Deskonektatu 
Ofizialak
Courgette ("kuiatxo") ezizen misteriotsua da 9 urteko mutil batentzat. Haren istorio berezia, hala ere, harrigarriro unibertsala suertatzen da. Amaren bat-bateko heriotzaren ostean, Courgette polizia atsegin baten lagun egin da, Raymond-ena. Raymondek harrera-etxe batera lagunduko dio Courgetteri, adin bereko beste ume batzuen artean bizitzera. Hasieran, Courgetteri kosta egingo zaio bere lekua topatzea ingurune arrotz eta zenbaitetan zakar horretan. Baina Raymond-en eta bere lagun berrien laguntzarekin, Courgettek konfiantza izaten ikasiko du, eta benetako maitasuna eta familia berri bat aurkituko du azkenean.
Bere lehen film luzea, Ma vie de courgette, egin baino lehen, Claude Barrasek zenbait film labur zuzendu zituen; besteak beste, Le génie de la boîte de raviolis (2006), mundu osoko hainbat zinema-jaialditan saritua. Claude Barrasek haurtzaroarekin duen lotura bitxia denboratik eta adin-desberdintasunetatik harago doa. Izan ere, dohain berezi bat du Barrasek: negarra eta irria aldi berean eragiteko gai da. Haren istorioak errealismoz eta fantasiaz beterik daude, umorez eta poesiaz.
Andre Zigarrogileen Plaza, 1, 2. solairua
20012 DONOSTIA
Posta Kutxatila 397 - 20080 Donostia
Astelehenetik ostiralera:
9:00 – 14:00 / 16:00 – 19:00
