tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 57. Edizioa 2009  > Sariak eta Epaimahaiak > Epaimahaia Ofiziala > Laurent Cantet
Laurent Cantet
Presidentea
 

Laurent Cantet zinema zuzendaria Melle hirian (Frantzia) jaio zen 1961ean. Parisko IDHEC eskolan ikasi zuen 1986tik 1994ra. Urte horietan zenbait film labur egin zituen, besteak beste Tous à la manif (1993), hainbat sari lortu zituena, Jean Vigo saria barne. 1995ean Jeux de plage film laburra zuzendu zuen eta harekin Epaimahaiaren Sari Berezia irabazi zuen Belforteko jaialdian, eta 1987an Les sanguinaires erdimetrajea zuzendu zuen.

Ressources humaines (Giza baliabideak, 1999) izan zen bere lehenengo film luzea eta Zuzendari Berriak saria irabazi zuen Donostia Zinemaldian. Gainera, film hau aurtengo edizioko Kontrauhina: Frantziako Zinema Berriena atzera begirakoan izango dugu ikusgai. Adierazitakoaz gain, Lehenengo Film Onenaren eta Aktore Berri Onenaren (Jalil Lespert) Zesar sariak ere irabazi zituen harekin.

Zuzendariaren filmografian honako beste lan hauek ere aurki ditzakegu: L’emploi du temps (2001), Urrezko Lehoia Venezian, Vers le sud (2005), Venezian lehiatu zena, eta Entre les murs (2008), Urrezko Palmondoa Canneseko Zinema Jaialdian. Horiek guztiak, gainera, Donostia Zinemaldiko Zabaltegi-Bitxiak sailean proiektatu dituzte.

Telebistarako Un été à Beyrouth (FR3, 1990) film labur dokumentala eta Les inventeurs (TV5, 1996) egin ditu.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea