tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Harreman pausatua
Harreman pausatua
HITO NO SEX WO WARAUMA / SEX IS NO LAUGHING MATTER
Osteguna, 2015(e)ko irailaren 24

Japoniako minimalismoaren tradizioaren barruan, Nami Iguchi zuzendariak arnas pausatua aukeratu du irakasle-ikasle arteko harremanaren gai ezaguna lantzen duen film honetan. Pausatua baita Mirume ikasle gaztea eta Yuri litografia irakaslearen arteko harremanaren jaiotza bera; pausatua, haien inguruan garatzen den istorioa; pausatua, harreman arriskutsuak bere inguruan sortzen duen eragina. Pausatua baita narrazioa ere, eta erritmoa eta giroa ere bai.

Pausa aukeratu du zuzendariak une orotan; pausa, baita tentsioa sor lezaketen egoeren aurrean ere. Esaterako, ikasle gaztea amorantearen etxera iritsi eta gizon heldua aurkitzen duenean lasai asko, tea hartzeko gonbidatuz. “Ez nekien zure aitarekin bizi zinela” galdetzen dio Mirumek, irakaslearekin bakarrik geratzen den une batean. “Inokuma jauna? Nire senarra da”.

Ondo aukeratutako giroa erabiltzen du horretarako zinemagileak. Herri txiki bat, non ez den inoiz ezer gertatzen. Eskola xume bat, non bigarren mailako pertsonaiek ia ez duten protagonismorik. Litografia ikasketak, non mundua, bizitza, poliki poliki doan. Hain poliki, ezen batzuetan dena geratu egiten dela ematen baitu. Dena, baita filma ere.

ALBERTO BARANDIARAN

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea