Donostia Zinemaldiaren hurrengo edizioan jardunaldi bat egingo da, irailaren 24an, Europako eta Latinoamerikako zinema sustatzeko funtsei buruz. Zinemaldiaren posizionamendu estrategikoa dela eta, ekitaldia -Europa Creativa MEDIAk sustatua, European Film Forum ekimenaren esparruan- elkargune ona izango da nazioartean zinema finantzatzeko oinarrizkoak diren eragileak biltzeko.

Zenbatekoei, laguntza-lerroei eta emaitzei begira garrantzitsuenak diren funtsak aurkeztu nahi dira, eta profesionalekiko elkarrizketari bide eman, ikus-entzunezkoen paradigma berrian halako pizgarriek etorkizunean izango dituzten joerak azaltzeko.

Zinema babesteko funtsek, estatuek beren zinematografiei ematen dizkieten laguntzez harago, ekoizpen-gaitasun txikiagoa duten herrialdeekiko koprodukzioak sustatzen dituzte; hala, ezinbesteko zeregina betetzen dute herrialde horietako ikus-entzunezkoen industria garatzeko. Sortzaileen, bakide posibleen eta zinema-jaialdien arteko bitartekari gisa dihardute, eta ikus-entzunezkoen ekoizpena eta nazioarteko proiekzioa mesedetzen dute.

Orobat aztertuko da zer funtzio betetzen dituzten beren estatu kideen artean koprodukzioak sustatzeko laguntzak ematen dituzten estatuz gaindiko erakundeek, esate baterako, Europa Creativa MEDIAk, Eurimagesek eta Ibermediak, ikus-entzunezko industria sendotzeko, munta handiagoko obrak sustatzeko eta filmen nazioarteko zirkulazioa laguntzeko funtsezko tresna gisa.

Lucia Recalde | MEDIA Unitateko arduraduna - Europa Creativa Programa (Belgika)
Nazioarteko funtsak, zinemaren ekoizpen eta banaketako bitartekaritza.Etorkizuneko joerak.

Moderatzailea: Pablo Iraola | Ukbar Filmes (Portugal)

• Fay Breeman | IFFR PRO programaren zuzendaria - HBF - HUBERT BALS FUND (Herbehereak)
• Vincenzo Bugno | WCF - WORLD CINEMA FUND proiektuaren zuzendaria - Berlinale (Alemania)
• Nathalie Streiff | AIDE AUX CINEMAS DU MONDE proiektuaren arduraduna - Institut Français (Frantzia)

• Azterketa-kasua: Las Herederas / The Heiresses, Marcelo Martinessirena (Paraguai - Alemania - Uruguai - Frantzia - Norvegia - Brasil)
  • Sebastián Peña | La Babosa Cine (Paraguai)
  • Agustina Chiarino | Mutante Cine (Uruguai)
  • Christoph Friedel | Pandora Film Produktion (Alemania)

Moderatzailea: Pablo Iraola | Ukbar Filmes (Portugal)

• Lucia Recalde | MEDIA Unitateko arduraduna - Europa Creativa Programa (Belgika)
• Sergio García de Leániz | Eurimageseko proiektuen arduraduna (Frantzia)
• Elena Vilardell | Ibermediako idazkari teknikoa eta exekutiboa (Espainia)

• Azterketa-kasua: Un día más con vida / Another Day Of Life, Raúl de la Fuente eta Damian Nemowena (Espainia - Polonia - Belgika - Alemania - Hungaria)
  • Amaia Remírez | Kanaki Films (Espainia)
  • Otilio García Gobea | Golem Distribución (Espainia)

*Sarrera akreditazioarekin

Industria Saila ondorengoen babesarekin: