Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Berriak > Espainiako hamaika filmek osatzen dute Donostia Zinemaldiko Made in Spain saila
Espainiako hamaika filmek osatzen dute Donostia Zinemaldiko Made in Spain saila
Ostirala, 2015(e)ko irailak 4

Donostia Zinemaldiaren Made in Spain sailak Espainian aurten ekoitzitako obra nabarmenak bilduko ditu. Donostia Zinemaldiaren 63. ediziorako programaturiko izenburuak honako hauek dira:

 

A cambio de nada / Nothing in return (Trukean ezer)
Daniel Guzmán
Ekoizpeneko herrialdea(k): Espainia

Malagako zinema-jaialdiaren aurreko edizioa irabazi zuen film honek, Daniel Guzmánen lehen film luzeak. Daríok bere etxetik ihes egingo du, etxeko infernua atzean utzi nahian. Luismi, bere bihotzeko laguna, Caralimpia, garaile-jarrera duen delitugile zahar bat eta Antonia, bere motogurdiarekin bertan behera utzitako altzariak jasotzen dituen andre-zahar bat, Daríoren familia berria bihurtuko dira.


Las altas presiones / The High Pressures
Ángel Santos
Ekoizpeneko herrialdea(k): Espainia

Ángel Santosen opera primak Nuevas Olas saria jaso zuen Sevillako zinema-jaialdian. Miguelek Pontevedrara bidaiatuko du, film baterako kokalekuak miatzeko agindu diote eta. Bidaiak sorterrira eramango du Miguel: lagun zaharrekin berriz elkartzera, baina baita harreman berri baterako aukera izatera ere.


El camí més llarg per tornar a casa /The Long Way Home / The Long Way Home (Etxera itzultzeko biderik luzeena)
Sergi Pérez Gómez
Ekoizpeneko herrialdea(k): Espainia

Sergi Pérezen lehen filmak Borja Espinosa du protagonista. Goiz batean, Joelek hilzorian eta egarriz topatuko du Elvis, bere emaztearen zakurra. Horrek etxetik ateratzera behartuko du: denbora asko darama hori saihestu nahian. Giltzak etxe-barruan ahaztuta, egun osoa emango du nola edo hala bere etxera –bere babeslekura– itzultzen saiatzen.


Hablar / Talk
Joaquín Oristrell
Ekoizpeneko herrialdea(k): Espainia

Film koral bat da eta 400 metroko bide batean gurutzatzen diren 20 istorio kontatzen ditu: hasi Madrileko Lavapiés enparantzatik, eta Sala Mirador antzokiraino. Pertsonaiek hitz, borroka, barre, negar, mehatxu, xuxurlatu, oihu eta lapur egingo dute, eta elkartu, haserretu eta besarkatuko dira, ikusleari hitzaren botere neurrigabeari buruzko gogoeta bat proposatuz.


Los héroes del mal / The Heroes of Evil
Zoe Berriatúa
Ekoizpeneko herrialdea(k): Espainia

Zoe Berriatúaren opera prima Malagako zinema-jaialdiko sail ofizialean lehiatu zen. Hiru nerabe mespretxuz eta modu txarrean tratatu dituzte. Amesgaiztoko egoera horren irtenbidea indarkerian aurkituko dute: bortitzei bortizkeriaz erantzungo diete, baina zuribide horrek kontrako eragina izango du.


Felices 140 / Happy 140
Gracia Querejeta (Espainia)
Ekoizpeneko herrialdea(k): Espainia

Gracia Querejetaren azken filmean, Maribel Verdúk Elia jokatuko du: 40 urte bete dituen emakume bat, urtemuga aitzaki moduan baliatuko duena, senide eta lagun gutxi batzuk luxuzko landetxe batean biltzeko. Zerbait du haiei esateko: Euromilloiak aste horretan zozketatutako potoaren irabazle bakarra izan da bera.


Mortadelo y Filemón contra Jimmy el Cachondo / Mortadelo & Filemon: Mission Implausible
Javier Fesser
Ekoizpeneko herrialdea(k): Espainia

Javier Fesser-ek zuzendutako abentura zoro honek erabat islatzen du Francisco Ibáñez-ek sortutako unibertsoaren espiritua. Mortadelo eta Filemon agenteek inoiz ezer ez konpontzeko eta bazterrak nonahi endredatzeko duten ahalmen osoa baliatu beharko dute, Jimmy gaizkile konplexuduna non dagoen aurkitzeko.


Requisitos para ser una persona normal / Requirements to be a normal person
Leticia Dolera (Espainia)
Ekoizpeneko herrialdea(k): Espainia

Leticia Dolera bere lehen film luzearen protagonista da. Berak idatzi eta zuzendu du, halaber, eta gidoi onenaren eta fotografia onenaren sariak lortu zituen Malagako zinema-jaialdian hari esker. María 30 urteko neska bat da, apur bat berezia. Helburu bat du: pertsona normal bihurtzea. Horretarako, hori zehazki zer den jakin beharko du lehenbizi.


Rey gitano / Gipsy King (Errege ijito)
Juanma Bajo Ulloa
Ekoizpeneko herrialdea(k): Espainia

José Mari eta Primitivo: bi ustezko detektibe eta arrakastarik gabeko bi langabe. Gaje ijito engainatzailea ustekabean agertzeak betiko aldatuko die bizitza...eta herrialdea bera. Gajek, Espainiako Erregearen semearenak egiten, ez-ohiko lan bat proposatuko die.


Sexo fácil, películas tristes / Easy Sex, Sad Movies
Alejo Flah
Ekoizpeneko herrialdea(k): Espainia - Argentina
Europa-Latinoamerika Koprodukzio Foroa 2012

Pablo gidoigile argentinarrak Madrilen girotutako komedia erromantiko bat idazteko mandatua jasoko du. Ez du arazorik, ondo ezagutzen du generoa, Marina eta Víctorren arteko maitasun-istorioaren lehen urratsak ikusiko ditugu. Alabaina, krisian sartuko da Pablo. Ernesto Alteriori aktore onenaren saria eman zioten Malagako zinema-jaialdian film honegatik.


Torrente 5: Misión Eurovegas
Santiago Segura
Ekoizpeneko herrialdea(k): Espainia

Santiago Segurak sortutako eta antzeztutako "heroia"ren abentura berria. Torrente espetxetik aterako da, 2018an, eta "legez kanpoko" bihurtzea erabakiko du. John Marshall aurkituko du, Eurovegas kasino-hoteleko segurtasuna ikuskatzeaz arduratu zen gizona, eta "espezialista" talde bat bilduko, sekulako lapurreta egiteko.

Bereizmen handiko irudiak

© Donostia Zinemaldia | Desarrollado por: Yo Miento Producciones