tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Louvre-ren bilakaeraz
Louvre-ren bilakaeraz
ZABALTEGI - FRANCOFONIA
Astelehena, 2015(e)ko irailaren 21

Sokurovek El Arca Rusa (2002) maisulana S. Petersburgoko Hermitage Museoan filmatu bazuen, oraingoan Pariseko Louvre aukeratu du, Veneziako Jaialdian jasotako txalo zaparradaren ondoren gure artean estreinatzera datorren dokumental ikusgarria, oso berezi eta pertsonala, erabat gomendagarria.

Munduko artelan zahar garrantzitsuenak biltzen dituen museo erraldoi horrek joan den mendeko 40ko hamarkadatik hasita jasan dituen eraldaketak aztertzen ditu, Louvreren garrantzia historian zehar nabarmen uzten duen bitartean.

Hartarako, funtsezko bi pertsonaia dakartza gogora: Jacques Jaujard museoko zuzendari, zaindari eta babeslea, eta Franz Wolff-Metternich kontea, gerra bitartean Louvreko artelanak kontrolatu zitzan naziek espreski bidalia.

Soinuaren diseinu eta tratamendua oso berezia da, eta Bruno Delbonnel argazki zuzendariaren irudiak benetan miresgarriak.

Sokurovek narraketa planu ezberdinetan egiten du: hildakoei mintzo zaie; ontzi batean arte lan garrantzitsuak garraiatzen dituen lagun izutuari; Napoleon eta Marianneri-Frantziako sinboloak, museoko mamu gidariak- eta azkenik, ikusentzuleoi. Gurekin ere partekatuko baititu artearen garrantzi historikoaz eginiko hausnarketak.

ANE MUÑOZ

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea