Zinematografia Gune Nazionala (CNC), Cinéfondation, Arte eta Entsegu Zinemaren Nazioarteko Konfederazioa (CICAE), Europa Distribution, FNAC, Fondation Groupama GAN pour le Cinéma, Instituto Cervantes, MacGuff Ligne, Mactari, Marché du Film, Metrobus/Médiavision, Signis eta Unión Latina.Tolosako Ikusentzunezko Goi Mailako Eskola (ESAV) eta Crous ere partaide izan dira.

 

Industria Saila ondorengoen babesarekin:
Media Partner:
Aurreko edizioak
2018
2017
2016
2015
2014
2013
2012
2011
2010
2009
2008
2007
2006
2005
2004
2003
2002

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea