tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 64. Edizioa 2016  > Sariak eta Epaimahaiak > Epaimahaia Ofiziala > Matthew Libatique
Matthew Libatique
Epaimahaia Ofiziala
 

Matthew Libatique American Society of Cinematographers elkarteko kide da. American Film Institute prestigiotsuan graduatu zen, eta zinematografiari buruzko master bat ere egin zuen han. Darren Aronofsky zinemagile berritzailearekin egin dituen lankidetzei esker egin zen ezagun. Bost film egin dituzte elkarrekin: Pi (1998), Requiem For A Dream (2000), The Fountain (2006), Black Swan (2010) eta, duela gutxi, Noah (2014). Black Swan filmean egindako lanari esker, Oscar sarietarako bere lehen izendapena lortu zuen Libatiquek, baita ASCren izendapen bat eta bere bigarren Independent Spirit Award saria ere.

1995ean ekin zion bere ibilbideari, argazki-zuzendari gisa, musika-bideoen industrian. Hainbat artistarentzat lan egin du; besteak beste, The Cure, Usher, Death in Vegas, Erykah Badu, Incubus, Tupac, Moby, Snoop Dog, Jay-Z, Justin Timberlake eta The Fray-rentzat. 2002an MVPA sari bat eskuratu zuen, argazki onenaren kategorian, Matchbox 20ren “Mad Season”engatik, eta beste bat 2013an Justin Timberlakeren “Suit and Tie”rengatik. Izen handiko zuzendariekin jardun du lanean, hala nola David Fincher, Floria Sigismondi, Phil Harder, Terry Richardson, Mark Pellington, Chris Milk eta Paul Hunter-ekin. Azken aldi honetan, zinema komertzialean dihardu, Brian Beletic, Stylewar, Traktor, Noam Murro, Dante Ariola, Johnny Green eta Ringan Ledgewick zuzendarientzat, besteak beste.

Haren ibilbide zinematografikoan aipatzekoak dira, bestalde, Jon Favreau-rekin egin dituen lanak (Iron Man, 2008; Iron Man 2, 2010; Cowboys and Aliens, 2011), baita Spike Lee (Inside Man, 2006; Miracle at St. Anna, 2008), Joel Schumacher (Tigerland, 2000; Phone Booth, 2002), Liev Schreiber (Everything is Illuminated, 2005) eta Mathieu Kassovitz-ekin eginikoak ere (Gothika, 2003).

Berriki, F Gary Gray-ren Straight Outta Compton (2015), Jodie Foster-en Money Monster (2016), James Pondsaldt-en The Circle (2016) eta Spike Lee-ren Chi-Raq (2015) filmetan jardun du.

Une hauetan, Darren Aronofskyren proiektu berriaren produkzioan dihardu lanean. Filmak, izenik gabea oraindik, Jennifer Lawrence eta Javier Bardem ditu protagonista.

Matthew Libatique Academy of Motion Picture Arts and Sciences-eko kidea da, baita American Society of Cinematographers-ekoa ere.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea