tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 46. Edizioa 1998  >
TIME BANDITS (DENBORAREN HEROIAK)
Terry Gilliam

Kevinen gurasoek ez diote bere semeari jaramon askorik egiten, beraz, abentura liburuak eta bere irudimen handia ihesbidetzat hartzen ditu. Gau batez, armairu barrutik sei ipotx ateratzen zaizkio Izaki Gorenaren zerbitzariak direla eta hari Denbora eta Espazioaren Zuloen Mapa kendu diotela esanez. Beren nagusiarengandik ihesi doaz horretarako nonahi zuloak irekiz. Kevinek denbora eta espazioan zeharreko bidaian abiatzea erabakiko du.
BIOGRAFIA

TERRY GILLIAM

Marrazkilari eta umorista, Terry Gilliamek (Minneapolis, 1940) Mad aldizkariko Harvey Kurtzman editore ezagunarentzat egin zuen lan New Yorken. 1967an, Londresen finkatu zen bere lagun John Cleese aktore ingelesarekin eta honek Monty Python taldea sortuko ziten Eric Idle, Terry Jones eta Michael Palin aurkeztu zizkion. Hauekin batera, umore-sen suntsitzaileaz beteriko Monty Python and the Holy Grail (Mahai karratuko zaldunak eta beren jarratzaile eroak, 1975), Monty Python's Life of Brian (Briaren bizitza, 1979) eta Monty Python's The Meaning of Life (Bizitzaren zentzua, 1983) filmeetan parte hartu zuen. 

Monty Pythonen ziharduen bitartean, Gilliamek bakarka bi filme zuzendu zituen: Jabberwocky (Erreinuko piztia, 1977) eta Time Bandits (Denboraren heroiak, 1981). Taldea banadu zenean, Gilliamen aldirik irudimentsu eta pertsonalena hasi zen: Brazil (1985), The Adventures of Baron Munchausen (Munchausen baroiaren abenturak, 1989), The Fisher King (Errege arrantzalea, 1991), 12 Monkeys (Hamabi tximu, 1995), eta oraintsu eztabaida handia eragin duen Fear and Loathing in Las Vegas (Beldurra eta nazka Las Vegasen, 1998). 

Filmeak egiteko formula jakinen erosotasunetik urrun, Gillamek ikerketarako eremutzat dauka zinearen esparru zabala, bai formalaren alderik -bere irudien kontzeptuan marrazkilari izana osotara antzematen zaio-, baita istorioei dagokienean ere, zeinetan umore garratz eta krudelena ezkortasun tragikoarekin harrigarriro uztartu dietuen. 

Atzera bergirakoa Jordi Costak eta Sergi Sánchezek zuzendariaren ibilbide oso aztertuz idatzi duten Terry Gilliam. El soñador rebelde liburuarekin osatuko da. 

FITXA
Zuzendaria
TERRY GILLIAM
Gidoia
Michael Palin, Terry Gilliam
Argazkia
Peter Biziou
Muntaketa
Julian Doyle
Musika
Mike Moran, George Harrison
Antzezleak
Craig Warnock, John Cleese, Sean Connery, Shelley Duvall
Iraupena
110 m.
Herrialdea
Erresuma Batua
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea