Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 64. Edizioa 2016  > Sariak eta Epaimahaiak > Epaimahaia Ofiziala > Esther García
Esther García
Epaimahaia Ofiziala
 

Eraginkorra, ordenatua, zehatza. Esther Garcíak ondo antolatua du burua, eta buru horretan ezin hobeto kabitzen da duela urte asko jada -Rafael Romero Marchente Curro Jiménez telesaila filmatzen ari zenean eta herri hau trantsizio politikoari heltzen ari zitzaionean- deskubritu zuen mundua.

Goitik beherako emakumea da, bere bidea lantzen jakin duena: aprendiza, idazkaria, atalburua, zuzendaria eta produktorea. Baina luzea izan da bidea: 90 izenburutik gora, zinema eta telesailak kontuan hartuta. Hasi Mariano Ozoresengandik eta Fernando Colomoganaino, Fernando Truebagandik Gonzalo Suárez edo Álex de la Iglesiaganaino, Isabel Coixetengandik Lucrecia Martel, Guillermo del Toro, Diego Galán, Damián Szifron, Pablo Traperoganaino… Aurpegi gozo, hogeita hamar urteko baten itxura eta bost Goya sari dituen segoviar honek hamaika zinemagileren konfiantza irabazia du.

1986an, Pedro Almodóvarrekin bat egin zuen Matador filmean. Enkontru hura harreman estu baten hasiera izan zen, senar-emazteen arteko lotura baten parekoa ia, eta harrezkero Almodóvarren filmografiako izenburu guztietan aritu da, Julieta (2015) arte, zeinean Esther, produktore ez ezik, lagun, nagusi eta bidaidea ere izan den.

Produktore moduan egin dituen filmen artean, honako hauek nabarmendu daitezke: El clan (2015), Relatos salvajes (2013), Los amantes pasajeros (2012), La piel que habito (2012), El último verano de La Boyita (2010), Los abrazos rotos (2010), El patio de mi cárcel (2009), La mujer rubia (2008), Volver (2006), La vida secreta de las palabras (2005), La mala educación (2004) eta Mi vida sin mí (2003).

 

© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea