tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Nazien sarraskiari begiratu ezberdina
Nazien sarraskiari begiratu ezberdina
SAUL FIA / SON OF SAUL
Osteguna, 2015(e)ko irailaren 24

Dexente izan dira orain arte zinemaren bitartez Auschwitzeko kontzentrazio-esparru beldurgarri hartara egin ditugun bidaiak. Horregatik, sinopsia irakurrita, II. Mundu Gerrako atal tragiko hura enegarren aldiz gogoratu izanak alferkeria eragin dezake. Bestalde, László Nemes hungariaren lehen film luzea ezberdina da, oso oso ezberdina. Ezohiko Auschwitz bat erakusten du, aurretik kontatu ez diguten istorio bat oso modu ezberdinean filmatua.

Saul kontzentrazio-esparruan preso dagoen gazte judu hungariarra da. Bere herritarren gorpuak jaso eta errausketa-labeetan erretzera zigortua, ustekabean semea irudituko zaion ume koskor baten gorpua topatuko du eta izkutatu egingo du, merezitako ehortzea izan dezan.

Eskuzko kameraz hartutako irudi itogarri amaigabe batzuen bitartez, haren kokote eta bizkarra gertu-gertutik jarraituko baititu ia film osoan zehar, Saulen estutasun eta itoaldia sentiaraziko digu. Aldi berean, haren inguruan gertatuz doazen izugarrikeriarik latzenak fokoz kanpo erakusten ditu, hain errealista izanagatik beldurra eragiten duen soinua nabarmenduz.

Cannesen Epaimahaiaren Sari Nagusia eta Fipresci Saria jaso zituen, eta Donostian, Publikoaren Sarirako film hautagaien artean berezietakoa da, zalantzarik gabe.

A.M.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea