“Modu zirraragarrian filmatua (…) Mendozak beste behin erretratatzen ditu behartsuak eta pariak, eta bitartean akatsik eta hutsik gabe jarraitzen du itxuraz suntsitzen ari den gizarte hori zaintzen dutenen irudiak” Juan G. Andrés, EL DIARIO VASCO

“Generoko zinemaren kategoria gainditu eta salaketa-dokumentu bihurtutako produktu hau zeharo ausarta da (…) zalantzarik gabe, konpromisoa du kausarekiko” Victor Esquirol, GARA

“Argazkilaritza iluna eta zaborrez gainezka dauden jokalekuak erabiliz, bere film hoberenak taxutzen ditu Brillante Mendozak (…) bere betiko egongunera itzuli, eta bere alegatuen bidez aurka egiten dio, berriro ere, zerbitzatu behar duen gizartearen gaitz nagusi bihurtu den polizia-sistemari” Juan Zapater, NOTICIAS DE GUIPUZCOA

“Troy Espirituren gidoia gogorra da eta harira dator, eta ikerketa zorrotzean oinarrituta dagoela ematen du” Jonathan Romney, SCREEN DAILY

“Modu zirraragarrian zuzendu eta antzeztutako lan honek prestigio handia bilduko du nazioartean, seguru” Jonathan Romney, SCREEN DAILY

“Santiago Alfonsok aukerako lana egiten du, eta filmaren benetako errebelazioa da” Victor Esquirol, GARA

“Ikusgarria eta entretenigarria” Oti Rodriguez Marchante, ABC

“Intrigazko ariketa nabarmen honetan, keinu, begirada eta esaldi bakoitzean sumatzen da indarkeria (…) begirada beldurgarria gure ni basatienari” Victor Esquirol, GARA

“Lanaren filmaketak eta ironia harrigarriak liluraz betetzen dute” Alberto Moyano, EL DIARIO VASCO

“Ederki uztartzen ditu komediaren, dramaren eta thrillerraren elementuak” Kaleem Aftab, CINEUROPA

“Erabat xelebrea eta erabat sotila (…) Gustatzen zait pantaila karratu hori, jainkoei eta haurrei, adiskidetasunari, heriotzari, fedeari eta beste guztiari buruzko gogoeta hau mugatzen duena. (…) Gustatzen zait eszenak ez direla bat-batean urratzen, eta emanean lasaiak direla. Gustatzen zait disko-jogailuak, heriotza, otoitza eta intsentsua barnebiltzen dituen erdi-erlijiozko deabrukeria hau” Begoña del Teso, EL DIARIO VASCO

“Film honek ez ditu basakeriak salatzen; aldiz, amets egiten du. Amets egiten du eta agerian uzten du (…) 4:3 formatuan bizitzea ez dela erraza. Estugarria da. Itogarria da” Begoña del Teso, EL DIARIO VASCO

“Gozamen ttiki bat da etxeko fantasia hau ikustea: hain hurbila; elkar ulertzez, maitasunez eta xehetasunetarako arretaz betea; eta hain ederki marraztua” Mikel G. Gurpegui, EL DIARIO VASCO

“Oso txukun begiratzen die hala handiari (sakrifikatutako denbora, dirua eta bizitzak) nola txikiari, alabaren heriotza dela-eta oinazeturik eta lur jota dagoen gizon baten intimitateari” Oti Rodriguez Marchante, ABC

“Hibrido gozagarri honek bikain gurutzatzen ditu thrillerra eta dokumentala, espioi-filma eta pertsonaia baten erretratua, bizitzari eta adiskidetasunari, indarkeriari eta bakeak egiteari buruz zer pentsatzen duen azaltzen duenean, sano, irmo eta inolako itzulingururik gabe” Begoña del Teso, EL DIARIO VASCO