tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Kieślowski bere osotasunean ulertzeko ezinbesteko liburuak
Kieślowski bere osotasunean ulertzeko ezinbesteko liburuak
Osteguna, 2015(e)ko irailaren 24

Atzo Donostia Kulturak eta Euskadiko Filmategiak Krzysztof Kieślowski zinegile poloniarrari eskainitako Nosferatu bildumako bi liburu aurkeztu zituzten Zinemaldiaren eremuan. Lehendabiziko liburua, ‘La doble vida de Krzysztof Kieślowski’, Joanna Bardzińskak koordinatua, hamabi lagunen artean idatzi dute; horietatik bost espainiarrak dira eta zazpi poloniarrak. Halaber, liburuan Agnieszka Holland zinegilearen hitzaurrea eta Kieślowski beraren testuak aurkituko ditugu. Bigarrena, berriz, ‘Krzysztof Kieślowski. Halabeharra, etika eta bigarren aukera’ izenburua darama, Iñaki Lazkanok jatorriz euskaraz idatzi duena.

Aurkezpen prentsaurrekora partehartzaile andana agertu zen: Donostia Kulturako zine unitateko arduradun Josemi Beltrán, Poloniako Kultura Institutuko zuzendari Dorota Barys, liburuaren koordinatzaile Joanna Bardzińska, Tadeusz Lubelski zine aditu poloniarra, Iñaki Lazkano euskarazko liburuaren egilea eta Euskadiko Filmategiko zuzendari Joxean Fernadez, zeinak bere hasierako hitzekin ekitaldiaren muina laburbildu baitzuen: “Okendo kultur etxean jada ikus daitekeen erakusketarekin batera, zikloak eta liburuek Kieślowskiren ibilbidea omendu eta aitortzen dute. Izan ere, zinemagile poloniarra hiriko kultur protagonista bihurtuko baita, bere heriotzaren 20. urteurrena betetzen delako eta datorren urtean Donostiak kultura poloniarrari arreta berezi eskainiko diolako, Wrocław hiriarekin Donostiak Europako hiriburutza partekatuko baitu”.

Ikus-entzunezko komunikazioan doktore den Iñaki Lazkanoren aburuz, “Kieślowski XX. mendeko azken hamarraldiko zinegile esanguratsuenetakoa da eta gure artean aski ezaguna izan arren, haren poloniar sasoiko dokumentalgintza, kritika sozialean eta ideologikoan sakontzen duena, apenas izan du zabalkunderik”. Lazkanok, halaber, haren azken urteetako lanen ezkortasunetik itxaropenerako aldaketa aldarrikatu nahi izan du.

S.B

 
Zinemagile poloniarrari buruzko liburuen editore eta egileak Kursaaleko prentsa klubean.
Zinemagile poloniarrari buruzko liburuen editore eta egileak Kursaaleko prentsa klubean.

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea