Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 58. Edizioa 2010  > Sariak eta Epaimahaiak > Epaimahaia Ofiziala > LUCY WALKER
LUCY WALKER
Sail Ofiziala Sariak Epaimahaia
 

Lucy Walker, batez ere, zuzendu dituen lau dokumentalengatik da ezaguna: Devil’s Playground (2002), Blindsight (2006), Waste Land (2010) eta Countdown to Zero (2010). Azkeneko biak Sundancen estreinatu zituzten eta dokumental zuzendari batek jaialdi horretan urte berean bi film izan dituen lehenengo aldia izan zen.

Aurten Donostia Zinemaldiko Zabaltegi-Bereziak atalean izango den Countdown to Zero Canneseko Sail Ofizialean ere izan zen, lehiaketaz kanpoko emanaldi berezi batean.

Waste Land Sundanceko jaialdian eta Berlinekoan batera Publikoaren Saria irabazi duen lehen filma da, eta gainera, sari bera irabazi zuen Seattle, Full Frame, Provincetown, Paulinia, Durban eta Mauiko jaialdietan. Bestalde, Amnistia Internazionalaren Saria irabazi zuen Berlinen eta Durbanen, baita Dallaseko zinema jaialdiko Target Best Documentary Award sariaren 25.000 dolarrak ere.

Walker Berlineko zinema jaialdiko Publikoaren Saria bi aldiz irabazi duen lehen zinemagilea ere bada, Blindsight eta Waste Land lanengatik, hain zuzen. Blindsight, Toronton estreinatu zuten eta Publikoaren Saria irabazi zuen Gante, AFI eta Palm Springeko jaialdietan, dokumental onenaren sarirako izendapen bat izan zuen Britainia Handiko Zinema Independentearen lehiaketan eta Grierson sarian.

Zuzendariaren lehenengo film luze dokumentala, Devil’s Playground, Sundancen estreinatu zuten 2002an eta sariak irabazi zituen Karlovy Varyko eta Sarasotako jaialdietan, baita Emmy sarietarako hiru izendapen ere, Dokumental Onenaren, Zuzendari Onenaren eta Muntaketa Onenaren kategorietan, eta Independent Spirit Award sarirako izendapen bat.

Horrez gain, Blue’s Clues telesaileko zenbait kapitulu zuzendu zituen, eta haiei esker bi aldiz izendatu zuten Emmy sarietarako, Haurrentzako Telesailen Zuzendaritzaren kategorian.

Lucy Walker Londresen hazi zen. Literatura ikasi zuen Oxforden eta, geroago, Zinema ikasketak egin zituen New Yorkeko Unibertsitatean, Fulbright beka bati esker. Institutuan eta Oxforden ikasten ari zela bi antzezlan zuzendu zituen, eta unibertsitatean Oxford University Dramatic Society erakundearen sari prestigiotsuak irabazi zituen.

 
LUCY WALKER
LUCY WALKER

© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea