tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Zinemaldiaren Egunkaria > Musika pasealdia zineman barrena
Zinemaldiaren Egunkaria » Belodromoa
Musika pasealdia zineman barrena
Ostirala, 2018(e)ko irailak 21

Euskadiko Orkestra Sinfonikoak, SGAE fundazioak eta Donostia Zinemaldiak zinemamusikako kontzertu bat eskainiko dute aurten ere. Zinemaldiko lehenengo larunbatean, irailaren 22an, eguerdian irekiko zaizkie ateak melomano, zinemazale eta entzuleei, soinubanden interpretazio sinfonikoa eta soinubanda horiei dagozkien filmetako eszenekin egindako muntaketa bateratzen dituen ikuskizunaz gozatzeko. Fernando Velázquez orkestrazuzendari eta konpositorea izango da orkestraren zuzendaria zinema eta soinubanden topaketa jendetsu horretan.

Aurtengo Kontzertua & proiekzioa ekitaldiak hamar bat filmetarako konposatutako musikaren egokitzapenak bilduko ditu “Pasealdia zineman barrena” izenburupean. Velázquezek berak konposatu ditu eskainiko diren musikaobren erdia: adibidez, Zipi y Zape y la isla del capitán, Gernika, El secreto de Marrowbone, Contratiempo—Zahara abeslariarekin batera konposatua— eta Un monstruo viene a verme filmetako soinubandak. Errepertorioa osatzeko, beste bost film hauetarako konposatutako musikaren egokitzapenak aurkeztuko dira: Locura de amor, Tadeo Jones 2: El secreto del rey Midas, El elegido, Todos los hombres sois iguales eta Go!azen. Juan Quintero, Zacarías M. de la Riva, Arnau Bataller, Bernardo Bonezzi eta Álvaro Carmona izan ziren soinubanda horien konpositoreak, hurrenez hurren.

Ordu eta erdiko gutxi gorabeherako iraupena izango duen kontzertu honetan Orkestrak hainbat ahots izango ditu ondoan: Go!azen euskal telesaileko hainbat abeslari, Zahara eta Kup Taldea abesbatza.

Gonbidapenak gaur arte jaso daitezke Zinemaldiaren Kursaaleko eta Okendo plazako informazioguneetan eta Boulevardeko Donostia Turismoa bulegoan, 9:00etatik 20:00etara. Azken sarrerak Belodromoko leihatiletan eskuratu ahal izango dira goizeko 10etatik aurrera kontzertuaren egunean.

S.B.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea