tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Sariak eta Epaimahaiak > Epaimahaia Ofiziala > Nahuel Pérez Biscayart
Nahuel Pérez Biscayart
 

Nahuel Pérez Biscayart argentinar aktoreak Buenos Aireseko Arte Ederren Akademian ikasi eta, ondoren, komedia-tailer pribatuetan jaso zuen prestakuntza. Argentinan antzezten jarraitu zuen, zenbait antzerki-lan eta hala zinemarako nola telebistarako filmak eginez. Rolex beka jaso zuen 21 urte eskas zituenean, eta horri esker New Yorkera bidaiatu eta Kate Valk aktorearen The Wooster Group konpainiarekin bat egin zuen. Argentinara itzulitakoan, 2008an, ikusleen arreta bereganatu zuen Pablo Fendriken La sangre brota-n (Semaine de la Critique, Cannes 2008) jokatutako rolagatik. Parisera egindako bidaia batean, Benoît Jacquot harekin harremanetan jarri zen Au fond des bois filmeko paper nagusia eskaintzeko. Obra hori 2010eko Locarnoko zinema-jaialdian estreinatu zen. Ondoren, 2014an, Rebecca Zlotowskiren Grand Central protagonizatu, eta Canneseko zinema-jaialdian proiektatu zuten filma, Un Certain Regard saileko lehiaren barruan. Orobat, David Lamberten Je suis a toi (2014) filmeko antzeztaldean sartu zen, Belgikan, eta rol horri esker sari bat irabazi zuen Karlovy Varyko zinema-jaialdian. 2017an berriz ere itzuli zen Frantziako zinemagintzara, Albert Dupontelen Au revoir là-haut eta Robin Campilloren 120 battements par minute (sari nagusia Cannesen)protagonizaturik. Azken horretan Sean hezurmamitu zuen, 90eko hamarkadaren hasierako Act Up-Paris elkarteko kide karismadun bat, eta paper horri esker gizonezko aktore berri onenaren Cesar saria irabazi zuen 2018an.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea