Deskonektatu 
Ofizialak
ROMA Alfonso Cuarón (Gravity, Hijos de los hombres, Y tu mamá también) zuzendari eta gidoilari Oscar saridunak orain arte egindako proiektu pertsonalena da, eta Cleo gazteari buruz hitz egingo digu. Cleo etxeko langile dabil Roman, Mexiko Hiriko erdiko klaseko auzo batean. Berau hezi duten emakumeentzako amodio-gutun bikain honetan, bere haurtzaroko zatiak berreskuratuko ditu Cuarónek, etxeko gatazken eta gizarte-hierarkiaren erretratu emotibo eta benetakoa egiteko, 70eko hamarkadako egoera politiko gorabeheratsuaren esparruan.
Alfonso Cuarónek 1991ean egin zuen debuta Solo con tu pareja filmarekin. A little Princess (1995) Donostiako Sail Ofizialean proiektatu zen, lehiaketaz kanpo. Y tu mamá también-ek (2001) jatorrizko gidoi onenaren Oscar sarirako izendapena jaso zuen, eta Donostiako Made in Spanish saila itxi zuen. Ondoren, Harry Potter and the Prisoner of Azkaban (Harry Potter eta Azkabango presoa, 2003) eta Children of Men (2006) zuzendu zituen, eta azken horrek Oscar sarietarako bi izendapen jaso zituen. Gravity (2013) filmak zuzendari onenaren eta muntaketa onenaren Oscar sariak lortu zituen. 1997an Donostiako Epaimahai Ofizialeko kide izan zen eta 2007an Zinema Eskoletako epaimahaiburu izan zen. ROMA-k Urrezko Lehoia irabazi du Veneziako aurtengo zinema-jaialdian.
Andre Zigarrogileen Plaza, 1, 2. solairua
20012 DONOSTIA
Posta Kutxatila 397 - 20080 Donostia
Astelehenetik ostegunera:
9:00 – 14:00 / 16:30 – 18:00
Ostirala: 10:00 – 14:00
