tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Pilotariak Hollywoodeko izarrak
Pilotariak Hollywoodeko izarrak
JAI ALAI BLUES
Osteguna, 2015(e)ko irailaren 24

Jai Alai kirolaren historia sinestezina, mundu horretan aritutako pertsona ospetsuenen bitartez, hauxe da Jai Alai Blues dokumentalaren premisa. Baina hori baino gehiago da, Euskal Herritik hasi eta Txina, Kuba, Mexiko, Filipinak, Egipto, eta Estatu Batuetara hurbilduko gara Gorka Bilbao zuzendariaren eskutik. Euskal Herriko bazter ezberdinetan jaio zen kirol herrikoi baten hasiera xumeak, munduan zehar lehen mailako kirola izatera iritsi arte.

Ez da pilota zale izan behar dokumental honetaz gozatzeko, istorioa oso interesgarriak kontatzen dizkigu, pertsonaia oso bitxiak aurkeztu eta espero ez ditugun makina bat irudi erakutsi izugarrizko erritmoan. “Ideia ez zen pilota jokoaz soilik hitz egitea, zerbait askoz zabalagoa kontatzea baizik. Hiru urtetako filmaketa izan da, jende ugari ezagutu dugu eta batetik bestera ibili gara testigantza eta irudiak jasotzen”, dio Gorkak.

Filma hau egiteko bildu duten materiala ere ez da nolanahikoa. Hainbat tokitako telebista eta filmotekekin jarri ziren harremanetan, baina irudi gehienak protagonisten bitartez bildu dituzte. Gezurra badirudi ere, frontoietako kutxatan ere aurkitu zuten materiala, “Daniako frontoian adibidez, eta eskerrak, orain obratan dago eta guk bildu izan ez bagenu, seguruenik orain galduta izango zen”, dio Zigor Etxebarria, argazki zuzendariak.

Enpresariek betidanik erabili izan dituzte apustuak, kirola mundu mailan zabaltzeko eta Jai Alaiek hori zuen. EEBBetan adibidez NBA bailitzan ahalegindu ziren kirol hau zabaltzen. Pilotari hauek izarrak izatera iritsi ziren, frontoi industrial haietan jende ospetsuarentzako harmailak zeuden eta errekuperatutako irudi askotan kirolari hauek Paul Newman, John Travolta, Hemingway, Esther Williams edota Jonh Waynekin ageri dira.

“Gaur egungo egoera ezberdina da, baina kirol hain ikusgarria izanik eta lortutakoak lortuta, etorkizunean bultzada bat jasoz gero, garai haiek errekuperatzeko aukera ere ikusten dugu”, diote zuzendari bizkaitarrek.

N.A.

 
Gorka Bilbao zuzendaria, Jose Luis Barredo ekoizlea eta Zigor Etxebarria argazki zuzendariaren artean.
Gorka Bilbao zuzendaria, Jose Luis Barredo ekoizlea eta Zigor Etxebarria argazki zuzendariaren artean.

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea