Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Berriak > Espainiako Lankidetza Saria izango da Donostia Zinemaldiaren 63. edizioko sari berria
Espainiako Lankidetza Saria izango da Donostia Zinemaldiaren 63. edizioko sari berria
Honako hiru alderdiei ekarpen handiena egiten dien filma sarituko du: giza garapena, pobreziaren desagerraraztea eta giza eskubide guztien bermea
Osteguna, 2015(e)ko maiatzak 21

Donostia Zinemaldiaren 63. edizioan entregatuko da lehenengo aldiz Espainiako Lankidetzaren Saria, eta jarraian aipatuko ditugun honako hiru alderdiei ekarpen handiena egiten dien Latinoamerikako filmaren ekoizleari emango zaio: giza garapena, pobreziaren desagerraraztea eta giza eskubide guztien bermea.

Sail Ofizialean, zein Zuzendari Berriak eta Horizontes Latinos sailetan parte hartzen duten Iberoamerikako film guztiak izango dira sarirako hautagai, eta irabazlea hiru pertsonak osaturiko epaimahai espezifiko batek erabakiko du.

Hala hitzartu dute Donostia Zinemaldiak eta Lankidetzarako Espainiako Agentziak (AECID); erabaki horrekin aurretik hartutako konpromisoa indartu nahi izan dute bi alderdiek, alegia, Iberoamerikako ikus-entzunezkoen industriarekin batera lan egitea talentu berriak bultzatzeko, zinematografiako proiektuen ekoizpena dinamizatzeko eta filmen merkaturatzea eta nazioartekotzea indartzeko.

Bestalde, Agentziak mahai-inguru bat antolatuko du Europa-Latinoamerika Koprodukzio Foroaren baitan. Foroa Donostia Zinemaldiaren 63. edizioaren barruan gauzatuko da, irailaren 21etik 23ra, San Telmo Museoan.

Espainiako Lankidetzak indartu egin ditu ekimen honen bidez nazioartean erreferentziazkoa den Donostia Zinemaldiarekiko dituen loturak. Horren adibide da Iberoamerikako urteko ekoizpen garrantzitsuenei zein Espainiako film argitaragabeei bide emateko sortu zen Horizontes Latinos saila, hasiera-hasieratik lagundu duena.

 

© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea