tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Berriak > Zabalik dago 35. Zinema Eraikitzen sailean izena emateko epea
Zabalik dago 35. Zinema Eraikitzen sailean izena emateko epea
35. edizioa 2019ko martxoaren 28an eta 29an izango da Cinélatino, Rencontres de Toulouse zinema jaialdian

Izena emateko epea urtarrilaren 21ean amaituko da
Asteazkena, 2018(e)ko urriaren 31

Zinema Eraikitzen ekimenak, Donostia Zinemaldiaren eta Cinélatino, Rencontres de Toulouse zinema jaialdiaren urteroko hitzordu bikoitzak, 35. edizioan izena emateko epea ireki du.

Postprodukzio-fasean zailtasunak dituzten Latinoamerikako film luzeak bukatzen eta nazioartean banatzen laguntzea helburu du ekimenak. Bi zinema jaialdietako batzordeetako kideek aukeratutako sei film profesionalen aurrean aurkeztuko dira filmen amaieran eta banaketan laguntza jasotzeko eta baita zinema jaialdietan egoteko aukera izateko ere.

Ekimen profesional honek azken urteotako Latinoamerikako film garrantzitsuenak amaitzeko eta komertzializatzeko aukera izatea ahalbidetu du eta sortzaile ugariren nazioarteko ospea bultzatu du (Jayro Bustamante, Ciro Guerra, Emiliano Torres, Pepa San Martín, Lorenzo Vigas, Mariana Rondón, Alejandro Fernández Almendras, Sebastián Lelio eta Amat Escalante, besteak beste).

2018an Zinema Eraikitzen saileko ondorengo filmak nazioarteko zinema jaialdirik ospetsuenetan hautatu dituzte: Beatriz Seigner-en Los Silencios (Errealizadoreen Hamabostaldia - Festival de Cannes eta Donostia Zinemaldiko Horizontes Latinos, bertan Espainiako Lankidetza Saria lortu zuen); Martín Rodríguez-en Marilyn (Berlinaleko Panorama eta Donostia Zinemaldiko Horizontes Latinos); Aly Muritiba Ferrugem / Rust (Sundanceko zinema jaialdia eta Donostia Zinemaldiko Horizontes Latinos);  André Novais-en Temporada (Locarno zinema-jaialdiko Cineasti del Presente); María Alché-ren Familia sumergida (Locarno zinema-jaialdiko Cineasti del Presente eta Donostia Zinemaldiko Horizontes Saria); Ignacio Juricic-en Enigma (Donostia Zinemaldiko Horizontes Latinos); eta Rubén Mendozaren Niña errante (Tallinn Black Nights Festival).

SARIAK

Zinema Eraikitzen saileko 35. edizioan honako sari hauek banatuko dira:

  • ZINEMA ERAIKITZEN TOULOUSE SARIA Frantzian film baten postprodukzio-lanak egitean datza, honako enpresa eta erakunde hauetako ordezkariek emana:
  • CCAS (Caisse Centrale d'Activités Sociales du personnel des industries électriques et gazières), Commune Image, Eaux Vives, Firelfly, Mactari eta Titra Film.
  • CINE + ERAIKITZEN SARIA: Ciné+ kateak emana, filma Frantzian banatuko duen etxearentzat.
  • EUROPAKO BANATZAILEEN ETA ERAKUSLEEN SARIA: Europa Distribution banaketa-sareak eta CICAE erakusle-sareak (Confédération Internationale des Cinemas d'Art et d'Essai) filma sustatuko dute.

IZEN-EMATEA

  • Latinoamerikako ekoizpena (gehiengoa edo gutxiengoa) duten film luzeek parte har dezakete.
  • Film luzeek, amaitu ostean, 60 minututik gorako iraupena izan behar dute.
  • Film luzeak postprodukzio-fasean egon behar dute (lehen kortea, gutxienez).
  • Hautatzeko aurkeztutako korteak ingelesez edo gaztelaniaz azpititulatuta egon beharko du, baldin eta jatorrizko bertsioa ez bada gaztelaniaz.
  • Izen-ematea doakoa da.

Izen-ematea online egiteko formularioa: http://www.cinelatino.com.fr/cc/formulaire.php

FILMEN IZENA EMATEKO ETA FILMAK JASOTZEKO AZKEN EGUNA: 2019KO URTARRILAK 21

HAUTAKETA

Film hautatuak martxoaren hasieran jakinaraziko dira.

Hautatuak izanez gero:

  • Zuzendariak eta ekoizleak Zinema Eraikitzen sailaren 35. ediziora bertaratu beharko dute, 2019ko martxoaren 28an eta 29an.
  • Proiektatzeko kopiak jatorrizko bertsioan egon beharko du, ingelesezko azpitituluekin.
  • Emanaldietarako Blue Ray formatua behar da (hiru back up kopia).

KONTAKTUAK

Cinema en Construction Toulouse
T: +33 561 32 98 83
www.cinelatino.fr

Izen-emateak
Esther Saint-Dizier
esther.saintdizier@cinelatino.fr

Profesionalak
Eva Morsch Kihn
eva.morsch.kihn@cinelatino.fr

Donostia Zinemaldia
T: +34 943 48 12 12
enconstruccion@sansebastianfestival.com
www.sansebastianfestival.com

KOLABORATZAILEAK

Zinema Eraikitzen sailaren 35. edizioak honako enpresa eta erakunde hauen babesa du: Bureau des Tournages Toulouse: agence d'attractivité; Caisse Centrale d'Activités Sociales du personnel des industries électriques et gazières (CCAS); Centre National du Cinéma et de l'Image Animée (CNC); CINÉ +; Commune Image; Confédération Internationale des Cinémas d'Art et Essai (CICAE); Conseil Général de la Haute Garonne; Eaux Vives; l'École Nationale Supérieure d'Audiovisuel (ENSAV); Europa Distribution; Firefly; Gaumont Wilson; La Cinéfondation; Le-Lokal Production;  Mactari; Touloseko Udala; Producers Network (Canneseko zinema-jaialdia); Région Occitanie / Pyrénées-Mediterranée; Signis; eta Titra Film. Halaber, honako hauen lankidetza izango du: Europa Creativa MEDIA; Programa Ibermedia; Ad Hoc Estudios; Deluxe Spain; Dolby Iberia; Laserfilm Cine y Video; Nephilim producciones; No Problem Sonido; Wanda Visión; eta Film Factory.


Industria Saila ondorengoen babesarekin:

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea