tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Transizio garaian jasotakoak
Transizio garaian jasotakoak
ZABALTEGI - MI QUERIDA ESPAÑA
Asteazkena, 2015(e)ko irailaren 23

Mercedes Moncada eskarmendu handiko dokumentalgilea da. 2003an La Pasión de María Elena bere lehen dokumentalarekin sari garrantzitsuak jaso zituenez geroztik nazioarteko mailan jaialdi askotan parte hartu izan du, bai eta sari garrantzitsuak jaso ere. Zinemalditik ere igarotakoa da, hain zuzen 2013an Palabras mágicas (para romper un encantamiento) filma aurkeztu zuen, Zabaltegin. Orain berriz, Estatu espainiarreko Demokraziaren inguruko ikerketa lana ekarri du sail berera.

Borbongo Juan Carlos I.ak errege kargua hartu zuenetik gaur egunera arteko garapen sozial eta politikoaz hausnartzen du. Hartarako, Jesús Quintero kazetariak urtetan zehar egindako hamaika elkarrizketen artetik hartutako zatien bilduma zabal batez baliatu da, non Quintero politikariekin, kultur eragileekin, kaleko jendearekin, baztertu eta zapaldueekin egindako solasaldiak aurkituko ditugun.

Dokumentala elkar lotuz joango den hiru zati ezberdinez osatua dago: Quinteroren elkarrizketez gain, oreinak ehizatzeko egun batez bildu diren ehiztari batzuen urratsak jarraitzen ditu, eta Kadizeko ihauteri ospetsuetan koadrila ezberdinek kantatzen dituzten txirigota batzuk erantsi ditu. Txirigotek urteko gertakari politiko eta sozial esanguratsuenen parodiak adierazten dituzte, eta ehizak, “betiko Espainia hori”, Berlangaren Espainia.

ANE MUÑOZ

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea