Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Donostia Zinemaldiak Zineman parekidetasunaren eta emakumeen inklusioaren aldeko gutuna sinatuko du igandean, irailak 23, 12:00etan, Kursaaleko prentsaurreko-aretoan.
Zinemaldiko zuzendari José Luis Rebordinosekin batera izango dira Espainiako Gobernuko presidenteorde Carmen Calvo, Kultura eta Kiroletako ministro José Guirao, Zinemaldiko Administrazio Batzordeko buru eta Donostiako alkate Eneko Goia eta CIMAko presidente Cristina Andreu. Ekitaldia CIMAko presidenteorde Virginia Yagüek aurkeztuko du.
Ekimen hau 5050x2020 kolektiboak Canneseko Zinema Jaialdiko aurreko edizioan aurkeztu zuen publikoki, eta, kasu honetan, CIMAk bultzatu du sinadura, alegia, zinemaren eta ikus-entzunezko bitartekoetako emakumeak ordezkatzen dituen Espaniako elkarte nagusiak.
|
ZINEMAN PAREKIDETASUNAREN ETA INKLUSIOAREN ALDEKO GUTUNA
|
Gutuna sinatuta, Zinemaldiak honako konpromiso hauek hartuko ditu:
- Generoaren arabera banatutako estatistikak konpilatzea, bai hautatzeko jasotako filmei buruzkoak, bai hautatutako eta programatutako filmei dagozkienak, emakumeek zuzendutako proiektuen presentziari buruzko datu fidagarri eta egiazkoak izateko.
- Hautaketa- eta programazio-batzordeetako kideen zerrenda zabaltzea.
- Zinemaldiko organo exekutiboak aldatzeko egutegi bat ezartzea, egungo agintaldian parekidetasuna lortze aldera.
- Lortutako aurrerapenei buruzko urteko jakinarazpen bat bidaltzea.
- CIMAko ordezkariak kazetarien esanetara izango dira Donostian, eta, haiek nahi izanez gero, emakumeek Espainiako zinematografian duten ordezkaritzari buruzko 2017ko txosteneko datuak emango dizkiete.
Astelehenetik ostiralera: 09:00 - 14:00 | 16:00 - 19:00.