Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Onlineko bozketa martxoaren 20an amaituko da
Gaur hasiko da Donostia Zinemaldiak laugarren aldiz antolaturiko onlineko kartel-lehiaketan bozkatzeko epea. Amaieran egon daitezkeen kategoria bakoitzeko 20 finalista posibleetatik 10 aukeratuko dituzte.
Botoa emateko epea martxoaren 20ko 23:00ak arte (GMT+1) irekita egongo da. Herritarrek, kategoria ezberdinetan aurkeztu diren 1.726 kartelen artean, gustukoen dituzten kartelen aldeko botoa emango dute. Kategoriak: Kartel Ofiziala, Zuzendari Berriak, Zabaltegi, Horizontes Latinos, Perlak eta Culinary Zinema.
Kartel gustukoenen aldeko botoa emateko ezinbestekoa da aldez aurretik lehiaketaren orri berezian izena ematea: www.sansebastianfestival.com/kartellehiaketa, bertan erabiltzaileek botoak sare sozialetan zabaldu eta partekatzeko aukera ere izango dute. Erabiltzaile bakoitzak saileko eta eguneko boto bakarra eman ahal izango du.
Epaimahai berezi batek kartel irabazleak hautatuko ditu boto gehien jaso eta Zinemaldiak aukeratu dituztenen artean, eta sariak zozketatuko dira atal bakoitzeko kartel irabazleen aldeko botoa eman dutenen artean (guztira sei irabazle izango dira eta bakoitzak hamar saioko zine-abonu bana eta Zinemaldiaren 63. edizioaren argitalpen-lote bana jasoko du).
- Herritarren bozketa: martxoaren 5etik (13:00h. GMT+1), 20ra arte (23:00h. GMT+1).
- Finalisten jakinarazpena: martxoaren 24an.
- Kartel irabazleen jakinarazpen publikoa: maiatzaren 8an.
- Kartel irabazleen aldeko botoa eman dutenen arteko sari-zozketa: maiatzaren 13an.
Kartel irabazleak hautatzeko, atal bakoitzean herritarrek gehien bozkatutako 10 kartelak aukeratuko dira aldez aurretik.
Donostia Zinemaldiak atal bakoitzeko beste hamar kartel aukeratzeko eskubidea izango du, harik eta sail bakoitzeko gehienez 20 finalista izan arte. Horretarako epemuga 2015eko martxoaren 24a izango da.
Finalista horien artean epaimahai batek hautatuko ditu sail bakoitzeko irabazleak eta beren izenak Donostia Zinemaldiak maiatzaren 8an antolatuko duen prentsaurreko batean ezagutaraziko dira.
Lehiaketaren irabazleak edo irabazleek 3.000 euro garbi jasoko dituzte kartel ofizialaren kasuan eta 1.000 euro garbi gainerako sailen kasuan.
Informazio gehiago eta lehiaketaren jarraipena, hemen:
Bideoak
Astelehenetik ostegunera: 09:00etatik 15:30era
Ostiraletan, 10:00etatik 14:00etara