Sartu nire zinemaldira Deskonektatu
tve Gas Natural Fenosa movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 65. Edizioa 2017  > Zinemaldiaren Egunkaria > EUSKAL BALEAZALEEN MISTERIOAREN LEZIOAK
EUSKAL BALEAZALEEN MISTERIOAREN LEZIOAK
ELKARREKIN / TOGETHE
Asteartea, 2017(e)ko irailaren 26

Gaur Victoria Eugenia antzokian egingo den Euskal Zinema eta ETBren Galan estreinatuko da Elkarrekin-Together film dokumentala. 65. Donostia Zinemaldiko Zinemira sailean Euskal Zinemaren Irizar saria eskuratzeko lehian dago filma. Proiekzioaren aurretik, 20:00etan hasiko den ekitaldian, Zinemira saria emango diote Julia Juaniz muntatzaile nafarrari.

Migueltxo Molinak zuzendu du Elkarrekin-Together filma, Igor Otxoa eta Pablo Irabururekin batera. Euskal arkeologo talde batek Ternuako Placentia izeneko uharte txikira eginiko espedizioa kontatzen du dokumentalak. Euskal arrantzaleen aztarnen bila egindako udako kanpaina kontatzen du istorioak, baina, batik bat, euskal baleazaleen eta bertako indioen arteko topaketa eta elkarlana ditu abiapuntu. “Orain artean landu ditugun proiektuak (Pura vida, Nomadak TX…) geureak izan dira, baina hau enkargu bat izan da”, adierazi du Migeltxo Molina zuzendariak estreinaldiaren bezperan. Albaola Itsas Faktoriako presidente Xabier Agotek eta espedizioaren buru Xabier Alberdi arkeologoak helburu bat zuten: elkarlanean oinarritutako harreman anitz baten frogak aurkitzea. Honenbestez, giza-ondare historikoa aberastu eta aurkikuntza hauei merezi duten balioa ematea bilatzen zuten, ikerketa-lerro berriak jorratzeko tresnak eskainita.

Elkarlanearen kontzeptua ez zen izan, hala ere, ikerketarako gai soil bat. Aldiz, dokumentalean parte hartu dutenen lanerako filosofía ere izan dela azpimarratzen du Molinak. “Bertako aditu eta bizilagun ugarik lagundu digute filmaketaren prozesuan aurrera egiten, ekoiztetxe eta elkarte desberdinen proiektua izan da, eta hiru zuzendariren lana dago atzean; beraz, elkarlana dario dokumentalari”, dio Molinak. Filma 65. Donostia Zinemaldian aurkeztea “abiapuntua eta plataforma zoragarria” dela aitortu du zuzendari nafarrak. 
 
IRENE ELORZA
Migueltxo Molina zuzendaria.
Migueltxo Molina zuzendaria.

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea