Pilar Miró igande batean hil zen, 1997ko urriaren 19an, 57 urte zituela. Espainiako egunkari gehienek lehen orrian eman zuten albistea, laudorioz gainezka, baita mirespen- zein errespetu-adierazpenez josita ere. Urte batzuk lehenago, ordea, oso bestelako albisteak argitaratzen zituzten: kargu publikoetan lagunei mesedeak egiten zizkiela, diktatoriala zela, ustela? Pilar Miró zinema-zuzendari izan zen, Zinematografiako zuzendari nagusi, RTVEko zuzendari nagusi. Baina, batez ere, bere garaiko emakumea izan zen, sortzaile emankorra eta kudeatzaile polemikoa. Hala, errealitate bat ez ezik galdera bat ere ekartzen digu gogora. Espainian bere belaunaldiko emakume gutxik lortu zuen Mirók lortutakoa. Baina nor izan zen emakume hura?
BIOGRAFIA
Hainbat liburu idatzi ditu zinemari buruz; horien artean, Jack Lemmon nunca cenó aquí (2001). Bertan, Donostia Zinemaldiaren zuzendari gisa bizitako esperientziak kontatzen ditu. Kargu hori bi alditan izan zuen (1986-1989 eta 1995-2000). Triunfo astekariko eta El País egunkariko kritikari izan da; azken horretan, artikulugile gisa kolaboratzen du. Era berean, nazioarteko zinema-jaialdietako epaimahaikide eta sei telesailen zuzendari izan da -Memorias del cine español (1977), Queridos cómicos (1992), Una historia del Zinemaldia (2010, Carlos Rodríguezekin lankidetzan)-. Era berean Pablo G. del Amo, un montador de ilusiones (2005) dokumentala ere zuzendu du.
FITXA
Zuzendaria
Diego Galán
Gidoia
Diego Galán
Ekoizpena
Paula Conte
RTVE con la colaboración de Zebra Producciones, S.A.
Argazkia
José Luis López-Linares, Alfonso Postigo
Muntaketa
Juan Barrero
Soinua
Sergio Deustua, Gonzalo Ballester
Parte-hartzaileak
Ana Belén, Marisol Carnicero, Enrique Cerezo, Emma Cohen, Patricio de la Nuez, José Manuel Gómez Benítez, Javier Gurruchaga, Fernando Lara, Joaquín Leguina, Jesús Martín, Fernando Méndez Leite, Gonzalo Miró, Pedro Moreno, José Luis Olaizola, Pedro Olea, Luis Ramallo, Lola Salvador, Aitana Sánchez Gijón, Ángel Sánchez Harguindey, Emma Suárez, Owen Thompson, Imanol Uribe
Iraupena
61 m.