tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Ahizpa-arteko maitasunak batuta
Zinemaldiaren Egunkaria » ZINE-AZTARNAK
Ahizpa-arteko maitasunak batuta
PERLAK - UMIMACHI DIARY
Igandea, 2015(e)ko irailak 20

Kore-eda, egungo zinemagile japoniarren artean Aisatik kanpora maitatu eta arrakastatsuetakoa, Still Walking (2008) eta Like Father, Like Son (2013) bezalako film hunkigarrien zuzendaria bera, emakume batzuen inguruko istorio arin, samur eta oso atsegin batekin datorkigu oraingoan. Hau da Yoshida Akimiren izenburu bereko manga animaziozko ipuinaren egokitzapen askea.

Sachi, Yoshino eta Chika, amonarena zen etxe zaharrean elkarrekin bizi diren hiru ahizpa gazteek, haiengandik urrun sendi berri bat osatzeko aspaldian utzi egin zituen aita hil berriaren alaba nerabea ezagutuko dute. Suzu txikia. Ahizpak, hasiera- asieratik, txoratzen daude berarekin, eta horregatik, beraiekin bizitzera eramatea erabakiko dute. Zorionez, Suzu ez da ume zaila, bere adinerako oso heldua baizik, jatorra, maitagarria eta oso alaia.

Haren etorrerarekin, beraz, etxe zahar eder hartan zoriontasuna besterik ez da arnastuko, alaitasuna, eta barreak, barre asko egingo dute eta elkarrekin.

Berez famili giroko komedia txikia da, non ez den -itxuran behintzat- gauza handirik gertatzen, non emakume batzuen egunerokotasun arrunta -bere gatazka txikiekin- besterik ez duen erakusten.

Ez da askorik gertatzen, ez, baina bizitza arnasten da. Giroan barneratzen gaitu. Izan ere, euren etxeko intimitatean lasai asko sartzen uzten gaituzten bitartean, ahizpen arteko denbora pasatze horiek, batik bat sentsazioei garrantzi emanez adierazten dizkigu Kore-edak. Horrekin nabarmen uzten du, behin eta berriro, Yasujiro Ozu maisuaren miresle sutsua dela eta filmatzerakoan erabatekoa duela harengandik jasotako eragina.

Kore-edak bikain zuzendutako laukote jator baten ezinbesteko laguntzaz, ahizpa-arteko elkartasun eta maitasun istorio horren ikusketa are gozagarriagoa egiten da. Sentikorra bada, baina ez da eztitsua izatera heltzen. Eta eskerrak.

ANE MUÑOZ

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea