Deskonektatu 
Ofizialak
Argentinako immigrante berrien esperientziari buruzko mosaiko hau La Salada azokan gertatzen diren hiru istorioren inguruan eraikita dago. Bakartasunaren eta deserrotzearen aurka borrokatzen diren arraza ezberdinetako pertsonaiak: hitzartutako ezkontza baterako prestatzen ari diren aita eta alaba korear bat; lan bila Boliviatik iritsi berri den gazte bat, eta konpainia egingo dion neskalaguna topatu nahian dabilen Taiwango DVD saltzaile bat.
Buenos Aires, 1979. Irudi eta Soinu Diseinua ikasi zuen Buenos Aireseko Unibertsitatean. Hainbat film labur zuzendu ditu, eta horietako batzuek sari ugari irabazi dituzte, esaterako Ropa sucia (2006) lanak. Horretaz gain, beste film labur batzuk ekoitzi ditu: La loca Matilde, Alberto Romero zuzendariarena, eta Feliz Navidad, Ezequiel Yanco eta Marcelo Pitrolarena. Gidoi-editore gisa lan egin zuen Richard Mahoney zinemagilearen Creating Enemies film luze dokumentalean, eta postprodukzio-laguntzaile gisa Celina Murgaren Una semana solos, Juan Villegasen Los suicidas eta Néstor Lescovichen Yo la recuerdo ahora lanetan. La Salada du lehenengo film luzea, eta INCAAk antolaturiko Opera Prima lehiaketako saria irabazi zuen 2011n.
Andre Zigarrogileen Plaza, 1, 2. solairua
20012 DONOSTIA
Posta Kutxatila 397 - 20080 Donostia
Astelehenetik ostiralera:
9:00 – 14:00 / 16:00 – 19:00
