tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 52. Edizioa 2004  > Sailak eta filmak
Salvador Allende
Zinemaldien Gailurra
Salvador Allende
Foto: SSIFF

Nigan arrasto sakona utzi zuen Salvador Allendek. Ez nintzateke naizena izango hark sasoi hartan nire herrian ahoz aho zebilen mundu bidezko eta libreago baten utopia haragitu izan ez balu. Ni han nengoen, aktore eta zinegile. Gogoan dut 1973ko irailaren 11 hura, Txilen, nire urrutiko herrialdean, gailentzen ari zen iraultza bakezale eta demokratikoa zapaltzeko Estatu Batuek estatu-kolpea babestu eta sustatu zuteneko egun goibela. Eta hori lortzeko Errepublikako Presidente Salvador Allende asasinatu zuten, Richard Nixonek ?p... seme? halakoa deitzen zuen gizon bera. Sekula ez dut ahaztuko segidan 17 urtez ezarri zen diktaduraren basakeria... Sufrimenduz, heriotzaz, atzerriratzeaz eta memoriaren suntsitzeaz beteriko urteak. Orain, Salvador Allende gogora ekartzeko garaia da, gizon aparta berau -iraultzailea eta bere burua hiltzeraino demokraziaren fanatiko-, arrazoi historikoengatik, bai, halaxe da, baina baita bere gaurkotasun krudelagatik ere... (Patricio Guzmán).
BIOGRAFIA
Santiago (Txile), 1941. Zine-ikasketak burutu zituen Madrilen eta bere jaioterrian. El primer año (1971) dokumentalarekin hasi zen zine lanetan. Ondoren, bere lanik handizalenari heldu zion, La batalla de Chile (1975-1979), ageriko arrazoi politikoak medio, Kuban editatu eta nazioartean oihartzun zabala izan zuen trilogia. Honen ondotik En nombre de Dios (1987), La Cruz del Sur (1992), Pueblo en vilo (1995), Chile, la memoria obstinada (1997), La isla de Robinson Crusoe (1999), El caso Pinochet (2001) eta Madrid (2002) egin ditu.
FITXA
Zuzendaria
Patricio Guzmán
Gidoia
Patricio Guzmán
Argazkia
Julia Muñoz, Patricio Guzmán
Muntaketa
Claudio Martínez
Musika
Jorge Arriagada
Iraupena
100 m.
Herrialdea
Frantzia-Espainia-Belgika-Alemania-Mexiko
Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea